رد: خمس شهور في مدينة فلادلفيا ( Phildelphia )
اقتباس:
المشاركة الأصلية كتبت بواسطة DnDoRy
اخوي عظيم ..
الله لا يهينك ..
انا موعد سفري قرب ,,
ودراستي في معهد كابلن ..
ابي اعرف موقع المعهد وهل فيه شقق او فنادق قريبه منه عشان اسكن فيها مؤقت لفترة شهر .. وكم الاسعار تقريبا باليوم ..؟ وبالشهر ..؟
لاني بعد الشهر راح انتقل لولاية تكساس في جامعه بقبول مشروط ( فيها معهد )
هلا حياك الله اخوي
ماشاء الله تبارك الله
الله يوصلك بالسلامة ويسهل امورك
موقع المعهد في الدوان تاون بين شارع 16 او 15 تقريبا واحد منها بس هي على العموم قريبة من بعضها على شارع رئيسي اسمه ماركت.
أما أسعار الشقق بامنطة هذي مرتفعة شوي لانك في الداون تاون والحاجة الثانية انت ماراح تسوي عقد فجسلتك مؤقته ماراح تسوي عقد فاتوقع بتلاقي من 1100 دولار وطالع ولكن ممكن تلاقي اقل.
وأتمنى إني أكن افدتك.
وبالله التوفيق،،
أخوك/
*عظيم الصمت*
رد: خمس شهور في مدينة فلادلفيا ( Phildelphia )
اقتباس:
المشاركة الأصلية كتبت بواسطة فيزيائية وافتخر
لوسمحت انا عندي قبول من معهد els في بوسطن كلية فشر وفيه دكتورة نصحتني بجامعة بنسلفانيا اطمنت للجامعة في بداية كلامك بسبب الحجاب هل تنصحني اجيب لي قبول من جامعتك او ابقى في معهدي ولو سمحت ايميل المعهد
والله اذا بتقدرين تحصلين على قبول من جامعة UPENN فيكون افضل لك بمراحل كثيرة لأن الجامعة معروفة بقوتها وفيه بعض التخصصات حاصلة على مراكز متقدمة بالترتيب العالمي مثل البزنس الاول على العالم.
ومعاهد ELS ما ادري والله عنها لاني صادفت اللي يدحها وصادفت اللي يذمه لأنه تجاري واهم شي صلاة الاستخارة قبل اي خطوة عشان تكوني مرتاحة من قرارك والله يكتب لك اللي فيه الخير.
وايميل المعهد هذا هو ELP@sas.upenn.edu
وبالله التوفيق،،
أخوك/
*عظيم الصمت*
رد: خمس شهور في مدينة فلادلفيا ( Phildelphia )
اقتباس:
المشاركة الأصلية كتبت بواسطة ©¹°¨حلا¨°¹©
كيف الجو واسعار الايجارات
الأجواء في الشتاء باردة ولكن قادرين نتأقلم معها وبالصيف فيها نسبة حرارة ولكن بشكل عام قادرين نتعايش معاها حتى اللي معهم اطفال.
والاجارات معقولة فيه بعض المناطق وكل ما ابتعد الشخص عن وسط المدينة حصل الهدوء وقل الاسعار يعني بالدوان تاون احصل شقة غرفة وحدة وصالة ومطبخ ودورة مياة وانتم بكرامة 1300 دولار واذا ابعدت ممكن الاقي الى 800 دولار بالشهر.
وبالله التوفيق،،
أخوك/
*عظيم الصمت*
رد: خمس شهور في مدينة فلادلفيا ( Phildelphia )
اقتباس:
المشاركة الأصلية كتبت بواسطة muni-als
السلام عليكم و رحمة الله
حابه اسالك كم سؤال
1-اول شيء انا فكرت اروح على معهد و ماني عارفه اختار الافضل من بين : دركسل و els,elp
اية افضل و ايش الفرق بينهم ؟؟؟
2-ايش الخطوات و الاوراق المطلوبه للتقديم قرات كذا موضوع بس ما لقيت شيء فيه خطوات بصراحه او يمكن انا ما انتبهت ما ادري؟
3- انا معايا ولدي و زوجي ، ولدي عمره 3 سنوات و نص ما شاء الله و هنا هو في كي جي 1 و الحمد لله ماشي الحال ، بالنسبه للي راحو و عيالهم في عمر ولدي
هل كان سهل على اولادكم يتاقلمو و لا تعبو ؟؟ كيف نظام مدارسهم هل تعليم عادي و لا في نشاطات و اشياء ثانيه ؟؟
ايش المدارس الكويسه و القريبه من المعاهد اللي فوق و سعرها مناسب و نظيفه و مريحه ؟؟
انا بصراحه مرررررره شايله هم ولدي لاني مقرره اكمل ان شاء الله ماستر فلمن ارجع حيكون على سنه اولى ان شاء الله ما ادري هل الموضوع صعب و لا سهل ؟؟؟
4- كم المده اللي احتاجها عشان يجيني ال اي 20 و هل لازم اختبر توفل ولا لا عشان اقدم لمعهد الجامعه ؟
و شكرا
المصدر:
http://www.mbt3th.us/vb/forum39/thre...#ixzz1E4ZHusWG
حفاظاً على حقوق الكاتب نرجو عدم حذف المصدر
مبتعث
وعلكم السلام ورحمة الله وبركاته
حياك الله اخني والله يوفقك
بالنسبة للمعهد معهد دركسل جيد ويصنف بعد معهد ELP من ناحية القوة ولكن ما يعاب عليه ان مدة الداراسة فيه بالكورس الواحد عشر اسابيع يعني شهرين ونصف وفيه ست مستويات.
