LinkBack URL
About LinkBacks
واستقبلني احسن استقبال
وسوالف وقهوة وعلوم رجال
أنا لي يومين ما نمت
ومستحي أقول بنام؟
خويي ما أدري وش قال؟
قال الرجال صاحب البيت؟
لا وين
تونا بيجون الشباب
وبنسوي عشاء؟
ياليل الشقاء
أنا ميت من التعب!
تمنيت السعودية
وإن كنت ساكن في المقلط...
سكنت عند هذا الرجل أسبوع كامل
وقد قلت عنه
كان توه جاي من السعودية باليوم
اللي كنت جاي فيه
فكان مشتاق لخطيبته
ويرسلنا كل يوم نشتري له كرت مكالمات
يقولون عشان تتعلمون؟
يلعب علينا
ذكرت قصتي معه في موضوع
لا اللي قهرني مرتين
مرة كنت بفتح حساب بنك
قلت امش معاي
قال ياخي ما يحتاج
رح لمهم
قلت أبي أفتح حساب
ويفتحون لك
قلت والله إنك غبي
لو أعرف ما قلت لك.
ههههههههههههههههه
ومرة أول ما جيت بروح إلى لندن
انتظرها يروح يوديني
قال أنا بحجز لك
وأنت أركب وأنزل بلندن
ياخي سهلة
قلت وشلون أعرف لندن
من بقية المدن
قال شوف
إذا وقف القطار
وطفأ النور
ونزلوا كل الناس
وصار قدام القطار جدار
يعني ما يقدر يروح قدام أنزل
قلت طيب إذا جاء يمشي مرة ثانية
وشلون يروح
قال مهب شغلك
قلت طيب ..
رحت وسويت نفس ما قال
وعدت الأمور تمام
نزلت هناك
لقيت سعوديين
تكفون بروح للمحلقية وشلون
قالوا رح بالإندر قراوند
قلت وشلون معرف له
قال سهل
تمشي مع الخط اللي تبيه
لين تلاقي المنطقة اللي تبغاها وتنزل
قلت طيب وشلون أعرفها
وأنا معرف أقراها
سكتوا
وتغيرت ألوان وجيههم
قالوا ياخي ترى التاكسي
أسرع وأريح
قلت طيب شكرا
طبعا :
الشخص الذي سكنت عنده
هو
الآن من أعز ما عرفتهم
وبعد فترة صار يدق
يقول تعال تكفى تراني طفشان
عاد جلست أذله أنا
اسمحي لي مشغول
مقدر
معزوم
هو غبي ما يدري
إني ما أعرف أحد ببريطانيا
وشلون أحد يعزمني
أنا ما عمر أحد عزمني بس
انتقام
لأنه ذلني
يرسلني للبقالة
يقول تتعلم!
سكنت في عائلة
ما أعرف ولا حرف إنجليزي
وما أعرف وشلون أذاكر
وضاقت الدنيا
وضاق صدري
وصرت أربع وعشرين ساعة على النت
أنا قبل سويت إضافة لأخوي الصغير بالمسنجر
عشان أكلم أهلي
طفة يعني
اشتاقوا لي أول ما رحت
والحين ما أحد يسأل عني
المهم:
أخوي الصغير يشوفوني كل يوم بالمسنجر
قال لأخوي الكبير؟
عادل أربع وعشرين ساعة بالنت؟
دق أخوي الكبير يهاوش.!!
