طلاب ماستر حاسب ياليت تفيدوني جزاكم ربي كل خير...

لأسف ماعندي علم والله يوفقك ياخووووووووووووووووي

يوفقنا وياك خيووو...
بانتظار اخواني ياليت تفيدوووني....

حياك الله اخوي

كل تخصص له علاقه بالحاسب هو داخل تحت مظلة علوم الحاسب.. لكن يختلف اساس التخصص الاخر
يعني نظم المعلومات تحت علوم الحاسب لكن ايضا تحت ادارة الاعمال : فهنا لو معك بكالوريوس علوم حاسب وراح تكمل ماستر نظم معلومات فقد تحتاج تدرس مواد ادارية كمتطلب للبرنامج

لكن فيه تخصصات تحت علوم الحاسب وما تحتاج تدرس مواد مطلوبه: الا في حال جامعتك في البكالوريوس مقصره في نوع المواد اللي درستها فهنا قد يطالبونك الجامعه بدراسة مواد ناقصه عنك وهذا نادر

لكن بشكل عام اذا معك بكالوريوس علوم حاسب فتقدر تكمل ماستر من غير متطلبات في بعض التخصصات مثل
هندسة البرمجيات - الشبكات - برمجة الويب - الاي تي اذا كان ما يتبع كلية الادارة - امن المعلومات - علوم الحاسب التطبيقية - التجارة الالكترونية اذا كان برنامجهم يركز على الجانب التطبيقي - وفيه تخصصات غيرها كثيره
وكل التخصصات هذي عند الملحقية تعتبر داخله تحت علوم الحاسب وتقدر تتخير بينهم



بالتوفيق لك

مشكور اخوي وماقصرت الله يجزاك خير...
بس ع ماسمعت انه لو بغيت اكمل تخصص علوم حاسب فيعتبر صعب هنا ايش اسهل التخصصات...؟؟

اخوي محد يعرف اذا التخصص هذا صعب غيرك انت

بحكم انك خريج علوم حاسب فأكيد درست الذكاء الاصطناعي ونظم التشغيل والمترجمات والنظم الموزعه وامن الانظمه والشبكات ولغات البرمجة والشبكات وغيرها
اذا كنت ترغب تكمل في نفس المواد اللي ذكرتها.. فالافضل انك تدرس ماستر علوم حاسب

اما اذا كانت المواد هذه صعبه عليك فانصحك تحدد رغباتك وتتخصص فيها

اذا كنت مهتم ومرتاح للشبكات فانصحك تكمل ماستر شبكات او نظم موزعه
واذا مهتم في امن الانظمه والشبكات فانصحك تكمل فيهم
واذا تحب البرمجة وبرمجة الويب فانصحك تكمل في برمجة النظم او برمجة الويب
انت قرر وش يناسبك من خلال خبرتك في طبيعة المواد اللي درستها

وبالنسبه للاكثر طلب في سوق العمل
السوق السعودي والخليجي متعطش لكل تخصصات الحاسب فأنت اختر اللي يناسبك وكثرة الفرص الوظيفيه بينهم تعتبر متشابهه

وبالنسبة للملحقيه ما يفرقون بينهم
اذا انت مبتعث لدراسة الحاسب: فأنت حر تختار اي تخصص حاسب ما دامه تحت كلية الحاسب



بالتوفيق لك اخوي