السلام عليكم ورحمة الله وبركاته.
اولا ، ما اعرف اذا كان موضوعي في القسم المناسب لذلك ارجو عدم الاغلاق او الحذف لأن الموضوع مهم بالنسبة لي.
،
أنا طالبة جامعية ادرس بالسعوديه ولسا سنة تحضيريه والموضوع بدري عليه شوي بس ابغى ابدأ اخطط لمستقبلي من الحين.
افكر اني اتخصص لغة انجليزية والسبب هو اني اعشق الانجليزي ومستواي باللغة فوق الممتاز باعتراف الجميع ( ما شاء الله ) ♥
المهم.. بدأت اخطط اني ادرس ماجستير بعد التخرج ان شاء الله ولكن ابغى ادرس بالخارج.. هنا مشكلتي..
أولاً : أنا أدبي، ويقال ان برنامج خادم الحرمين الشريفين للابتعاث لا يقبل طالبات القسم الادبي ، هل هذا الكلام صحيح؟
ثانيا : ان كان برنامج خادم الحرمين الشريفين لا يقبل طالبات الادبي - لا قدر الله - هل بامكاني الدراسه على حسابي الخاص؟
فلنفترض انني اتخذت قرار الدراسة على حسابي الخاص وفلنفترض انها بتكون في بريطانيا..
اوكي اول حاجة : من وين أبدأ التقديم على هذه البعثة؟
لو اني مثلا ابتعثت لبريطانيا بتكون دراستي الماجستير تابعة للجامعات البريطنية صح؟ طيب، كيف اقدم على هذه الجامعة الفلانية ؟ هل تكون خطوة تسجيلي للجامعة الفلانية من ضمن خطوات التقديم على البغثة؟ طيب الجامعة تكون باختياري ولا لهم لستة معينة اختار من بينها؟ ابغى شرح مفصل تكفووون.
عارفة ان اسئلتي بايخة بس اقسم بالله اني ما عندي اي فكرة عن هذي الامور :(
ثاني حاجة: هل المعدل المطلوب بختلف من جامعة لاخرى؟ ولا المعدل محدد من ضمن شروط البعثة؟
ثالث حاجة: مين الافضل في الدراسة أمريكا ولا بريطانيا؟ ووش الجامعات الكويسة اللي هناك وتكون اهم شي معترف فيها. لحد يقولي اوكسفورد ولا هارفارد lol
هذا كل ما يدور في رأسي حاليا. وأتمنى ان محد يطنشني.
يا رب اللي يرد علي انك ترزقه رضاك والجنه ♥.