أنت رايح تدرس أو أنترنت ؟
وأنت مهمل زي ماعرفتك؟
وهواش؟وهواش؟
قلت أنا أوريكم؟
مسكت كل أخواني وعيال عمي وأصدقائي
وسويت لهم بلوك؟
لأنهم يعرفون بعض
خفت أنكب
واحد يقول للثاني أنا أسولف مع عادل
يقول الثاني وراه مو باين إنه متصل؟
يكشفوني !فا أنا مو غبي يعني
المهم :
بعد كم يوم
قال لي واحد عن شركة جوال حلوة
ورخيصة
كنسلت الأولى
وأخذت الجديدة
نسيت أتصل على أهلي أعلمهم
وأعطيهم الرقم
أخوي الصغير
يقول لأمي؟
عادل أول:
أربع وعشرين ساعة على النت
والحين ماعمري شفته
يتصلون على جوالي
مقفل؟
بس الولد صار له شيء
يومين ثلاثة عشرة
طارت قلوبهم
ما دريت إلا زميلي يتصل
ترى أهلك يدورونك
قلت ما به بلا
اتصل عليهم
تذكرت إني ما عطيتهم الرقم
ومسوي لأخواني بلوك
المهم :
كالعادة في النت
أقرأ
أكتب
أشارك
(كل ماسبق تمهيد لقصة حبي لهذه الفتاة)
مالي بالشيطان طاري...
إلا وتجيني ذيك الإضافة
حسيت إن الإيميل إيميل بنت
ما قبلت الإضافة
المرة الثانية
نفس الحكاية مسوية إضافة
قبلتها
إلا وتدخل سوالف شوي
ما حددت جنسها بنت أو ولد!
أنت مبتعث
قلت أيوه..
أنا مبتعثة ومنحاسة!
قلت من حايسك؟
قالت والله كل شيء!
وش السالفة؟
ماني عارفة أي شيء؟
قلت وش اللي مو عارفته بالضبط؟
قالت كل شيء؟
قلت أوكيه خطوة خطوة؟
كذا كذا كذا
وتعبين الأوراق هذه
قالت : ما أعرف أعبي شيء؟
قلت طيب أعبيهم لك؟
قالت هاه؟
اسمي؟
أخاف تعرفه؟
قلت من زين وزين أسمك معاك!
قالت لا خلاص أنت ثقة!
قلت طيب غصب عليك
المهم عبيت لها كل شيء
وخطوة خطوة
صارت أحيانا تكون بيننا سوالف خارجية
بما إني عرفت كل معلوماتهاَ!
المهم :
صرت ما أدري عن الوقت
يطير مني
أدخل لأشياء بالنت
ألاقي وقت ضاع معاها ..
المهم :
المعذرة يا بنت..
بحذفك انتهي العمل خلاص.
تك وأحذفها.
بعد كم يوم ترجع تضيفني..
ما أقبل
تضيفني مرة مرتين ثلاث .
أقبل..
سوالف وطقة حنك
بعدين أحذفها..
وعلى هالطريقة
لين تعودت عليها
وبدأ ناقوس الخطر
البنت بنت شيوخ
وكل شيء فيها حلو
من ساسها لمأطأ رجليها
وهذا اللي كرهني فيها أكثر
وحذفتها
فترة وترجع تضيفني
يأخي
خليني من صفت البنات اللي عندك
وإلا مسوي نفسك ما عندك بنات؟
والله ما عندي !
طيب علينا صدقتك..!
يوم عن يوم عن يوم...
خصلت البنت أوراقها
وفهمت الطبخة اللي كانت مو فاهمتها
قالت وين تنصحني في بريطانيا
قلت والله وصرت تشير ياعادل
والله المدن الكثيرة حلوة
وأنا ما أعرف أصلا غير مدينتي
قالت ايش مدينتك
قلت هذه
قالت طيب تنصحني فيها
قلت مدري هذا شيء راجع لك
قالت أنت ليش درست فيها؟
قلت : لأنها قريبة من لندن
ورخيصة
ومدري أيش
وصرت أقول كلام الشباب عن المدينة.!
وأنا والله العظيم ما درست فيها إلا
لأن اللي استقبلني حطني فيها
وما أعرف أحد في بريطانيا بغيرها...
المهم قالت خلاص أيش اسم المعهد
قالت هذا
قدمت البنت وجابت قبول ؟
وكم يوم وهي محضره...بالمعهد
وبنفس الكلاس حقي
March 8th, 2009, 01:23 PM
ي