السلام عليكم جميعاً..
أنا رايح لكنتاكي إن شاء الله منتصف يناير 2010 لمدينة بولنق قرين(Bowling Green)..
إذا فيه أحد عنده خبر عن توفر عوايل للسكن أو أي معلومة مفيدة ما نستغني..
الدراسة في معهد و جامعة Western Kentucky
عرض للطباعة
السلام عليكم جميعاً..
أنا رايح لكنتاكي إن شاء الله منتصف يناير 2010 لمدينة بولنق قرين(Bowling Green)..
إذا فيه أحد عنده خبر عن توفر عوايل للسكن أو أي معلومة مفيدة ما نستغني..
الدراسة في معهد و جامعة Western Kentucky
طيب فيه أحد هناك؟؟:wallbash:
دبّرونا من هنا ، من هنا!!
شكلي أبروح هناك وأرد على نفسي بالمنتدى:tongue4:
<<< ليتك ترد على نفسك من هنا وتفكنا!!:mad2:
مرحبا بك اخوي انا لي شهر وانا اسأل عن هذي الولايه لكن لا حياه لمن تنادي طللعت بنتيجه موقع للبحث عن الشقق هناك
http://bgky.craigslist.org/
انا رحلتي لكنتاكي في 30 ديسمبر ان شاء الله بعد شهر
أنت رايح لنفس الجامعة Western Kentucky ؟
بتسكن في سكن الجامعة؟
أنا حاليا أبسكن في سكن الجامعة.. بس سالفة إن معك واحد في الغرفة هذي مقدر أستحملها..
غير إن السكن مع العائلة يفيدك باللغة بشكل فعّال
(على فكرة فعّال هذي أعجبتني كثير!!):book:
رايح تبع البعثة ولا بتلتحق من هناك؟
اخوي كلم نفس المعهد او مكتب لطلاب الدولين في نفس جامعتك وهم راح يحصلون لك
سجل عندك واحد شووووووووكرن
واثنين (ما قصّرت) مزبووووووووووط:thumbsup:
I'm going to do that....
يا اخوان انا ما اعرف احد بعينة ولكن اعرف فيها كثير سعوديين بالمعهد ، وتقدرون تراسلون المعهد او تكلمونهم وتحصلون على تليفونات الشباب، اتذكر فيها 100 سعودي بين الجامعة والمعهد.
المدينة فيها اعرف مسجد كبير وجديد الله يبارك في من بناه، بالنسبة للبقالات العربية والمطاعم تقريبا ما لك الا ناشفيل في ولاية تنسي وافضل شئ تحملون الدليل الشامل لولاية تنسي الذي اصدر برعاية اعلامية من مبتعث حيث فيه المطاعم، البقالات، والمساجد في مدينة ناشفيل
برضو كلام حلو واقتراح في محله
أخبار حلوة وأعجبني فيك (بشروا ولا تنفّروا)
سجل عندك كرتووووون شووووووووووووكرن
وستة كيلو بيّض الله وجهك....
كل عام وأنت ومن يعز عليك والمسلمين بخير...
"I am still trying"
السلام عليكم
آخر البحوث عن كنتاكي بولنق قرين تفضل علي بها واحد شقردي لقيته بالسكايبي
الله يجزاه خير أولاً
باختصار الرجال يقول الديرة عسل
المعهد قوي والجامعة قوية
بس يقول إنه راح ولغته ميييييح فما استفاد كثير لحاجتين:
1 الشعب بشكل عام مايعطيك وجه (وبالمقابل محد يتعرض لك)
2 المعهد شديد وما يناسب للي لغته مييح(حسب تجربة الرجال ورأيه)
في ملحوظة تتعلق بالجامعة وهي إن بعض التخصصات العلمية ضعيفة مثل الهندسة
وبالمقابل يمدح تخصص إدارة الأعمال
أمر آخر
يقترح الرجال إن اللي رايح غلى حسابه ولغته صفر إنه يعيد التفكير في معهد آخر
عشان مايضيع فلوسه على استفادة ضعيفة
وفيه سكن قريييب للجامعة ورخيص ونظيف غرفة بحمام خاص
بس المطبخ والصالة مشترك (حوالي 400 بالشهر تقريبا)
ولا تتعب نفسك بالبحث عن سكن مع عايلة
أكرر شكري لكم وللرجال الي عطانا العلم من قلب الحدث..
