عرض للطباعة
السلام عليكم ورحمة الله وبركاته
اتمنى ان تكونو في اتم الصحه والعافيه
اخواني انا اكتب الموضوع هنا لطلاب والطالبات المبتعثين في المرحله الثامنه او السابعه او التاسعه
وموضوعي فقط لغرض المساعده للمحتاجين السكن في مدينة سياتل بواشنطن طبعاً بختصار لكم
الاسعار متوسطه باالمدينه جميل ماتفكر فيه موجود في هذا المدينه الساحره
فمن اراد البحث في السكن فانا في الخدمه لاني متواجد في النورث قيت والليك سيتي فهما الانسب والاجمل للعوائل خاصه والجميع الطلبه لكن للعوائل خاصه
اخوكم / ابوعبدالرحمن
اخوي مثلا مثلا ،،ابغي شقه غرفه وصاله ومطبخ وحمام ،،بكم تطلع شهريا؟؟ تكون جمب جامعه سياتل حول 10 دقايق مشي ؟؟ لانه حاط سياتل خيار ثاني بعد تيمبي اريزونا..بس عيب سياتل انها غاليه كم اسعار الشقه زي النوع اللي ابغاه وهل هل مفروشه
بصراحة حاليا بس ابغا أخذ فكرو عن أسعار الإيجار مع العلم اني طالع لحالي ..
لو قررت أني أخذ شقة لحالي : غرفة وصالة ومطبخ وحمام .. تكون مفروشة ويستحسن تكون قريبة من University of Washington .. كم يكون إيجارها في الشهر ؟
لو قررت أشترك مع 2 أو ثلاثة في شقة مكونة من 3 غرف نوم مع صالة ومطبخ .. وقريبة من نفس الجامعة فكم يكون إيجارها الشهري ؟
تم تخزين الرقم
ساتصل بك اخوي ابو عبدالرحمن
لاحقا باذن الله
كان ودي بسياتل
بس معاهدها الكويسة مقفلة
: (
أبو عبدالرحمن أرسلت لك رسالة على الإيميل و موضوعها لا يتعلق بالسكن و لكن أتمنى منك الرد
تجدها إن شاء الله عندك في inbox
شكري و تقدري لك مقدمًا
وشي المعاهد المغلقة في سياتل ؟؟اقتباس:
المشاركة الأصلية كتبت بواسطة بنت حصة
- - - مشاركة محدثة - - -
وشي المعاهد المغلقة في سياتل ؟؟اقتباس:
المشاركة الأصلية كتبت بواسطة بنت حصة
اخوي ربي يعطيك العافية
اتمى تزويدنا باسعار السكن هنا غرفة او غرفتين مع صالة ربي يجزاك بالخير ويطرح فيك البركة
اللي مقفلة :اقتباس:
المشاركة الأصلية كتبت بواسطة مخترع البراية
1- نورث كومنيتي كولج
2- المعهد التابع ليونيفيرستي أوف واشنطن ( كل الفرعين مقفلة )
3- واشنطن أكاديمي
ثنين بس اللي مفتوحة كابلن و الساوث كومنيتي
كابلن أبداً ما يمدحونه لأنه تجاري
أما الساوث كومنيتي صراحة مالقيت شي عنه
- - - مشاركة محدثة - - -
اللي مقفلة :اقتباس:
المشاركة الأصلية كتبت بواسطة مخترع البراية
1- نورث كومنيتي كولج
2- المعهد التابع ليونيفيرستي أوف واشنطن ( كل الفرعين مقفلة )
3- واشنطن أكاديمي
ثنين بس اللي مفتوحة كابلن و الساوث كومنيتي
كابلن أبداً ما يمدحونه لأنه تجاري
أما الساوث كومنيتي صراحة مالقيت شي عنه
٨
٨
٨
على اي اساس مغلقة اختي ؟
آخر قائمة معاهد موجودة على موقع الملحقية موجودة فيها هالمعاهد وماهي مغلقة
والقائمة الجديدة بتنزل ان شاءالله ونشوف اذا مغلقة او لا
صاحب الموضوع
جزاك الله الف خير وجعله في ميزان حسناتك
سياتل مدينة مذهلة قرأت عنها كثير واستطلعت عنها ووضعتها من اول خياراتي
