يابنات في وحدة تبغى محرم عشان تبتعث..!!

انا استغرب جدا عن بعض ردود الأعضاء بحق طلب زوجه !!

هل الذي يطلب زوجه يعترض لأعراض الأخرين ؟؟
او هل الذي يطلب زوجه البنت ماعندها كرامه ؟؟
او هل الي يطلب زوجه فهذا انسسان متخلف !!

والله المفروض نوصل لدرجات عاليه من التفتح وهذا وانتو مبتعثين وعايشين برى كيف اجل الي داخل السعوديه

ترى الملك مابعث هذولا الناس عشان تقعد تنبسط وترجع

هو يبغى الناس تفتح ويبى بعد عشرين سنه الامور تختلف بالسعوديه لتواكب العصر الي حنا فيه

لانه وانا برى الى الان لو يسمعون فقط يمنع قياده المراءه فقالو لي ماهذا البلد المتخلف !!

وجه نظر يلزم احترامها وتبادل أراءها وليس اضهادها والدخول في مقتنيات عرضيه ليس لها اي مدخل بالموضوع !!

انا كان ردي على الموضوع فقط ان الشخص الي يكتب الرد يكون انسان يتفهم ردود الاخرين ولا يتعرض لاي مداخله شخصيه

لانه موضوع عام وطرح للمناقشه

بصراحه عجبني الحوار

اول شي الاخ صرح عن نفسه وقال انه رجال

اللي هو الاخ المملكه .. يمكن بالغلط حاط انه انثى ومادرى

ثاني شي اشكره انه كان صريح جدا .. حتى لو انحذف موضوعه

انا بصراحه جاني احد الشباب

برساله خاصه ماابي اذكر لا اسمه ولا اي منتدى

لاني مشاكره بكذا منتدى للابتعاث

انسان محترم ... كلمني مثل كلام الاخ المملكه ..

قال لي انا فلان الفلاني من العيله الفلانيه ... وانتي حواراتك جاده

انا اطلب منك شغله وحده انك ان تعرفي بنت محتاجه زواج ومحرم اعطيني رقم ابوها

يعني لا طلب ايميل ولا طلب يسولف معي ولا طلب رقم اي بنت ولا حتى يسولف بالنت

كان قصده شريف

تكلمت مع الاخوات بالمنتدى

كل وحده طرحت لي فكره

قلت لها الولد سوا جاد او مو جاد خلاص يروح للاهل

واذا بيسال يقول لهم اهل الخير

في كذا بنت محتاجه البنات قالولي عنهم

وتم مشاورة صديقاتي .. اللي هم من النت ومن برى النت

ورشحنا له ثنتين

وحيطت رقمهم ورقم اباءهم له طبعا بعد معرفة الاهل انه جاي من طرف فلانه اللي عطتنا رقم البنت

ولا ننسى دخلنا فيها مشورة الامهات

واحنا بنات نخاف ربنا ماجبنا شي لها بالحرام

والرجال اخذ الارقاام

وان شاء الله ان ربي يسر له وفقه

المهم سويت انا والبنات اللي علينا

وانا احترمت طريقته

وبالعكس البنات مره انبسطوا

ويمكن حل مشكلة اي بنت

فاتمنى الجاد يتجه لمية طريقه


وان شاء الله اخوي المملكه وغيره ان الله يطرح فيهم البركه

منهم يصونوا انفسهم ومنهم يخففوا من العنوسه

والشباب بعد تنحل مشكلتهم من اقاربهم او الناس اللي حولهم اللي مهورهم غاليه تكسر الظهور والمظاهر الفارغه

والله يسهل امورنا واموركم

روح السعوديه أتمنا التعاون معكى فى هذا الموضوع بنفس الطريقةالتى عملتيها وكذلك الأخوان والأخوات من أراد فعل الخير
أكثر المشاركين فى المنتدى مؤيدين لهذا الموضوع
أعتقد لا يوجد شاب ولا شابة فكر فى الابتعاث وفى الرقى بمستقبله ووطنه
أن تكون افكاره محدوده بل وبالعكس هو الشخص المناسب لمن يريد أن يساعد