ولاتنسونه من دعوة خطافية..
وكل عام وأنتم هذا شسمه
الشعب يا اخوان ودود بشكل عام
ابحثوا في الجامعة او عن طريق المعهد عن شريك محادثة conversation partner ، اذا المعهد لا يستطيع توفير الخدمة حالو تضعون اعلانات في الجامعة
الاقتراح الاخر انكم تشتركون في النوادي الجامعة بتحصلون ان شاء الله نوادي خاصة بالرياضة ، ممكن ركوب الخيل، انشطة كثيرة حاولو تسجلون فيها ،هذه الاشياء بتعطي الواحد فرصة للاحتكاك وممارسة اللغة
اتذكر واحد من الشباب كان في المعهد يقول كنت انا الوحيد العربي في اندية الجامعة
ياشباب كيف المعهد من ناحية قوة المعهد وكم عدد المستويات افيدونا
هل الجامعة تعطي قبول مشروط للماستر MBA
أنا قدمت على إدارة الاعمال ماستر
وجا لي قبول في المعهد والجامعة
وما كتبوا في القبول conditionally
سالفة مشروط وغير مشروط ماني فاهمها كثير
جا لي قبول مشروط من جامعة ثانية(سكرانتون في بنسلفينيا)
كأني فهمت إن المشروط يعني دبّر حالك باللغة وتعال
وغير المشروط يعني تدرس بمعهدهم
?Am I right
لا وانا اخووك
المشروط
1- مشروط بأجتياز أخنبار التوفل (درجه معينه لكل جامعه)
2- مشروط بأجتياز اختبار الايليتس(درجه معينه لكل جامعه)
3- مشروط بأنهاء ليفل معين في المعهد(تشرط عليك الجامعه تنتهي من مستوى وتدخل الجامعه على طول)
الغير مشروط
انك مقبول قبول نهائي بالجامعه وجب الشهادات المطلوبه <- - مين يحصل ذا القبووول (نادر مايجي)
والله أعلم
طيب هل الجامعة تعطي قبول مشروط بانهاء اللغه بدون توفل او جيمات
الجيمات أظنه ضروري(لتخصصك)
اللغة حسب ما أعرف إنها متساوية يعني ممكن يطلبون توفل فلازم تكون لغتك قوية عشان تختبر التوفل
أو إن إنهائك للغة بمعهدهم يكفي بس هذا معناه إنهم يكرفونك بمايساوي اختبار التوفل..
وبالمناسبة .. اللي أعرفة إن فيه دورات إعداد للتوفل والجيمات تقدمها المعاهد
وفيه نماذج كثيرة بالنت لها..
موفق
يا اخ انا بحاول
انتا جاك قبول غير مشروط بجامعه كنتكي ؟ وتخصصك اداره اعمال ؟ وبدون ماطلبو منك جيمات ؟
بالنسبة لإدارة الأعمال نعم
التخصصات الثانية ما عندي خبر.
ياشباب نبغى احد من الاخوان او الاخوات الي موجودين في المعهد يفيدنا
عن المعهد هل يصلح انا ندرس فيه ولا لا؟
??????????????????????
?????????????????????
???????????????????
هلا والله شبااب
الي اعرفه ان فيه شباب نقلو من المعهد لسووو االمعد
بس فيه واحد بيفيدكم الي هو النك حقه الوافي في قسم استراليا
هو الي بيفيدكم لان اخوياه هناك في كنتاكي
ممكن رقم احد من الشباب في كنتاكي لكي استفسر منه اكثر
أخوي تامور..
اقتراحي إنك تهدي اللعب وتروح هناك وتشوف بنفسك و إذا الوضع سيء تقدر تغير من هناك..
إذا بتسمع الآراء تبي تشتت نفسك، كل واحد له مطالبه الخاصة وتقييمه الخاص..
أنا رايح هناك إن شاء الله بعد 4 أسابيع وقناعتي إن الطالب واجتهاده هو الأمر الفاصل والباقي كله أشياء ثانوية..
من واقع تجربة إذا باقي لك وقت ابدأ باللغة قبل تسافر... وترا المعهد والجامعة والدولة كلها تقدر تغيرها..
ريلااااااااااااااااااااااااااااااااااااااااااااااك س قد ما تقدر..
أنا كلمت واحد هناك يقول المعهد قوي جدا وممتاز للي معه مبادئ لغة..