رحم الله والديك . بالتوفيق
انا مشيك في موقع وزارة التعليم العالي و مثل ما ذكرت الأخت معهدين بس اللي مفتوحة
و الساوث لي شهر أدور احد يعطيني و لو معلومة عنه بس ما لقيت أحد كاتب شي
كلمت صاحب لي في سياتل و خليته يروح يشوف المعهد وينه و كيف الحي اللي حواليه
رده كان إن موقع المعهد جنوب الداون تاون و الحي اللي حوله كويس
بالنسبة لنظام المعهد أعتقد ما راح يختلف عن النورث كوميونيتي كولج <<< لي صاحب ثاني يدرس فيه و يمدحه
اولاً
السلام عليكم ورحمة الله وبركاته
ثاني الاخ اللي مرسل لي رساله على الايميل راح ارد عليك في نهاية كلامي ياالغالي
اولاً اتكلم بخصوص السكن
السكن يااخواني طبعاً دائماً اذا قربت من المولات والبقالات والمجمعات التجاريه وقربت ايضاً من وسائل المواصلات فتأكد ان الاسعار غاليه في اي بقعة في الارض وهذا الحال في مدينة سياتل
طبعاً انا مستأجر في النورث قيت وهي الانسب والاجمل للعوائل على ماشفت وماسمعت مناسبة جداً جداً للعوائل
طبعاً انا ساكن في مجمع سكني له مكتب اداره اشراف للمجمع
السكن عندهم لغرفتين ومطبخ مفتوح على طاله كبيره
وبها بلكونه ودورة مياه اكرمكم الله ويوجد باالشقه غساله للملابس ونشافة ملابس ايضاً ثلاجة في المطبخ كبيرة الحجم ايضاً فرن كهربائي
طبعاً دولاب المطبخ موجود هو من ادارة المجمع
طبعاً الايجار على حسب رغبتك 6 شهور او 12شهراً على راحت المستأجر وليس الزامي بفتره معينه
للمعلوميه الايجار لغرفتين ودورة مياه ومطبخ وصالة وبلكونه مطله على ارضيه خضراء ومسبح وصالة رياضيه
الشهر 1450دولار لاتشمل لكهرباء ولا مويه ولا انترنت نت ولا TV
الانترنت والتلفزيون تتفق معهم على حسب الاشتراك الشهري
اما بخصوص الماء والكهرباء فهي تعتمد على حسب صرفيتك انت ياالمستاجر الشقه
بتسألون هل انا قريب من المعهد بقول لكم نعم لكن المسافه من الباص الين المعهد مايقارب 20 دقيقه
طبعاً انا في معهد كابلان بتقولون مب زين لكن امر الله وشق القربه بجلس فيه لين اتأسس لمده بسيطه وراح انقل منه لانه معهد مايفكر الا بجمع الاموال
لاتفكرون انه مايدرس ويفهم لا غلطان من يقول هذا الكلام المعهد للمعلوميه هو تجاريه يوفكر باالماده قبل كل شيء لكن عنده مدرسين مبدعين ومتشددين الي درجة اي طالب يتكلم كلمة عربيه ينطرد من الحصه
هذا احد انظمة المعهد اللي عجبتني كل الكلام الذي راح ينقال في القاعه لابد كله انقلش معليش حبيبي اليوم مافهمت الاستاذ بعد كم يوم راح تفهمه غصبن عنك المعهد شديد في انظمته حريص على تعليم الطالب لكن عيوبه ليست باالدراسه ولكن في امور اخرى من ضمنها هو المعهد في امريكا الذي لايعترف بالاجازات الطويله وحقه المادي عند الطالب اولى من دراسته الطالب
من مميزات المعهد هو مبدع في تعليم الطلبه على اختبارات التوفل ويمتاز بهذي الشهاده من الكل اي بمعنى اصح هو يؤسس لأختبار التوفل
هذا بخصوص المعهد ويعطي دروس لإختبارات الجي آر اي.
