حوار تجمع مبتعثين ومبتعثات جامعة ومعهد California state university

تسلـــــــــــــــــــــــــــــــــــــــــــــــ ـم ........

صاحبت الموضوع صحبتي والداخل بين البصله وقشرتها ما ينوبه الا ريحتها........ استمتعو في كفروووون

احتراماً للموجودين ما راح ارد عليك .. لكن اهنيك على اخلاقك العالية ..


تحياتي

>>>>>>>welcome<<<<<<<<

انااا كمان فوليرتون

انا كمان فوليرتون في نفس المعهد وهذي بعض المعلومات الي حصلتها في النت

الطقس:

جنوب كاليفورنيا عموماً حار إلى معتدل في الصيف وبارد في الشتاء
الأمطار ماتشوفها إلا في الشتاء.. والثلوج ما تنزل إلى على روس الجبال.. وأشهر مكان للتزلج في الشتاء هو بيق بير Big Bear

السكن:
غرفتين بحدود 1300 - 1500
غرفة بحدود 900-1200
بس ممكن تحصل أرخص..

فيه برضه السكن الجامعي بس ما أعرف شي عنه!

أو ممكن تسكن مع عائلة.. والأسعار تقريبا 800$

الترفيه:
ديزني لاند في مدينة أناهايم ( نص ساعة بالكثير عن جامعتك)..
وعندك لوس أنجلوس فيها كل شي .. هولويود ، يونيفرسال ستديوز، .. الخ
غير الشواطئ وش كثرها : سانتا مونيكا ، لونق بيتش ، هنينقتون بيتش، نيو بورت بيتش، فينيس بيتش.
والمولات وصالات السنما في كل مكان..
لا ولاس فيقاس تبعد تقريبا 4 ساعات بس

المطاعم العربية:
أورانج كاونتي أكثر مكان فيه عرب في كاليفورنيا ، وأناهايم بالتحديد مدينة معروفة بكثرة العرب والمطاعم العربية
برضه فيه مطاعم كثيرة في المدن القريبة مثل لوس انجلوس، سانتا مونيكا، لونق بيتش، ريفرسايد.

المواصلات:
طبعا معروف في كاليفورنيا ما معك سيارة، بتطق من الزهق..
فيه باصات وفيه قطار من مدينة لمدينة (ممكن تمشي فيهم أول ما تجي).. لكن السيارة مهمة جداً، ولا يمكن تستغني عنها.

الناس وتعاملهم:
راح تستغرب كثرة المكسيكان والآسيويين، جنوب كاليفورنيا معروف بتنوع الناس فيه ، والمكسيكان تحصلهم في كل مكان (المسكيك قريبة تبعد تقريبا ساعتين) أغلب عمال وموظفي المطاعم من المكسيكان سواء المقيمين أو المكسكان أمريكان ،المنطقة برضه مليانة طلاب من كل الجنسيات الآسيوية (يابانيين كوريين صينيين هنود أتراك وسعوديين)، ومليانة أبوشكيب سواء فلسطن أو لبنانيين وتحصلهم في معارض السيارات. عموماً الناس تعاملها راقي جداً، والاحترام تشوفه في كل مكان.


الجامعة:
الجامعة والله ما أدرس فيها أنا، لكن زرتها مرة.. الجامعة هادية ورايقة..
وإذا أنت جاي لغة، الله يعينك على المناقز من مبنى الى مبنى، لان ما فيه مبنى مخصص لمعهد اللغة، الكلاساات متوزعة في أكثر من كلية.
الجامعة ممتازة من الناحية الأكاديمية، وشباب كثير تخرجوا منها ماشاء الله.. واعرف واحد تخرج منها ماستر وشغال الحين في شركة أمريكية في كاليفورنيا.

طبعا الجامعة تشترط التوفل للقبول، يعني ماهي من النوع اللي تخلص المعهد وتدخل!

عن جد مررررررررررررررررررررررررة تسلم عل المعلومات دي ويعطيك الف عافية

THANKS...

أنا معاكم في فولورتون...أحد منك إستلم ال i-20؟ ومتى تبدء الدراسة
تخصصي علوم صحية
أنا جتني رسالة أمس من إجيك يقولون نأسف لتأخر وصول ال i-20 وبعد ما كلمتهم قالوا يمكن نهاية الأسبوع القادم؟
أخاف إنه الدراسة تبدء في MARCH ونحنى لسه ما إستلمنا ال i-20 ولا رحنى مقابلة السفارة.. انا عملت موعد في السفارة على آخر January إن شاء الله.

المدينة عموما حلو و صغيرة وعدد سكانها منخفظ والنسبة الغالبية للسكان البيض يليلهم المكسيك يليهم السود. الجو حميل.
مشكلتها في السكن..غالييي.... شقة من غرفتين تقريبا بين 1200 الى 2000$ يعني ثلاثة أرباع فلوس البعثة رايحة في الشقة. والضرائب عندهم عالية.
كنت أتمنى لو إختاروا مدن صغيره ورخيصة من حيث السكن والضرائب.

بالتوفيق للجميع

انا كمان معاكم في فولورتون وكمان الى الآن مااستلمت الi-20
وان شاء الله يكون المعهد كويس وانا تخصصي علوم حاسب ألي وراح اكمل ان شاء الله ماجستير

وان شاء الله التوفيق للجميع

يا من حصل على قبول في هذا المعهد .....ايها الزملاء
سيتأخر صدور قرار الابتعاث روتين حكومي بطيئي في صدوره ...أفكر في تغير معهد فلورتن فهل هناك نصيحه تنصحوني بها...ام الافضل ان اغيره ...وشكرآ لكم ،،،