انا بعد ادور وحدة مبتعثة نتزوج ونروح سوا ونكمل الدراسة سويا علما اني لاتنطبق علي شروط الابتعاث فانضم الى البعثة معها علما انني جاد والله العضيم ولا اقصد التلاعب فمن تجد الرغبة فلتراسلني فانا معلم في الرياض والراتب مايقارب التسعة الاف ريال واريد اكمال الماستر

يعطيك العافيه والله يجزاك خير على طرح مثل المواضيع هاذي

ممكن تقولون لي وش فيها اذا كان الواحد قصده زواج بكل صراحه

بالله عليكم كيف تبونا نوصل القمه والرقي وهاذا تكفيرنا سلبي سلبي سلبي ليش مايكون ايجابي

وكل عام وانتم بخير

الزواج معروف انه ستر للبنت وخصوصا انها رايحه بلد منفتح في العادات والتقاليد

ومافيها شي واحد يتزوج من وحده او وحده تتزوج من واحد بغرض الستر لهم الاثنين والاستفادة من تحقيق طموح او مستقبل

والي يقول العادات وين العادات الي تمنع الزواج

صح انه زواج عن طريق منتدى بس لكل طرف الحق انه يسئل عن الطرف الثاني من اخلاق ودين وكل شي

والي يقول كرامة

الزواج نص الدين والكرامة تشوفها ان البنت تدرس في بلد لوحدها ولا يسترها دينها بالزواج

الكلام راح يكثر في هالموضوع ولكل واحد قناعات مستحيل يغيرها

بس حلو ان الواحد يحاول يفكر ويشوف المواضيع بطريقة ثانية غير قناعاته

ربي لاتجعل الدنيا اكبر همي..

امممممم انا اعتقد ان مافيها شئ .. اللي يبي يتزوج يبحث عن البنات اللي عندهم مشكله المحرم ويطلب منهم رقم الوالد ويقولها عن عائلته وقبيلته ويشوف هل اهل البنت ممكن يرضون فيه اذا اوكي ياخذ رقم الوالد ويكلمه ويشوفها شوفه شرعيه اذا اعجبها واعجبته اوكي ..

وبيكون زواج وابتعاث ..


الله يسهل اموركم ..


ملاحظه / تراني متزوجه ههههههه مو بكرا اشوف واحدن موطوط عالخاص والله يخلي لي زوجي يارب ويخليلكم ازواجكم واهاليكم .. وبالتوفيق للجميع ..

صح نسيت اقولكم فيه حل ثاني للي يبي يبتعث بس ماتنطبق عليه الشروط ..
شف دور لك على وحده متخرجه من الجامعه مالها سنه والا سنتين ..طيب ويكون معدلها عالي ؟
يعني لمن تخطب اسألهم هل بتكمل دراسه ؟ وكيف معدلها ؟ يعنني ايقالك مهتم بالدراسه ..

وبعدين لمن تتزوج اطلب منها تقدم على بعثه ..

ترى هالشئ صار بعايلتنا يعني شكيت فيه لأنه يبي يبتعث بس معدلة مو زين .. قام تزوج وحده توها متخرجه ومعدلها عالي وخلاها تقدم عالبعثه ... مع انها ملتزمه (مطوعه ) مدري كيف وافقت !!

دمووووع بصراحة اقتراحكي حلوووو وطيب اذا واحد خطب وحدة ومعدله عالي وبعدين ما فيه ابتعاث لان مراحل الابتعاث يقولوا

خلصت. يعني تبي تورطين الشباب ههههههههههههههههههههههههههه.

طيب المبتعث الللي يبي يتزوج ايش تقترحين عليه يدور وحده معدلها مشي الحال عشان تبتعث معاه .]