في معاهد اخرى مثل مقالت الاخت لكن لاعلم لدي عنها علمن اني قابلت اليوم طلاب وطالبات راح يحولون للمعاهد المقفله على كلام الاخت كيف بيحولو وهي مقفله الله اعلم لكن اعرف زملاء في معهد كابلان راح ينتقلون منه خلال الشهر هذا
نرجع لسكن
اللي معه فلوس وزايده فلوسه يروح يسكن قرب المعاهد وللمعلوميه جامعة واشنطن ايضاً هي قريبه من المعاهد من حلاوت مدينة سياتل معاهدها وجامعتها قريبه من بعض لكن الايجارات غاليه جداً والمواصلات متوفره ومايحتاج موصلات اذا سكنت قرب المعهد لان كل مشاويرك قريبه منك بقالات عربيه ومطاعم ومولات وكل شيء في بالك لكن ماعندي معلوميه صحيحه عن الايجارات باالضبط لكن انها اغلى من المنطقه اللي اسكن فيها علمن اني بعيد عن المعهد ميقارب 20 دقيقه باالباص
واعرف زملاء ساكنين هناك ويشكون من اسعار الايجارات لكن هم فاهمين الوضع ومتفقين كل اربعه اشخاص او ثلاثه مع بعض بشقه مكونه من غرفتين
الاخ اللذي يبحث عن ثلاث غرف انصحك ابعد عن القرب من المعاهد لانها غاليه ومكلفه
باالنسبه لأسعار سياتل من وجهة نظري الشخصيه ليست غاليه نهائي على الكلام اللذي نقرائه في المنتديات
اسعار متوسطه وبمشيئة الله مقدور عليها
طبعاً الافضل في المعاهد في واشنطن
معهد واشنطن نفس معهد الجامعه وهو الافضل والاقوى
معهد اليوداب الداون تاون وهو يحتل المرتبه الثانيه لكن لدي معلومه لااعرف مدى صحتها ولكن سمعتها قبل كم يوم من الطلبه الدارسين فيه
المعلومه
ايضاً معاهد الكمنتي كولج بجميع فروعه كلها قويه والان في الوقت الراهن تعتبر هي الاقوى بحكم دراستي فيه.
هو يختبر ثلاث او اربع اختبارات تقريباً
المهم الاختبار الاول اذا رسبت فيه يعيد لك بااختبار ثاني اذا لم تنجح ايضاً يلغي دراستك في المعهد ويبلغ فيك الملحقيه وايضاً يبلغ مكتب الهجره لكي يسحب منك الايتونتي I 20
او المعهد نفسو يبلغ الطلاب نفسو ويقول له ابحث لك عن معهد اخر او سوف يتم الغاء الايتوني الخاص به.
