استفسار مهم عن ريتشموند فرجينيا...

السلام عليكم ورحمة الله
معلوماتك جدا ناقصه ياخوي ...بحيث ان اللي قاعد يقرا وده يسأل اكثر من انه يجاوب.ولو تسمح اسئل اسئله بتفيد اللي راح يرد عليك.
1. هل تقصد جامعة فرجينيا كومونويلث بريتشموند؟
2.هل انت مبتعث من البرنامج؟ او من جهة عملك ؟
هل تعرف ان الملحقيه مقفله الجامعه للمبتعثين على البرنامج فقط دون مبتعثين الجهات الاخرى؟ وخااااااصه معهد اللغه اللي صايرتله مشكله مع الملحقيه؟
3. وش التخصصات ووش الدرجات العلميه اللي حابين تقدمون عليها؟
اجوبتي للي اعرفه من اسئلتك:
1.نعم الجامعه ممكن تعطي قبول مشروط باللغه او غيرها من المتطلبات الضروريةللبرنامج اللي مقدمين عليه.
2. يعتمد المبلغ اللي بتحمله معك على نمط الحياه اللي معتادين انكم تعيشونه ..لكن اتوقع كمتوسط لمعيشتكم على الاقل اول شهر 3-4 الاف .دولار بيكون حد ادنى .ويشمل مصاريف التنقلات والمعيشة والسكن المؤقت بالبدايه وغيرها من المصاريف الاساسيه.
3.بتلقى سيارات متوسطه جدا بسعر 3-4 الاف دولار كمان مع مصاريف النقل وخلافه.
4. السكن لكم كأسره صغيره مامعها اطفال ..ارشح الداون تاون ...رغم ان معظم الناس يفضلون منطقة الوست اند..بس بعيده جدا عن الجامعه واللي مامعه اولاد ماتوقع انه بتفرق معه الا لو كان مايطيق الازعاج والزحمه..فلك انك تختار بين القرب وعيوبه من زحمه وازعاج والبعد وعيوبه من ضرورة وجود سياره ومصاريفها.والاسعار ماتفرق بين الاثنين خاصه لا صرت تتكلم عن شقه غرفه وصاله مثلا الا ان الوستد اند اجدد اتوقع من اللي بالداون تاون ..وفيه مباني هناك مليانه عوايل خليجيه.
اسعار المعيشه من وجهة نظري تتنااااااااااااااسب جدا جدا مع المدخول ..بس كل واحد وطريقته بالصرف..انا شخصيا بتوفي معي دايم لاخر الشهر.
جبت اللي عندي ..والباقي على باقي الزملاء وبالتوفيق

1. هل تقصد جامعة فرجينيا كومونويلث بريتشموند؟
هل تعرف ان الملحقيه مقفله الجامعه للمبتعثين على البرنامج فقط دون مبتعثين الجهات الاخرى؟ وخااااااصه معهد اللغه اللي صايرتله مشكله مع الملحقيه؟
أخي عباد ان مقدم عليها بناء على الموقع وعن طريق دكتور بالوزارة يقول انهم شالو الوقف عنها
والآن على الرابط غير موقفه.
http://ru.mohe.gov.sa/univ.aspx?uc=s...ertid=0&stid=0
أرجو افادتي لأن الآى توني بياصل بعد بكره.

abaad

تسلم على الرد والمساعدة الله يجزاك خير

وبالنسبة لاسئلتك....

1- نعم اقصد نفس الجامعه وانا مبتعث عن طريق البرنامج ان شاء الله..وعلى درجة ماستر وبكالريوس..

وممكن اسالك...هل تفضل شراء سيارة خاصة لك ام التنقل بالمواصلات العامة من ناحية الصرفية؟؟

فيمكن اكون هناك اكثر من 3سنوات

متى قالك الدكتور انهم شالوا الوقف عنها؟
لاني اعرف شخص عيت الملحقيه هنا بواشنطن تصدر له ضمان مالي لنفس الجامعه قبل شهر ونص تقريبا..كان هالشي صار قريب مو متأكد...لكن اعرف ان الطلبه المبتعثين من جهة اعمالهم ماعليهم خلاف ..الا طلبة البرنامج هم اللي عليهم هالملاحظه

ماينفع الوضع الا بسياره ..لان مواصلاتهم العامه رديئة وغير امنه برتشموند ..فالسياره ضرورة لابد منها على اية حال..وان سكنتوا بالداون تاون ماراح يكون صرفيات عالسياره
بالتوفيق

ايه بحدود شهرين ونص
والآن بالموقع حق الوزاره غير موقفه