استفسار معهد Embassy CES San Diego في سان دييقو

غريبه محد عارف شي عن هذا المعهد
ان شالله يكون كويس

شباب وش قصة هالمعهد افيدوني مشكورين

انا جاني نفس المعهد والمدينه

لكن مو عارفه عنه اي شئ ولا لقيت اي معلومه عنه

ياناس والله محتار بينه وبين معهد جامعة uci

اقول مو معقوله ماحد يغرف المعهد ياليت لو احد يجاوبني ابي اعرف لاني مره قلاقانه

حتى انا جاني في نفس المعهد ونفس المدينه
وسمعت انه تمام واللغه فيه تتقنها بسرعه
والله اعلم

اكثر من واحد نصحني بالابتعاد عنه
وانه مجرد معهد تجاري ويصلح للي يبي طقطقه باللغه وما يأهل للجامعه والله أعلم

على العموم بعد الاستخارة بغير المعهد والله يكتب الي فيه خير

اخووي ع اي اساس قالوا هالكلام


هل سبق ودرسووا فيه؟؟

انا توني جاي من عند رجال وعلى ذمته يقول المعهد زوين فيه معاهد أقوى منه وفي معاهد اخس منه
قلت له وش افضل طريقه قال حبيبي ريح بالك -- رح هناك لهذا المعهد وبعد كذا شوف اذا ماعجبك
توكل على الله واطلب نقل وبكل سهوله نقل المعاهد سهل من هناك .. وانت اختار اللي تبي
لأنه يقول ممكن المعهد هذا بالنسبه لي مرررره حلو .. بس بالنسبه لك .. ولا شيء وبالنسبه لغيرنا
واحنا الحمدلله استخرنا وبنروح له والباقي على الله سبحانة وتعالى

تحياتي

مرااحب..يامعشر السان دييغو
جاني قبول في نفس المعهد..كثير يمدحون المدينه بس المعهد ما ادري عنه؟
اللي عرفته بعد ما دخلت الموقع تبع المعهد.. اتوقع انه مثل ال اي اس..
والمعهد له اكثر من فرع .. مثل نيويورك و بوسطن ولوس انجليس وسان فرانسيسكو وسياتل..وهذا الشيء اعتبره ميزه
1- تفائلوا.
2- اذا المعهد مو معروف مثل باقي المعاهد التجاريه يمكن هالشيء يكون ميزه.. انه مايكون عليه زحمه..خصوصا في الصيف .
3-بما انه له اكثر من فرع..اكيد هالشيء يكون مريح واسهل بالنقل للفروع الاخرى اذا ما اعجبتكم المدينه.

لاحظو المدن اللي يتواجد فيها المعهد.. كلها مدن قويه وحلوه ومعروفه..يعني اتوقع المعهد يكون مقبول كويس.. وهذا رائي الشخصي.
المعاهد اللي مثله "يعني مو تابعه لجامعه"...اكيد فيها فله اكثر من ناحية الرحلات اللي يسوونها.. ومن ناحية الدراسه اكيد اسهل..
واذا انها مو كويسه وماتأهل للجامعات كان الوزاره ماتعبت نفسها وحطتنا فيها.
فلوها اول سنه وتعلموا وخذوا الدراسه الاسهل عشان تتاقلموو مع المجتمع على الاقل... مو يكون ضغط دراسه وضغط مجتمع.
وهذي برضوا وجهة نظري.. اللي ممكن تتغير لما اروح هناك.

على العموم مازلت ابحث عن المعهد.. وانا مثلكم محتاره بينه وبين معهد اخر في لوس انجليس..فا ياليت اللي عنده خبره بالمدينتين يقول لنا ايش الافضل..
وكم يبعدون عن بعض؟

شيء ثاني بابنوتات اللي بيروحون للمعهد تعالوا نتعرف على بعض ونسكن جمب بعض هناك .. ان شاءالله