في ملعومه وصلتني من بعض الشباب بما اني كنت معهم يدلوني على بعض اماكن بيع الحوم الحلال والبقالات العربيه والمعلومه هذي اسعدتني وحز في خاطري
اسعدتني ان الطلبه اللي راح يجون لمدينة سياتل ان شاء الله انهم راح يسكنون هذي المجمع السكني اللذي كان زميلي ساكن فيه وعلى كلامك يعتبر ينافس او افضل من المجمع الذي اسكن فيه لسبب رئيسي وهو الايجار الشهري لغرفتين وبلكونتين ودورة مياه وصاله ومطبخ 1250 دولار شهرياً يعني فرق 200 دولار عن السكن اللي انا فيه
حزت في خاطري اني لو علمت قبل اسكن في مجمعي لكان ذهبت له لكن هذا قدره الله انا المجمع السكني اللذي اسكت فيه لايوجد به عيوب نهائي باالعكس روعه لكن الايجار هذي ال200 انا اولى بها وفي حاجتها
عارف اني شتت افكاركم ولحست عقولكم وحولت اعينكم لكن تحملوني كلامي مره في السكن ومره في المعاهد ومره في المواصلات لكن حبيت اتكلم اكثر واكثر
وللمعلوميه الاخيره
انا جديد على سياتل توني انا وعائلتي جدد لنا 14 يوم فقط من وصلنا امريكا واتمنى من كل قلبي ان مايصير لكم مثل مصار لي والله مااتمنى لك شخص يأتي هنا لغرض الدراسه يصير له مثلي انا وعائلتي
لكن ماقول غير الله يعينكم ويسهل اموركم ويسكنكم في سكن بااسرع مايمكن
وهذي الملعومه ليست لتخويف او الترهيب لا لكن اللي يفتقر للغة الانجليزيه الله يكون بعونه وراح تتذكرون كلامي وباالاخص اللي بعوائلهم امثالي مابي احكي لكم معانتي
اشوفكم على خير في ردود ثاني اتمنى من الاخ الذي راسلني على الايميل اني افدته بما راء في موضوعي
واي سؤال انا حاضر واي مساعده بساعدكم بكل مااقدر علمن اني مااعرف لغه لكن بدبر اموركم لاتشيلو هم انا معكم بإذن الله وقت وصولكم هنا لاني ماابي شخص يحس باالغربه
انا ولله الحمد الغربه اللي يشتكون منها الطلبه انا ماحسيت فيها نهائي والحمد لله ليش تقريباً لاني مع عائلتي وهي اللي منسيتني هم الغربه
دمتم بخير
اخوكم / ابوعبدالرحمن
الحمد لله ع السلامة أبو عبدالرحمن
انا في سياتل ليا 6 شهور ، وإن شاء الله أفيدك وأفيد الجميع
بالنسبة للمعاهد أنا ما ردست في كابلن لكن الشهادة لله الكل يشكي ويقول مادي ويعتبر الأسوء ، في الأخير مو خلاف الله يوفق الجميع !!
نرجع لموضع Seattle Community Colleges - لها فرعين North جداً ممتازة لكن ممتلئة سعوديين - South كان القبول حقي في أول وصولي لسياتل عليه لكن سألت أهل الخبرة ومن لهم سنة وسنة ونصف ، الكل نصحني فيه كمعهد و قلة نسبة الطلاب العرب فيه ولكن المشكلة يعتبر بعيد عن الداون تاون وعن وسط المدينة و معزول نوعأ ما ، النقطة الثانية ما أظن بتلاقي حولك سعوديين وعرب قد ما بتلاقي في منطقة النورث ، أدري كثير بيقولون أنا جاي أتعلم و ماودي أقابل سعوديين ، أسمح لي أنت في غربه ولازم من قربك لهم ، لخبرتهم إستشارتهم معرفتهم بالبلد أمور كثير ، حتى لدرجة أنهم يساعدوكـ في موضوع العفش إيجاد سكن ... إلخ النقطة الثالثة جلست أدور لمدة إسبوعين مالقيت سكن في منطقة الساوث لا شقة و لا مع عائلة ، حتى إني فكرت أسكن في الشمال " النورث" و أداوم في الجنوب " الساوث" أكتشفت أن يومي كله راح أقضيه في الباصات بمعدل تقريباً ساعة ونصف حتى أوصل و من ثلاثة إلى باصين أحتاج في الذهاب و مثلها في العودة
بالنسبة للسكن و أسعاره : الداون تاون ومنطقة اليو ديسترك ما أنصح فيها خاصة للعوائل
للسببين الأسعار فيها تعتبر غالية والمنطقة ليست منطقة طلاب خصوصاً في الليل
أفضل أماكن للسكن الشمال "النورث" نبدأ من النورث قيت ، والميرديان ، الليك سيتي ، جاكسون بارك وغيرها ...