سب نفور الشباب _حسب كلامه_ إنهم جايين ميح بدون لغة وما هم قادرين يلحقون فـ حسوا إن الفايدة ضعيفة..
وبالتوفيق
السلام عليكم ورحمة الله وبركاته
اسف على التاخير شباب لكن الدراسه اخذه وقتنا ..
انا احد الطلاب المتواجدين في بولنق قرين وحاب ارد على استفساراتكم واحطكم بالصورة
الجامعه مو قويه ولا ضعيفه يعني على حسب تخصصك على سبيل المثال الهندسه مو ذاك الزود لكن ادارة اعمال ممتاز
وسكن العوائل ما فيه مره .. وفيه سكن حلو قريب من المعهد والجامعه اسمه The Registry سكن مع ثلاثه ويكون لك دورة مياه وغرفه لحالك بس المطبخ والصاله مشتركه
والمدينه صراحه صغيره لكن فيه ناشفل قريبه حوالي ساعه عن بولنق قرين مدينه كبيره وبتحصل اللي تبغاه مثل المطاعم العربيه والمقاهي
والمعهد صراحه ضعيف واغلب الطلاب اللي يجون يحولون بسرعه والاداره تعاملها سيئ والمدرسين كذالك لكن كل طالب عن طالب يختلف امكن يجوز لكم المعهد ..
واي شي ثاني تبغونه انا حاظر ..
جابك ربي أخوي(الغمس)..
استفساري الحالي هل أحجز بالريجستري من هنا على النت.. أو لو رحت هناك بيكون السكن متوفر ..
الفيزا كارد من بنك هنا. تمشي هناك؟
مشكور على مبادرتك ..<<< بالله وش رايك بـ مبادرتك هذي؟ ما يحق لي أدرس ما جستير؟؟ :s
يااخوان انا طلعت بعثة من برنامج خادم الحرمين في كنتاكي بالمعهد ماجستير رياضيات
ودي اعرف عن المعهد ؟؟؟ وهل قصة مشروط تنطيق علي وكيف اعرف؟؟؟؟؟؟؟
وهل اقدر اغير قبل الذهاب او الافضل ان استمر
وهل هناك طلاب سعوديون
ريحونا الله يريحكم لاني افكر الغيه واستريح
عندي احساس ان كنتاكي هذه راح ينرمي بها نص مبتعثي امريكا
لذلك ياليت تسووا لنا قروب بادارة صاحب الموضوع he is tring
السلام عليكم ياشباب
شباب حبيت اسألكم عن تخصص الهندسة الكهربائية في جامعة ويسترن كنتاكي هل التخصص صعب ولا سهل
والي عنده معلومات عنه الله لايهينه يقولي عنها
وتحياتي لكم ولجميع الطلاب والطالبات
المكتب جاب لي قبول من كنتاكي بس ما ابيه
ومدري متى يجي قبولي الثاني
من شفت المعلومات عن المعهد تحطمت
يا رب سهلها علينا
اتوقع ان صاحب الموضوع وصل بالسلامة
ياليت يعطينا انطباع اولي
وبعدين التفاصيل
السلام عليكم ورحمة الله وبركاته..
وصلت Bowling Green يوم الجمعة 15 يناير مساء بحمد الله
الديرة مساحتها معقولة وتعتبر صغيرة لكن خدماتها قليلة(معلوماتي حتى الآن)
فيها هايبر ماركت حلو وفيه كل شي
لا تحط ببالك انها رخيصة مرة.. خذ احتياطاتك
الجو برد ويجي ثلج وهي مدينة هااااااادية جدا يعني إذا منت راعي دراسة ممكن تمل من اليوم الأول بسهولة
المفروض يبدأ المعهد اليوم بس فيه عيد اليوم حق تحرير السود بأمريكا
بكرا بروح للمعهد أخلص اجراءات التسجيل.
المعلومات الحالية:
المعهد نظامه 3 سمسترات
كل سمستر 4 شهور
قابلت ناس تمدح المعهد وناس لا.. وكل واحد له أسبابه
حسب ماسمعت
نظام المعهد شديد حبتين.. مثلا إذا رسبت بمادة وحدة تعيد السمستر كامل(4 شهور)!!