اما معهد ELP فمدة الدراسة فيه سبع اسابيع اقل من شهرين وفيه ثمان مستويات.
أما معهد ELS اللي في فيلادلفيا فصادفت كثير من الشباب ما يمدحونه و وقت دوامه طويل من 8 الصباح الى اربع ومدة الكورس فيه شهر وفيه 12 مستوى.
والغالب يحولون على معهد ELP أو دركسل ولكن انا ما درست فيه ولكن فيه ناس درسوا فيه وتخرجوا منه ولكن اختلاف الاراء وارد دوما في كل شي.
أتكلم على معهد ELP ولكن اعقد نفس الخطوات لجميع المعاهد هي كالتالي:
1 - صورة من جواز ساري المفعول بما لايقل عن سنة للدارس او المرافق.
2- ضمان مالي من التعليم العالي او من الجهة المبتعثة او شهادة بنكية فيها ضمان مالي بمبلغ ما لا يقل عن 15,000$ خمسة عشر الف دولار.
3- شيك مصدق باسم المعهد يرسل على البريد فيه مبلغ رسوم التسجيل.
بعدها يصدر I 20 للطالب ومرافقيه حتى يقدمها على السفارة لإستخراج الفيزا واذا الواحد كان يراسلهم بنفسه ماياخذ وقت وأنا كان فيه شخص يدرس في المعهد هو اللي جاب لي القبول والحمد لله كان باربع ايام فقط ارسلت له اوراقي ايميل لهم يوم الاحد ويوم الاثنين سلمهم الاوراق والخميس مسلتمه من الرياض.
واذا المرافق يبغى يدرس يزود المعهد بضمال مالي لكل واحد منكم مستقل عن الثاني حتى يحصل على فيزا F1 وهي فيزا الطلاب.
أما من ناحية الطفل فا الاخت اللي ردت كفت و وفت وفيه بعض المدارس الحكومية تقبلهم يدرس بالعمر هذا لأن فيه واحد من الشباب عنده ولد عمره بعمر ولدك ويدرس في المدرسة اللي يسمونها بري سكول اللي هي رحلة قبل الابتدائية.
فما عندك مشكلة بحول الله م ناحية الاندماج فكلام الاخت اللي ردت عليك في موضعك ممتاز جداً ولا غبار عليه.
ولامدارس بكل مكان لا تشيلي هم ولكن فيه مناطق ما انصح الاقتراب منها اللي يكقر فيه الزنوج لأكثرة المشكال وفيه المنطة اللي انا ساكن فيها فيها عوائل سعودية كثير ومعهم اطفالهم والحمد لله مرتاحين سواء اللي يدرس لأن الباص يجي وياخذه من باب المجمع اللي ساكنين فيه. او اللي بالحضانة لأنها قريبة وفي منطقة راقية.
وأنا حاضر لأي شخص يبي يستفسر اكثر الايام هذي مشغول شوي لأن عندي اخر اسبوع وفيه ضغط امتحانات وبعدها ابشروا بسعدكم بإذن الله.
وبالله التوفيق،،
أخوك/
*عظيم الصمت*
رد: خمس شهور في مدينة فلادلفيا ( Phildelphia )
كم نسبة السعودين بمعهد جآمعة PENN ؟؟
كم مدة الـ lEVEL الوآحد؟ أقصر مده تخلص فيها اللغة كم تقريبا؟
الدوام الصباحي من كم لكم؟
هل تعتبر المدينة تجمع كبير للسعودين؟؟
شقة قريبة غرفتين كم أجارها؟؟
النكون قرين و الستي أفنيو ..كيف أسعارهم؟ بالنسبة لشفة غرفتين ؟؟
شُكرآآ لك
رد: خمس شهور في مدينة فلادلفيا ( Phildelphia )
السلام عليكم ورحمة الله
كيفك اخ عظيم الصمت انشالله تمام
انا اجاني قبول بمعهد كابلان
مادري كيف مو قعه
قوي كفايه او تنصحني اغير
دراستي 11 ابريل
كبف الجو بهداك الوقت
واذا ما اكلف عليك ابيك تعطيني فكره عن السكن
واذا تقدر نتراسل عشان احتمال احتاجك بتامين السكن ليه انا وزوجي واولادي
عارفه مصختها
بس اخوي مالي الا انت بعد الله في بلد الغربه
واخيرا الف شكر لك على جهودك الجباره بلملتقى الله يوفقك "امين"
رد: خمس شهور في مدينة فلادلفيا ( Phildelphia )
يعطيك العافية أخوي عظيم الصمت .
