من جرف لدحديره وياقلب لاتحزن..((دعوة للمشاركة))

فهمتني غلط..الاخوان وانت تقول صارت مسلسلات فاضحه واغاني طيب انا اقول منين يحطون اناشيد من يومني صغيره وانا اسمع فوق هام السحب وهذي موب موسيقى وحاطه علامة استفهام انها موسيقى ونسمعها لانها وطنيه والجنادريه كلها اغاني ومدري ايش كله اغاني وفواصل بين البرامج ودعايات كلها موسيقى هذي القناة السعوديه بس انها تفتحت شوي من ناحية المسلسلات زي ماتقول لاني ماشفتها بس ع كلامك لكن اذا ع موسيقى واغاني دايم نسمع اغاني وطنيه وموسيقى بين البرامج والدعايات وحقات العيد اللي ماحس بحلاوة العيد الا اذا سمعتها ( ومن العايدين ومن الفايزين ان شاء الله) وبعد موسيقى
تحياتي

ما اقول غير لا حول ولا قوة الا بالله العلي العظيم..

استغرب منك يالكاتب انك تروح وترجع على اياد مدني

طيب انا بقولك
ليه ما صار الكهرب ينقطع بكثرة الا من بعد ما جاء الوزير الجديد
ليه ما سمعنا عن العمالة البنقالية ومشاكلهم الا من يوم ماجاء القصيبي

ياخوي كل وزير له سياسة وكل وزير عنده جرأة في اتخاذ القرارات تختلف عن غيره


بتقولي عن السفور والتبرج على قناتنا الاولى بقولك باسواقنا اعضم واضم
بدل ما نجلس نلوم القنوات خلنا على اقل نوعي الشعب دامهم مخربينها بالقنوات الباقية

^^^^^^^^^^^^^^^^^^^^^^

أخوي لو أن قناتنا حافظت على قيمها لسرت هذه القيمة في شوارعنا

لكن أن تكون قناتنا بهذا الشكل فإنها بذلكـ تعلن أنه لا بأس من الظهور المتبرج في الأسواق

طيب خلنا من الناس حنا كسمعة إن نشوف القناة السعودية تسمح بالتبرج فهي من باب ألوى تسمح بالتبرج في دولتها

من متى الناس تناظر القناة السعوديه الاولى مافيها اي فائده لااخبار زي الناس ولاشيء اللهم برنامج او برنامجين دينين الباقي اللهم لك الحمد نبي اخبار السعوديه نروح لقناة موب سعوديه يعني تقريبا بأغلب البيوت السعوديه ستالايت...ومثلماقال اخوي هيشو لازم ننمي عند كل شخص رقابه ذاتيه لله هو يراقب نفسه بنفسه محد يقدر يمنع ويحط ويسوي والشخص هذا داخله الفساد وانا مستغربه الناس تهتم بقناة وتركت الاعظم يعني بنات بالجامعه يسون حركات حقات اجانب مثلا الحلق بالدقن او بالحاجب قصات غريبه بنات مسترجلات عمليات تجميل لدرجه انك تفكرهم اخوات خشم مقصوص وشفايف منفخه.. شباب بالشوارع عليهم قلايد واطواق لشعورهم تقول بنت الا خمس دقايق بالاسواق تبرج واللي يقهر راعي الهيئه يقول لسعوديه غطي نقابك والامريكيه والاجنبيه مطلعه شعرها ولبسها قصير تحت العبايه المفتوحه يعني بالله وين الفتنه حنا ماصارو بناتنا متفتحات بزياده الا من الاجنبيات مخلينهم ع حل شعرهم لدرجه اني اسمع بنت ماغطت شعرها حتى وتتكلم فرنسي الظاهر المهم شيء موب مفهوم عندنا بمحل وصدفه بنفس اليوم والمركز شفتها بمحل ثاني تتكلم سعودي لهجه نجديه بعد صارت سعوديه واذا كلمها مطوع تعطيه شوي فرنسي يعني بالله عليكم بيركبها جمس الهيئه لاصارت فرنسيه؟؟؟؟؟؟؟؟؟؟؟؟؟؟؟؟؟؟؟؟؟؟ والله المفروض توعيه لشعب كله ومحاربة الفساد بالدوئر الحكوميه ولكل وزير المفروض سياسه محدوده وعليه من يراقب سياسته بعد من الناحية الدينيه
تحياتي لكم

هين الرقابة واجب تنميتها عند كل شخص

لكن حديثنا يدور عما يحصل في قناتنا وليس في شوارعنا

8 8 8

ياخي الكريم التلفزيون السعودي لما بقى على حالته المحافضة ما صار احد يشوفه

تقدر تقولي شلون يسون برامج توعي الشعب اذا كان من الاساس محد يشوفه

لازم يسون الشي اللي اغلب الشعب يبغاه عشان يبدون المشاهدين يرجعون للقناة من اول وجديد
ومن بعدها تتم عرض البرامج القوية اللي تخص المجتمع

بس يا أخوي

ما أذكر إن الطريقة الصحيحة لإرشاد الشعب هي عرض المتبرجات في اتلفاز

أصلا الشيء الذي يبغاله توعيه هو التبرج اللي يصير

فكيف نصلح هذا الشيء بعرض ما يوافقه ؟