مسابقة لمحبي الحاسب..عدوا الكلام الفوشي فضلا..

هههههههههههههههههههههههههههههه
أمين جا ؟؟:119: :119: :119:

أبو الوليد ..و الله أكثر من يتعب في الابتعاث سمك جدة.. من جد ما لها زي بلا أمريكا بلا كلام فاضي.:121:

تسلمين سارة عالموقع .

تسلمين سارة عالموقع . والله يعطيك العافية

نايف مشكور
ابن ابي شكسبير (يا ريت تحط لنا اسم صغير للسهولة بدل هاذا الاسم إلى كإنه لواحد من أفغانستان ههههههههه) .. امزح.. امزح
مشكور على الخبر و إن شاء الله راح أجربه مع إن الواحد وده يتخلص من استعباد ميكروسوفت خاصة في مجال تحرير الصور اللي كل يوم الشركات المنافسة تطلع لنا برنامج جديد في هذا المجال .

إنت حتقول فيها ..مو الحال من بعضة لما نسمع في الطائف مطر نطلع يوقف نرجع جدة يجي المطر..حكمة ..عشان كل واحد يقر في بلده.
يزيد إيش أسوي فيك شكلك ما قرأت الموضوع كويس ..المسابقة عالمية و دور الجامعة محدود الدور الأكبر على المتسابق نفسه.
و المسابقة المسؤول عنها نادي ميكروسوفت و لا أنا لما رحت أسأل في قسم الحاسب محد داري عن شي.
و الموقع ماراح أدافع عنه أبدا أبدا و الله شي يفشل شكلهم معتمدين على مشاريع التخرج حقت الطلاب مع إن عيال المتوسط يصمموا مواقع أحسن من كدا ..يعني إيش بيخسرهم غير شوية ذوق .. بتكلم عن الإنترفيس و ما خفي أعظم بس ترا هاذا مو مسؤولية كلية الحاسب حتى مرة كان عندنا واجب إننا نقيم الموقع التعبان هادا, اليوم عشان أوصل للستاف حق الكلية من الموقع حست.. و لا شوارع جدة..و في الآخر كتبته في جوجل بالإنجليزي طلع لي شي شكله من شغل الطلاب بس و الله إنه أرحم من الموقع الرسمي لقيت بيانات دكاترتي و صورهم كمان و انبسطت عالآخر
الموقع لا تحطه أبدا في تقييمك لكلية الحاسب و لا لقسم تقنية المعلومات لإنه دول جهودهم تقدر و منها سيديهات التعليم عن بعد اللي فادت طلاب الانتساب.
سمعت عنها أخويا كان يشتغل فيها وظيفة حلوة قبل ما يسيبها عشان البعثة..بس كان كل يوم ينط لنا لإنه حتى لو الشعيبة جنة ..ما تسوى من غيرنا.
عموما مشكور ..و صراحة شوقتني أشوفها و مادري ليه أخويا ما حكاني عنها ..شكلة ما يبغاني أشبط فيها.
بس أهم شي متأكد إنها فاضي(عشان موضوع السباحة لإننا قرفنا من المسابح و مافي أحلى من الموية المالحة)
و شي تاني ..فيها السمك اللي يكهرب؟؟؟؟

و الله إنك متطلب..تبغاهم يدخلولك البحر في الجامعة

إيوه يعني يرضيكي كل جامعات المملكة فيها نوافير إلا جامعتنا ؟

على الاقل يحطوا نافوره صغيييييييييرة كذا عشين الحر تراني أموت الين ما أوصل المبنى ...
لا يغرك بلا أبيت بلا كلام فاضي قسم الهندسة زي حلقة الخضار ...