تدفع حق 4 شهور دفعة وحدة (أكثر من 15000 ريال)
سكن الجامعة خايس(نفرين بنفس الغرفة) وغالي
السكن اللي جنب المعهد(أنا فيه حاليا) كويس و حسب اللي معك(لك غرفة بحمام خاص ..الصالة والمطبخ مشترك)
ملحوظة:
نظام أجارات الشقق بامريكا انك توقع عقد 6 شهور أو 12 شهر وتلتزم فيها
وإذا حبيت تكنسل يا تجيب واحد يكمل عنك أو تدفع باقي الأقساط الشهرية(الاجار شهري)
سألت المكتب عن سكن للعوايل فقال مافيه لكن ما يعتبر كلامه نهائي..
سمعت ان فيه فلل تأجر بالكامل بما يقارب 800 دولار شهري بس ماتأكدت
وعموما ياشباب بالنسبة لكلامي إيجابا وسلبا يعد وجهة نظر قابلة للنقاش
نصيحتي لك لا تترك أحد يأثر على قراراتك ولا تضيع وقتك كثير بالبحث
استعن بالله وخض التجربة وعدل خططك لاحقا
أنا انتظرت فترة طويلة عشان أسافر وأدرس بلا مشاكل ولكن المشاكل وراك وراك فلا تعطل نفسك
أي سؤال عندي إجابته أنا جاهز
I am still trying
الحمد لله على السلامة
مشكوووور جدا ونتمى لك التوفيق
عندي سؤال واحد مهم بالنسبة لنا ككل
اللي سمعناه انه المعهد سئ ونحن متأكدين انه هذه وجهة نظر شخصية لكل شخص
لكن بما انك هناك وتقول ناس تمدح وناس تذم اعطينا الاسباب الجوهرية من وجهة نظرهم
هل تجهيزاته سيئة؟ الفصول مزدحمة؟ المدرسين غير اكفاء؟؟
وبعدين 4 شهور في 3 سيمسترات يعني سنه كاملة
هل بين كل سيمستر والاخر فتره طويلة شهر او شهرين ولا متتابعة ؟؟
موضوع السكن مع العوائل ياليت اذا تاكد معاك الخبر تفيدنا
وهذا الرابط ممكن يفيدك والاخوان والاخوات كلهم
اختار الولاية ثم المدينه وراح تحصل قائمة مثل الدليل التجاري من ضمنها شقق وفلل للايجار
http://bgky.craigslist.org/
سؤال اخير متى تبدأ الفصول الدراسية؟؟ كل كم شهر وفي ايه اشهر بالتحديد؟؟
واذا عندك جديد في اي وقت ياليت تفيدنا نحن في انتظارك
اشكرك مره اخرى وشد حيلك الهممممممممممممة
UP UP UP UP UP UP UP
السلام عليكم
السمسترات كل اربع شهور وبينها اسبوع تقريبا off
سمستر الصيف يبدو لي أقصر مهب 4 شهور
سمستر بـ سبتمبر شهر9
و يناير شهر 1
ومايو شهر 5
وفيه تفاصيل بالسمسترات ما فهمتها زين فـ عذرا
بالنسبة لآاراء النزلاء.. عفوا الطلاب
اللي يسب عادةً ما أعجبه سالفة انك اذا رسبت بمادة تطقطق الأربع شهور من جديد!
يقولون المعهد شديد!
تقريبا هذي أبرز الآراء
الطرف الثاني
يقولون المعهد قوي ومفيد (واللي سمعت من الدارسين في أمريكا إن معاهد الجامعات عادةً قويييية)
الآراء السابقة نتيجة سؤالي وليست تجربتي
بالنسبة للمدرسين كلهم امريكان حيب ما شفت
وإلى الآن مابدينا الدراسة.. نبدا الاثنين القادم إن شاء الله
على طاري الآراء
أكثر كلمتين تسمعهن عن المعاهد: شديييييد / تجاااااري
أعرف أكثر من واحد درس ويدرس في معهد ELS
عادةً يقولون تجاري
فيه واحد جوابه موضوعي يقول لي
لو تحل واجباتك وتركز كويس وتؤدي كل ما يطلب منك
تبي تطلع بفائدة مهب طبيعية!!
وانتقاده الوحيد السعر فقط
هذا المعهد وهو تجاري فمابالك بغيره؟!
بالنسبة لسكن العوايل نسيت أسأل .. سأسأل ولي عودة ان شاء الله.
خدم لزم؟
I a m s t i l l t r y i n g