تكففففففون يا اهل سياتل ..

الملحقيه اختي في مدينة واشنطن دي سي في شرق الولايات المتحده الامريكيه ،، وانتم في ولاية واشنطن في غرب الولايات المتحدة الامريكيه ،،


لازم تتفاهمين مع مكتب تجسير الغبي قبل تجون هنا ..


والله يوفقكم ان شاء الله ..

مكتب تجسير قال يجيب لي قبول في معهد أخوية ،، واروح اول يوم أداوم في معهدي واطلب نقل ،،

بس المشكلة سمعت انه ما يحق لي النقل الا مرة وحدة يعني بكدا ضيعت فرصتي

أيش رأيكم أيش اسوي ؟؟؟

مجنون مكتب تجسير

ليت تفيديننا بموعد بداية دراستك
وهل سويتي المقابلة واستلمتي الفيزة
اذا فيزتي على المعاهد الي جابوها لك تجسير فاقترح عليك ما تجي الا بقبول جديد عن طريق مكتب ثاني مو عن طريق تجسير
تجسير قبولاته تعبانه وفي معاهد تجارية فخذي قبول على معهد اليوداب التابع لجامعة واشنطن من اي مكتب في منطقتكم
ويجيك القبول في غضون عشر ايام .
اما اذا لسى ما فيزتي فالحمد لله ما صار شي طلعي قبولات جديده لك ولاخوك وطلعي الفيزه عليها
ولا عاد تروحين لتجسير بالمره تراه يجيب الهم انا قبولي جبته من مكتب مستقبلي بالرياض بعد ما نشف ريقي تجسيرر

موفقة ان شاء الله .

والله ياخوي جبت فيزا خلاص واصدرت قرار الابتعاث بس باقي انتظر امر الاركاب

طيب ايش افضل المعاهد والمكاتب؟؟ وتنصحوني اروح بقبول جديد من هنا ولا كيف ؟؟

الصدق ما انصحك تجين بقبولك هذا لانه راح تتبهذلي انتي واخوك

جيبي قبول جديد في غضون اسبوع يكون عندك واحجزي موعد في السفاره
لكن اذا جيتي بقبولك هذا احس انك راح تتبهذلي
عادي اتبهذل وانا عند اهلي وفي بيتي (تحجزي موعد جديد وقبول جديد ولا تفكري في مصاريف المكتب والسفاره
لانك اذا جيتي بقبولك هذا بتدفي اضعاف هذي المبالغ )
لكن في الغربه صعب الواحد يبهذل نفسه

لا تقولي صعب روحي لمكتب كويس وخليه يسنعك ويحطك انتي واخوك بالمكان الي انتي تحددينه والوقت الي يناسبك
لا تقولين خساير ومصاريف اضافيه لانك اذا جيتي انتي في بلد ومرافقه في بلد راح تدفي اضعاف هذي المبالغ .

اتمنى انك ما تستعجلي بقرارك واستخيري ربك .

طيب انا اصدرت قرار الابتعاث .. في مشكلة كده ولا لا ؟؟ ولا اعيد الاجراءات كلها من البداية

الله يعينك وانا أأيد كلام شدو المحبه .. وسمعة تجسير بالمره موكويسه بسبب انه دايم ينكب الطلاب

الله يوفقك يارب