مبتعث جديد New Member
الولايات المتحدة الأمريكية
Fahad 92 , ذكر. مبتعث جديد New Member. من البحرين
, مبتعث فى الولايات المتحدة الأمريكية
, تخصصى Business Administration
, بجامعة NVCC
- NVCC
- Business Administration
- ذكر
- Annandale, Virginia
- البحرين
- Sep 2011
المزيدl March 11th, 2012, 06:26 AM
March 11th, 2012, 06:26 AM
صباح الخير/ مساء الخير
شلونكم انشاء الله كلكم بخير يارب
رح اشرح لكم تجربتي ويا كتاب واااايد استفدت منه وانشاء الله كلكم بتسفيدون منه وطبعا ممكن اكثركم ايعرفه من قبل بس انا ابي اقوله حق اللي حاس روحه ضايع ومب عارف شنو الكتاب اللي رح يستفيد منه
احب اشكر الاخت اجوان لانها اهيا اللي حمستني اني انزل الموضوع هني
مابي اطول عليكم
انا بدايتي كبداية اي طالب علم وده يتعلم الانجليزي ويبدع فيه فاللي رح اخبركم عنه اهوا شلون انا تعلمت واستفدت من الكتاب اللي درسته...
قبل سنتين بالضبط وعلى اخر ايامي بالثانوية العامة مسكت ولد عمي واهو جان وقتها توه راد من كندا وجان يدرس لغه فسألته شنو احسن طريقه اتعلم فيها الانجليزي
فقالي باجر نسير المكتبه وانا اقولك شلون تتعلم الانجليزي المهم يا باجر ومشينا للمنامة في مكاتب اهناك وايد حلوه وفيها كل شي اول ماوصلنا على طول لقسم الكتب وبالاخص كتب اللغة الانجليزيه
وقالي تبي تتعلم الانجليزي خذ هذي الكتاب
http://im21.gulfup.com/2012-03-11/1331432217532.jpg
وتبون الصج انا انصدمت وتحطمت وقلت شنو رح يقدرني ابدرس كل هذي بس قلت مايخالف رح اخذه واجوف اذا صج ابستفيد او لا
المهم عقبها بجم من يوم كلمت مدرس لغه انجليزية اعرفه من فتره واتفقت وياه اني خلال فتره الاجازه مالت الصيف ايي ويدرسني وبدينا بهالكتاب وقعد يدرسني اياه تقريبا لمدة شهر واسبوع ماعدا يوم اليمعه وجنا تقريبا نقعد
باليوم من ساعتين ونص لثلاث ساعات وعقب هالشهر حسيت اني مستوعب شنو اللي بالكتاب وعقبها استمريت لمدة اربع شهور ادرس بروحي بس مب كل يوم جنت ادرس يعني تقريبا من يومين لثلاثه ايام بالاسبوع بس جنت الخص وافهم عدل واحل التمارين والحمدلله عقب الاربع شهور حسيت روحي وااايد احسن بالانجليزي وعشان اكون وياكم صريح انا من قبل رحت بريطانيا بفترة الصيفية درست مال شهرين بس ماستفدت مثل مادرست هالكتاب
ممكن بعضكم رح يسأل وايقول مب لازم الجرامر بالبدايه بس انا اقول اهم شي الجرامر لان اذا عرفت الجرامر رح تعرف شلون تتحجى وهم بعد رح تعرف شلون ترتب الجمل ووشلون تستخدم الازمان بالرايتنج ووشلون تسأل وغيرها
ملاحظه:
الكتاب هذي في له اكثر من اصدار تبتدي من الاصدار الاول للاصدار الاخير الاسود اللي اهوا الرابع
اسم المؤلف مال الكتب هذي Azar
وبالنسبة للاصدار فاكيد Longman وهذي يعتبر المرجع مال الانجليزي الامريكي مثل ما Oxford المرجع مال الانجليزي البريطاني (هاي اللي اعرفه)
باختصار للي يبي صج يستفيد ويتعلم بروحه او ينمي مهاراته فانا انصحه بهالكتاب بسبب ان الشرح مال المواضيع وايد سهل وينفهم وهم بعد التمارين الموجوده وايد حلوه وفوق جذي باخر الكتاب الحلول مالت التمارين
كلها رح اتجوفونها اهناك
اتمنى انشاء الله انكم تستفيدون من موضوعي واتمنى لكم التوفيق بحياتكم العلمية
ولاتنسون اخوكم من الدعاء
اخوكم ومحبكم من البحرين
عبدالله
مرحبا أخوي عبدالله
الله يعطيك العافيه على التجربة الجميلة .. وبالنسبة للكاتب فهو معروف ومشهور ومتخصص Grammar
أنا عندي كل الأجزاء الأحمر والأزرق وهذا الأسود لكن للأمانه ماأعرف وش الكتاب الأول وايش الكتاب الثاني والثالث .
أتوقع إن الأحمر هو البداية .