ههههههههههههههه
مو بتطور نفسك كل يوم ..زعلان ليه.. ضاعت سنة ..إثنين..إيش صار مادام في طموح غيرك ضيع عمره كله و لسة مخدر
عموما لا رحت البعثة بتعوض الوقت إن شاء الله .. إنت أهون من غيرك أتخيل السنة هادي أول مرة تتخرج طالبة ماجستير من قسم الحاسب .. وزميلاتي مساكين شكلهم حياخدوا الماستر في 4 سنين و لا أكثر ..هادا نفسة اللي تاخدة برا في سنة و نص و لا سنتين.
و مع كل هادا أقولك أسحب كلامك على الجامعة و لا تغرك التصنيفات الفاشلة اللي ما جابت سيرة السوربون عشان تجيب سيرتنا
ثلاثة من جامعاتنا احتلت المراكز العليا في التصنيفات جيب لي دولة عربية قدرت تحقق هادا الشي.
و ترا في نفس التصنيف الفاشل أبو 3000 لو دخلت قسم الشرق الأوسط حتلاقي ما اتفوق علينا إلا جامعات اسرائيل و تركيا. و أظن الجامعة الأمريكة فبيروت و في القاهرة بس. .يعني طلعت جامعاتنا أحسن من جامعات إيران و الإمارات اللي إحنا حاسدينهم ..اتخيل.
لو لي خاطر عنك لا تجيب سيرة الجامعة بوحش مرة تانية..يعني خلي نقدك على خفيف..ما نبغى الشباب يتعقدوا .. ترا بعضهم ما يصدق ..طب الجامعة مو كويسة..ما ندخلها و نقعد في البيت يعني؟؟؟
يلا إن شاء الله لا صرت عميد الجامعة تسوي الهوايل إن شاء الله.
عارفة ..حترفض..طب يا سيدي لو عملت لنا جامعة خاصة(ياريت تكون تقنية و بحثية بلييييز) <<عقدتها

بلا أطور نفسي بلا كلام فاضي ..... أنا أصلا قاعد أضحك على نفسي كل يوم بأحلام واهية و الحين عمري صار 21 سنة وزيي زي طالب الثانوية ما عرفت آكل عيش و كدا كدا رح أضيع ( هذا إذا ابتعثت ) سنة كاملة لغة و 5 سنوات بكالوريوس هادي 27 سنة !!! و مدري كم سنة ماجستير و دكتوراه ... يعني الله العالم شكلي بموت و أنا بجامعة لسه أدرس !!!! و بعدين تصنيف الجامعات يبين أنه جامعتنا زبالة !! ليش ؟ انتي قاعدة تقولي ايران و مصر و ما ادري ايش بس شوفي الامكانيات عندنا فين المفروض توصلنا بس يا خيبتنا و دول زي الارجنتين من افقر الدول و جامعاتها أحسن من جامعاتنا مليون مرة ... و ما أبغى أسوي جامعة و لا أبغى أدرس و لا شي !!! أبغى أقعد في البيت كدا بين أربعة جدران مع الببغاء تبعي و انتظر لين الله يتوفاني برحمته !!!

هههههههههههههههههههههههههه
و بخصوص دور الجامعة ما عندي تفاصيل كثير بس شكله زي ما تقول كدا صوري لإنه من الشروط يفضل إنك تكون تحت إشراف دكتور..عاد إنت تشوف لك واحد حبوب و تلصق فيه مع إنها صعبة أو راجع نادي ميكروسوفت ..المشكلة إنه ماحد يساعد بس لا أخذت الجائزة قالوا طالب(بدون ذكر الاسم)تفوق باشراف الدكتور(و هنا يذكر الاسم) أظن الموضوع كذا بس هما عشان يصرفوني قالوا لي للطلاب و أنا خريجة فاحبطت و ما راجعت التفاصيل يمكن كلامي غلط بس حبيت أحط الموضوع للمهتمين و أكيد بيتحدوا العقبات لإنه الي يبغى شي ما يعييه شي.
أسامة ..ما ني مصدقة شي ..قال ما أبغى أدرس قال ..شكلك بس تخاف من العين .. يلا نمشيها لك (ما شاء الله عليك )
و لا تشغل الببغاء عن دراستة ..بس عسا يطلع ما يدرس؟! .. الحقه ..على الأقل حفظه الأذان.