اي استفسار عن ولاية MASSACHUSETTS مدينة بوسطن كامبرج او اي مدينه من الولايه....تفضل

مرحبا اخي
تغيير المدينه اعتقد تذهب للمكتب وتشرح له الاسباب واخبره انها غاليه
بالنسبه للرابط
نعم ولكن لا تستطيع توقيع ايجار السكن الا بعد وصولك هذا رابط تستطيع اخذ فكره عن السكن
boston all apartments classifieds - craigslist
بالنسبه لنصيحتي لك ااذا كنت تستهدف جامعه قويه ولا يوجد معك اطفال فاهلا بك
واذا لا فالبقاء هنا مضيعه للمال

شكرا لك يا غالي
بس سؤالي هل تكفى المكافأه للسكن والأمور المعيشيه والأمور الدراسيه ولا لأ؟

واول ما أوصل سوف أدفع للسكن دفعه أولى واخيره والتأمين هل سوف تعطيني البعثه شي من عندهم ولا أخذ من هنا معايا مبلغ كبير جدا؟

والسكن لمن أستأجره ماذا سوف أجد داخله وهل لو أستأجرت مع عائله سوف تكون بالأثاث ؟

أعرف أني طولت عليك
بس مأمل فيك خير وشكرا مقدما

السـلام عليكم ..

كم سؤال ع السريع ::

1 : وين ممكن أحفظ جوازي من السرقة و الضياع ، هل يوجد مثلا صندوق أمانات بالجامعة ( Boston University ) ، أو بالبنـك ؟ ولا أيش رايكم ؟ لأن غرفة الجامعة بربع ساعة تفككها قطعة قطعة ، يعني وين ما تدس أغراضك ما تضمن ، فـودي أحطه بمكان مهاد أشيل همه فيه .

2 : السؤال مرتبط بالاول : تقريبا كم بتكون رسوم صناديق الأمانات بالبنوك سنويا ؟








ربي يعـافيكم

شكراً لك على الإجابة..

بالنسبة للجامعات... ما في إلا جامعة وحدة في بوسطن تدرس ماجستير محاسبة..

لذا 100% إني راح أطلع من المدينة بإنتهاء اللغة...

هل تنصحني أحول من الملحقية على طول من المدينة...

ونسيت يالغالي إنك تجاوب على سؤالي:
بالنسبة للمبلغ 1845 دولار هل راح يكفي؟؟؟ علماً إني راح أعتمد على هذا المبلغ فقط؟؟

لو أخذت المصاريف الأساسية التي ذكرتها بدون التلفاز لأني ما أشوفه إطلاقاً..

المصاريف الأساسية = 210 دولار..

بالنسبة للسكن لنأخذ متوسط المتوسط الي ذكرت = 900 دولار للعائلة...

يعني 1110 دولار شهرياً ثابتة...

هذا بدون الأكل والكتب والمواصلات..

راح يبقى من المكافأة 750 دولار... هل راح تكفي؟؟؟

اول شي يعطيك العافيه
بسألك عن اجراءات حجز السكن في معهد els قريت عنهم بس مافهمت اللي فهمته انه لازم تحجز ومادري ايش هل عندك معلوميه عنهم او لا

ثاني شي هل تستطيع ان تدلينا على سكن في كامبردج وشكرا

أنا مبتعثة إلى أمريكا لدراسة الماجستير وقد حصلت على قبول في معهد EF international language center في مدينة بوسطن ، واود الاستفسار
عن هذا المعهد من حيث جودة الدراسة فيه وهل ينصح بالدراسة فيه أم لا ، حيث أني وجدت معلومات على الإنترنت تشير إلى سوء سمعة هذا
المعهد ، فهلا أفدتموني في ذلك ؟؟
كما أنني أرغب في الدراسة في معهد CELOP فهل إجراءات النقل سهلة ؟؟ وأين تتم ؟ فور وصولي للولايات الامريكية أم قبل ذلك ..

شكرا لك اخي عالرد وعلى تعاونك احنا 2 انا ومرافقي وانت عارف بوسطن غاليه هل مكافتي بتكفي ماعتقد

بالنسبه للمعهد بظل فيه سمستر وبنقل لو اموري بتمشي بهالغلاء فايش تنصحني

أخوي ماجد بيض الله وجهك

سؤالي عن معهد embassy ces

وإلا أعرف أن الحمل الأكبر على الطالب

جزيت الجنة...

و الله بدات أخاف من غلاء الاسعار!

أنا مبتعثة و أخويه حيلتحق بالبعثة جاله قبول في المعهد .. هل لك واحد مننا مكافأة ؟
المشكلة انو مجبورة على بوسطن

الله يعطيكم العافية ويوفقكم و يجعلها في موازين حسناتكم

السلام عليكم اخوي ماجد ..الله يسعدك انا مبتعثة جا قبولي في برايتون ولا ادري اي شي عن هالمنطقه وجاني القبول في معهد
embassy ces بشهر 3/2011 ولا ادري عن اي شي ..معي اخوي مرافق...ونفسي اعرف ايش الافضل لو سمحت..احول على معهد الفرع الرئيسي في بوسطن ولا ابقى في برايتون..؟؟
ثانيا اذا ماعليك امر..كيف السكن عندهم؟؟
وهل تكفي المكافاه لمصروفاتنا انا واخوي؟؟
وهل توجد جامعات زينه بنفس هالمنطقه ممكن بعد ماخلص اللغه التحق فيها؟؟

واسفه على الاطاله؟؟

اطلب من الله ان يرزقك من حيث لاتحتسب..ويسدد لك خطاياك ويوفقك دنيا واخره ..وييسر لك امورك ..ويحقق اللي ببالك ..ويكسبك رضا والديك..ياحي ياقيوم..اللهم امين