موفق ان شاء الله اخوي عبدالله
النازف March 11th, 2012, 08:22 PM
7 " ،
شكراً جزيلاً على الكتاب أنا لدي النسخة الأولى الكتاب الأحمر عرفته الأن
الله يجزاك بهذا العمل كل خير ^ــ^.
حَياة March 12th, 2012, 01:09 AM
7 " مشكور اخوي فهد والله يعطيك العافيه ..
تقبل مروري
STJ March 17th, 2012, 01:35 PM
7 "
فهد تجربة رائعه احيانا الشخص يدفع ويسافر عشان لغه ولايستفيد كثير
واللغه يحتاج لها مواصله لانو اذا تركتها راح تكون لغتك ضعيفه
بس انا فاهمه الجرامر من ايام الثانوي وشاطره فيها بس لما اجي بتركيب جمل او بالاصح احكي انجلش
اضيع صراحه :"( ف يالييت تفيدني !
موفق ،
A V R i L March 18th, 2012, 07:53 PM
7 "
March 11th, 2012, 06:26 AM
صباح الخير/ مساء الخيرشلونكم انشاء الله كلكم بخير يارب
رح اشرح لكم تجربتي ويا كتاب واااايد استفدت منه وانشاء الله كلكم بتسفيدون منه وطبعا ممكن اكثركم ايعرفه من قبل بس انا ابي اقوله حق اللي حاس روحه ضايع ومب عارف شنو الكتاب اللي رح يستفيد منه
احب اشكر الاخت اجوان لانها اهيا اللي حمستني اني انزل الموضوع هني
مابي اطول عليكم
انا بدايتي كبداية اي طالب علم وده يتعلم الانجليزي ويبدع فيه فاللي رح اخبركم عنه اهوا شلون انا تعلمت واستفدت من الكتاب اللي درسته...
قبل سنتين بالضبط وعلى اخر ايامي بالثانوية العامة مسكت ولد عمي واهو جان وقتها توه راد من كندا وجان يدرس لغه فسألته شنو احسن طريقه اتعلم فيها الانجليزي
فقالي باجر نسير المكتبه وانا اقولك شلون تتعلم الانجليزي المهم يا باجر ومشينا للمنامة في مكاتب اهناك وايد حلوه وفيها كل شي اول ماوصلنا على طول لقسم الكتب وبالاخص كتب اللغة الانجليزيه
وقالي تبي تتعلم الانجليزي خذ هذي الكتاب
http://im21.gulfup.com/2012-03-11/1331432217532.jpg
وتبون الصج انا انصدمت وتحطمت وقلت شنو رح يقدرني ابدرس كل هذي بس قلت مايخالف رح اخذه واجوف اذا صج ابستفيد او لا
المهم عقبها بجم من يوم كلمت مدرس لغه انجليزية اعرفه من فتره واتفقت وياه اني خلال فتره الاجازه مالت الصيف ايي ويدرسني وبدينا بهالكتاب وقعد يدرسني اياه تقريبا لمدة شهر واسبوع ماعدا يوم اليمعه وجنا تقريبا نقعد
باليوم من ساعتين ونص لثلاث ساعات وعقب هالشهر حسيت اني مستوعب شنو اللي بالكتاب وعقبها استمريت لمدة اربع شهور ادرس بروحي بس مب كل يوم جنت ادرس يعني تقريبا من يومين لثلاثه ايام بالاسبوع بس جنت الخص وافهم عدل واحل التمارين والحمدلله عقب الاربع شهور حسيت روحي وااايد احسن بالانجليزي وعشان اكون وياكم صريح انا من قبل رحت بريطانيا بفترة الصيفية درست مال شهرين بس ماستفدت مثل مادرست هالكتاب
ممكن بعضكم رح يسأل وايقول مب لازم الجرامر بالبدايه بس انا اقول اهم شي الجرامر لان اذا عرفت الجرامر رح تعرف شلون تتحجى وهم بعد رح تعرف شلون ترتب الجمل ووشلون تستخدم الازمان بالرايتنج ووشلون تسأل وغيرها
ملاحظه:
الكتاب هذي في له اكثر من اصدار تبتدي من الاصدار الاول للاصدار الاخير الاسود اللي اهوا الرابع
اسم المؤلف مال الكتب هذي Azar
وبالنسبة للاصدار فاكيد Longman وهذي يعتبر المرجع مال الانجليزي الامريكي مثل ما Oxford المرجع مال الانجليزي البريطاني (هاي اللي اعرفه)
باختصار للي يبي صج يستفيد ويتعلم بروحه او ينمي مهاراته فانا انصحه بهالكتاب بسبب ان الشرح مال المواضيع وايد سهل وينفهم وهم بعد التمارين الموجوده وايد حلوه وفوق جذي باخر الكتاب الحلول مالت التمارين
كلها رح اتجوفونها اهناك
اتمنى انشاء الله انكم تستفيدون من موضوعي واتمنى لكم التوفيق بحياتكم العلمية
ولاتنسون اخوكم من الدعاء
اخوكم ومحبكم من البحرين
عبدالله