تجمــــع طلاب Fort Lauderdale, FL

حتى لو أستقال .. مهم يجيب قرار الأستقالة وإخلاء الطرف من شركته وبعد يجيب برنت من الأحوال المدنية ..
أنا أمس كنت بالملحقية, وأعطيتهم البرنت والحمد لله قبلوا أوراقي وقالوا بنرفع لك طلب بأن الملحقية تدفع عنك تكاليف المعهد لأنك مرافق ..
والموضوع قالوا أنه بيطول: يعني المرافقين لا تظنون أنه اول ما توصلون بيعطونكم الإعتماد المالي تودونه للمعهد مثل الطالب المبتعث:

الطالب المبتعث أول ما يوصل يعطونه الإعتماد المالي (Financial guarentee)
لكن الطالب المرافق حتى لو معه قبول ياخذون قبولك ويقولون خلاص روح وإحنا لما يصدر نرسله لك وعادة ياخذ الوضع عشرة أيام تزيد أو تنقص ..


والشاهد أنه كان معاي طالب مقدم على أستقالة من شركته لكن ما جاب برنت من الأحوال ولا جاب قرار الأستقالة فقالوا له ما نقدر نرفع لك طلب أن الملحقية تصرف عليك حتى معهد اللغة ..


أنتبهوا يالمرافقين حاولوا تكملون كل الأوراق المطلوبة منكم: اللي هي لو كانت قبول لغة منفصل + برنت من الأحوال + آخر مؤهل دراسي والشهادات ..
وحتى لو كملت هالأوراق لازم تجون قبل موعد الدراسة بفترة كافية عشان يمدي أوراقكم ترفع وتمر على أكثر من قسم ويتم إصدار الإعتماد المالي قبل موعد بدء الدراسة ..

>>> يتبع للنصائح, مسوي فيها مستشار الأمن القومي

أمور قد تفيدكم -إن شاء الله-

- شباب لا تنسون تجيبون معاكم إيصال دفع رسوم السفارة, وإيصال دفع رسوم السيفيس, لأننا سألنا الملحقية عنها قالوا أرسلوها لنا ونعوضكم قيمتها.

- لا تطلعون من الملحقية اليوم الأول إلا وأنتم سائلين عن كل شيء في بالكم, والأهم أسألوا عن مشرفكم الأكاديمي, وروحوا له اللي غالبا بيكون بالدور الثامن: وتعرفوا عليه وعرفوه بأنفسكم وخذوا منه بيانات التواصل معاه ..

التكاسي هنا غالية حيييل فلذلك سواقين الملحقية بياخذونكم من المطار, ويوصلونكم لفندق, ومن البكرة بياخذونكم للملحقية بلاش, فلذلك حاولوا لما يوصلونكم للملحقية اليوم الأول تسألون عن كل شي عشان ما تضطرون تروحون الملحقية مرة ثانية, لأن السواقين بيوصلونكم اليوم الأول بس, وبعدها لو بغيتوا تروحون بالتاكسي والتاكسي يوصل للملحقية بسعر لا يقل عن 80$ رايح و 80$ راجع ..
600 ريال سعودي للمشوار رايح جاي


اللي عنده أي أستفسار عن أمور واشنطن والملحقية يامر والله يوفقكم جميع

ياربيييييييييي اعذروني كثرة عليكم اسالتي

بس ابي تجاوبوني المدينه فيها شي حضاري يعني متطوره كبييييييره ابراج ناطحات سحاب قطارات ..............الخ؟؟ ولا كاني بريف عايشه كاني بالسبعينات

قولولي انا يهمني ذا الشي لانو ماعندي استعداد اغير بعد مااجي مافيني حيل عالبهذله اذا بغير الولايه اغيرها من هنا احسن وماابي احس اني عايشه فقريه صغيره ابي اعيش بمدينه كبيررررررررررره وكل شي حولي بقضي فيها عمر مو شهر بليييييييييييييييييييييييييز اللي فهمني يقولي لاتبخلون علي

حمـــــــــــد لله ع السلامه لودردايل ..

وأسعار التاكسي .. كانت بـ 65 دولار ..
الظاهر علشان الثلوج طيّروها ..

الله يسهل أمرك وأمر كل مسلم ...



أختي ريانه ..

المدينه ( فورت لودردايل ) ..
مدينه ماهي كبيره ولا صغيره .. لكن متطوره .. فيها مولات .. وأبراج ليست ناطحه سحاب .. ونظيفه .. والزحمه متوسطه ..
عندهم شاطي .. روعه .. الحياة حلوه فيها .. وتحتاج سيارة .. رغم إن الباصات وضعها حلو .. والتكاسي نآآآر ..

قريبه من ميامي .. المدينه الصاخبه << يسمع ماجاها للحين ..


والله يوفقك لمايحبه الله ويرضاه ..

يااااالهووييي بالييي التكسي ياخد 65 دولار؟؟؟؟؟؟؟؟؟

مرحبا فيك أخوي عنفوان
والله يسلمك

فعلا شكلها طارت عشان الثلوج لأنها فعلا مغطية الشوارع كلها ..