و أسعارها ممتازة ، و زي ما تفضل أبو عبدالرحمن إيجاره يعتبر غالياً نوعاً ما في منطقة الجامعة والداون تاون ، النورث أفضل و أرخص و آمن - السكن إلي أنا فيه أو أغلب الشباب الغرفتين بكامل الخدمات ماعدا الكهرباء مابين 1200 إلى 1350
وزي ما تفضل نادي و موقف و مسبح و حديقة وكل الخدمات متوفرة حولك ، وفي أقل من كدا بالنسبة للإسعار
و أيضاٍ الشاب على الفيس بوك " سعوديين في سياتل " فيهم الخير والبركه بمجرد تنزل البوست وتطلب أي خدمة والنعم فيهم يوقفوا ويخدموا بكل ما يقدروا عليه وزيادة
و إن شاء الله ما أحد يقصر معاكم ، زي ما الناس الي قبلنا ما قصروا معانا
آسفين ع الإطالة ، الله يوفقنا و يوفقكم
اشكرك مرورم اختي اتوقع اسكم مجربا اذا مخاب ضني واذا كنت غلطان العذر والسموحه منك
واشكر مساعدت للطلبه حتى لو باالكتابه وكنت اتمنى اعرفك في بداية اموري كي تساعديني انا وعائلتي
لكن ربك فرجها من عنده
علمن تنقصني بعض الامور لكن الحياه دروس ولابد نتعلم
وكلامك للأخوان صحيح في المعاهد وايضاً السكن واتمنى من اراد سكن ييلغ في المنتدى قبل حضورة الي هنا لكي يتفق مع شخص يسأل له له ويشوف له قبل يورط مو مثل الناس لا مثلي انا اللي تورطت التروحون بعيد
مره اخرى اشكر مرورك اختي الكريمه والله يوفقك لما فيه الخير
اقتباس:
المشاركة الأصلية كتبت بواسطة Lawyer Abdulrahman
على أساس هالرابط
http://www.mohe.gov.sa/ar/studyaboar...s19-5-2012.pdf
بس إن شاء الله لما تتحدث لدفعتنا ، تنفتح لنا بعض المعاهد :(
ابو عبدالرحمن لاهنت توني واصل سياتل وما اعرف أحد
ابغى عائله أسكن عندها لي يومين ساكن موتيل والميزانيه ماتسمح
ساعدني وفرجها علي الله يفرج عليك
انا في معهد University of Washington بالداون تاون
عطني رقمك خليني ادق عليك او شيء
طيب فيه ف المجمع الي انت ساكن فيه اخ ابو عبدالرحمن هل يوجد غرفه واحده وصاله وحمام ومطبخ فقط واذا فيه كم يكون سعرها ؟؟
ومشكور مقدماً
يعطيك العافية يالغالي على الموضوع وانا ان شاء الله ناوي اطلع على سياتل قريب ^_^اقتباس:
المشاركة الأصلية كتبت بواسطة عتيق العرابي
المهم يالغالي ياريت تقولي السكن اللي انت فيه مؤثث ولا انت اشتريت الاثاث وهل اقدر استأجر شقة غرفتين وتكون مؤثثة ؟؟
آلله يوووفقك آلمووووضوووووع بووِقتةة ..،
آنــآ آسستفسآري عَ آيججآر الغرفه و صصاله و مطبخ ب آلنوررث قيتَ كم يططلع !!
الله يسسعد قلبك و كمآآن ححضانات آلاططفال سسنه و نص تقريبآآ كم ب نفس آلمنططققةة !!