تساؤل بسيط / كيف أسعار السكن في المناطق القريبة من جامعه سانت جوزيف ؟؟ هل هي ارخص من الداون تاون ؟
وبخبرتك كمبتعث هل تفضل السكن مع عائلة أم السكن في سكن المعهد ام سكن خاص ؟ لمبتعث فقط دون وجود اي مرافق معه .
مع جزيل الشكر والإمتنان لشخصك الكريم
رد: خمس شهور في مدينة فلادلفيا ( Phildelphia )
السلام عليكم ورحمه الله جزاك الله خيرا على المعلومات والاطمئنان يا عظيم الصمت اقول لك شئ معي دبلوم سجلات طبيه ودي اكمل لاكن ابي اطلع اولا على حسابي ثم كيف انضم للبعثه هل سهل الانظمام على برنامج الملك وكم ياخذ وقت كيف الغربه مع الدراسه بالله عليك اخبرني فضلا ليس امرا
رد: خمس شهور في مدينة فلادلفيا ( Phildelphia )
اقتباس:
المشاركة الأصلية كتبت بواسطة أنهآر حلم!
كم نسبة السعودين بمعهد جآمعة PENN ؟؟
كم مدة الـ lEVEL الوآحد؟ أقصر مده تخلص فيها اللغة كم تقريبا؟
الدوام الصباحي من كم لكم؟
هل تعتبر المدينة تجمع كبير للسعودين؟؟
شقة قريبة غرفتين كم أجارها؟؟
النكون قرين و الستي أفنيو ..كيف أسعارهم؟ بالنسبة لشفة غرفتين ؟؟
شُكرآآ لك
بالنسبة لنسبة السعوديين
والله موقليلة ولكن مو اكثر من الاسيويين.
الليفل الواحد مدة سبعة اسابيع ومدة انهاء اللغة تعتمد على لغتك وقوتها.
الدوام الصباحي من 8 الصباح الى 12 الظهر.
واسعار الشقق تختلف على حسب المنطقة اللي بتسكنوا فيها.
بالنسبة للنكون جرين تقريبا 1500 دولار تقل او تزود بشي بسيط.
اما الستي افينيو فهذي اسم المنطقة اللي فيها اللنكون جرين.
وأي استفسارات أنا حاضر للجميع.
وبالله التوفيق،،
أخوك/
*عظيم الصمت*
رد: خمس شهور في مدينة فلادلفيا ( Phildelphia )
اقتباس:
المشاركة الأصلية كتبت بواسطة doodoo
السلام عليكم ورحمة الله
كيفك اخ عظيم الصمت انشالله تمام
انا اجاني قبول بمعهد كابلان
مادري كيف مو قعه
قوي كفايه او تنصحني اغير
دراستي 11 ابريل
كبف الجو بهداك الوقت
واذا ما اكلف عليك ابيك تعطيني فكره عن السكن
واذا تقدر نتراسل عشان احتمال احتاجك بتامين السكن ليه انا وزوجي واولادي
عارفه مصختها
بس اخوي مالي الا انت بعد الله في بلد الغربه
واخيرا الف شكر لك على جهودك الجباره بلملتقى الله يوفقك "امين"
هلا اختي
وعليكم السلام ورحمة الله وبركاته
الحمد لله انا بخير ربي يسلمك
ماشاء الله بالتوفيق يارب.
والله كابلن يمتاز يالمحادثة وقوته فيها.
ولكن لو قدرتوا تحولون بعد ما تجون يكن افضل لكم لانه تجاري
موقعه انا كتبته بأحد الردود السابقة.
الجو بيكون ربيعي في ابريل بس يبيلكم كم لبسة شتوية لانها تكثر الامطار بالوقت هذا لأني انا جيت العام الماضي بنفس التوقيت.
السكن والله يختلف على حسب المنطقة اللي تبي تسكنوا فيها والسعر اللي يحدده موقع السكن.
وابشري اختي باللي اقد عليه انا حاضر وان شاء الله ما اقصر عليكم بشي.
وانا ما سويت الا الواجب والله يقدرني على اني اساعدكم باللي اقدر عليه.
وبالله التوفيق،،
أخوك/
*عظيم الصمت*