وأمر آخر:
أول ما يدرون إننا سعوديين قليلين خبرة بالمدينة ومسافاتها يضحكون علينا حتى النخاع ..

وإحنا راجعين من الملحقية: قلنا لهم يوصلوننا للفندق قالوا ما فيه سواقين .. ودلنا واحد على طريقة حلوة .. رحنا بالمترو من الملحقية إلى منطقة أسمها (فيينا) ومن هناك يفترض أن منطقة مطار دالاس اللي فيها الفندق تكون قريبة, فأخذنا تاكسي قام أستغفلنا وأخذ فينا لفة طويييلة عريضة وجابنا من ورى المطار وأخذ منا 60 دولار بالعداد زيادة على سعر المترو مع أن المنطقة كانت قريبة ..
فقمنا عشان نرفع اللوم عن أنفسنا بس بنوريه أننا كشفنا حركته المعفنة .. قام يسوي نفسه ما يفهم وساكت ..

بس عاد نصيحة للطلاب اللي ما جو لسى منتوا محتاجين لكل هاللفة .. خلصوا أموركم بالملحقية أول يوم ووفروا على أنفسكم ..


والله يوفقكم

اليوم وصلت لمدينتنا العزيزة davie


بدون مبالة يوم شفت واشنطن, وفرجينيا بالعموم أستغربت من حال أمريكا .. المباني قديمة والحالة حالة ..


لكن اليوم وصلت لفورت لودرديل .. صدق مدينة رووووووعة .. مباني وأجواء ومرافق وحدائق وناس وتنظيم .. تسوى واشنطن مليار مرة .. الواحد بجد يرتاح نفسيا ..

والأخت اللي تسأل عن وضع المدينة:
المدينة حلوة مناظرها بجد خلابة .. لكن نصيحة أختي لا تخلين هالأمور تسيطر على تفكيرك .. يعني لو جات على اللي في بالك خير على خير .. وألا أنتي جاية عشان الدراسة وهذا الأهم وغيره وإن كان مهم يبقى ما له أولوية ..


وللمعلومية:
بأيام المحاضرات بالملحقية كنت أنا لحالي دراستي في فلوريدا .. فكل ما سألني أحد من الملحقية وقلت له فلوريدا قال بترتاح نفسيا كثيررر, ما يقولونه مجاملة لأنهم يسألون الطلاب كلهم وكل ما قال طالب ولاية معينة قالوا له الله يعينك وأنتبه لكذا وكذا ..

كان معي طالب درس اللغة في فلوريدا: يقول عيب فلوريدا شيء واحد, أنك لما تجربها ما راح ترتاح بأي ولاية بعدها وبتحاول ترجع لها وش ما كلفك الأمر ..
يقول زملائي طلعوا من فلوريدا وراحوا لتكساس بس لأنها قريبة من فلوريدا يقول الآن تقريبا كل شهر يزورونها مع أنها مسافة 16 ساعة بالسيارة ..


فلوريدا فيها عيب واحد فقط للطلاب حسب ما سمعت من كل الطلاب اللي قابلتهم:

تقدر تدرس فيها لغة, لكن صعب صعب جدا تقدر تدرس في جامعاتها, لأنها تعتبر ولاية غنية, فالجامعات ما راح تنظر لميزتك يالطالب السعودي أن وراك حكومة تدفع بسخاء’ فحالك مثل حال أي طالب من جنسية أخرى يطبقون عليك معاييرهم, وقبل دراستك يطلبون منك أختبارات تخصصية غير التوفل ..
فلذلك نادرا يقدر يدخلها إلا الطالب اللي بجد تعبان على نفسه ..

هذا عيب كبير ترى لأن كون الواحد يستقر سنة بولاية بعدين يضطر ينقل شي مكلف ومربك للغاية ..

أما عن أجواء الولاية أو المدينة اللي إحنا فيها فلا تخافوا راح تحبونها من أول نظرة لأنها أنثى فاتنة <<< قلب أمها غزل


يكفي فورت لودرديل الماء والخضرة والبحيرات اللي بكل مكان والشاطئ المنظم والشوارع المنظمة ..
ويكفي فلوريدا أن فيها ميامي ووالت دزني والكي ويست ..


والله يوفق الجميع

الله يسهل الامور ويكتب الي فيه الخير والصلاح لجميع المبتعثين

حمدالله على سلامة كل اللي وصلو وعقبال الباقين يعني عقبالي انا كمان ^_^
حبيت أسألكم دحين بالنسبة للسكن ايش صار معاكم عشان اعرف ارتب وضعي من هنا ولا لمن اوصل هناك اشوف انا دراستي 12 جولاي
واللي بدأوا دراسة في معهد talk كيف الدراسة هناك ؟؟؟
والله مررررررره ريحتوني وطمنتوني عالولايه الحمدلله

الله يوفق الجميع
بس بالنسبه للحضااناات وش صااار؟