السلام عليكم ورحمة الله وبركاته
اخواني اسف على التأخير لكن السكن انا اللي ساكن فيه هو مجمع سكني ويحتوي على شقق من غرفتين فقط وصاله ومطبخ ودورة مياه الله يكرمكم وبلكونه ويتراوح ايجارها من 1300 $ الي 1650$
لكن على حسب علمي من الزملاء الطلاب الذين قابلتهم في اسعار اقل للغرفتين والصاله والمطبخ والبالكونه 1250$ يعني اقل في مجمع سكني ايضاً ويوجد في المجمع مسابح وصالة رياضه وملاعب
الاسعار اذا بحثت راح تحصل اللي يطيب على قلبك
طبعاً يااخوان بصراحه مااعرف عوائل هنا تستقبل طلاب واتمنى فهم كلامي ليست موجوده عوائل وانما انا مااعرف عوائل لكن انا اعرف طلاب عند عوائل ومالي الا اوصلكم معهم حتى تعرفو راسكم من رجولكم
طبعاً انا جديد على سياتل ولغتي الانقليزيه ميح لكن معارفي مع السعوديين كثيرة ولله الحمد وان شاء الله راح اخدمكم انا وهم ونصلح لكم جميع الامور المهمه
الشيء الاخر وهو موضوع الاثاث الشقه تكون فاضي لايوجد فيها سوى ثلاجه كبيرة الحجم وفرن وغسلاه ملابس ونشافه
طبعاً ان شريت الاثاث من صاحب الشقه اللي قبلي والحمد لله
اخواني واخواتي الاثاث باالنسبه لي على ماشفت وسعرت اسعارها لست بغاليه الي ذيك الدرجه اغلى مافي الاثاث السرير لشخصين وهو بسعر 255$ طبعاً مستخدم واما جديد فاسعارها اغلى تبتديء من 380 الي 800 والتلفزيون على حسب الحجم الذي ترغبه انا شريت تلفزيون بسعر 306$ مع التاكس( الضريبه هي التاكس)
ملاحظه انا كلامي كله يااخوان عن مدينة سياتل باالضبط النورث قيت والمناطق التي حولها الامور متيسره وسهاله بمشيئة الله لكن حاولو تتعرفو على سعوديين يخدمونكم اذا تبون اموركم تمشي في السليم لان السعوديين مراح يقصرون معكم وانا اول سعودي وابن بلدكم راح اوقف معكم باللي اقدر عليه وان شاء الله تنحل جميع اموركم.
بارك الله فيك ياابو عبدالرحمن يالله يارحمن ان تعينه وتوفقه وتسهل امره يااارب
اضفتك مسن وخزنت الرقم عندي بس اعرف متى توقيتك اللي يناسبك بحسب توقيت سياتل لان كل اللي ابيه منك شغلة دقيقتين بس ..
الله يعطيك العافية
الايجارات مره ممتاز لكن كيف بقية المصاريف الكهرباء + التدفئة + الانترنت+ الموية ؟ كم ممكن تكلفني
وكيف الجو قريت انه امطار طول الوقت بشكل مقرف .. والعواصف ؟
اوكي اي وقت اخوي قبل ماتتصل ياريت ترسل لي مسج واذا مارديت عليك باالمسج عادي اتصل باالعصر باالظهر باالمغرب باالعشاء لكن الصباح بدري واخر الليل اعذرني بكون وقتها نايم
الاخت رانيه
ولاية سياتل باالنسبه لي فوق الخيال طبيعه والان قرب موسم الامطار الذي انتظر بفارغ الصبر ايام قليله وتأتي الامطار لمدة طويله مايقارب 6 الي 7 شهور كلها امطار باامطار
بخصوص الااسعار
الكهرباء لمدة شهرين تتراوح تكلفتها من 50 الي 70 دولار
النت سريع جدا ً عندي مشاء الله وانا ممكن مااخذت الا الباقة الاقل لكن النت عندهم يفوق الانترنت عندنا باالسعوديه بمراحل
طبعاً اشتراكي في النت لمدة شهر بمبلغ 30 دولار شهرياً
المويه ماعندي علم عنها والله لكن في بعض الاماكن هي تتحمل فاتورة المويه واتوقع انها قليله جداً لكن مااقدر احدد السعر
بطاقة الباص مطلع لي بطاقة ولزوجتي بطاقه كل واحده لمدة شهر 90 دولار شهرياً في خصم طبعاً لطلاب معاهد اليوداب والكمنتي كولج بجميع فروعها في خصم خاص على بطاقات الباص
هذا اللي عندي وسلامتكم
الله يجزاك خير ماقصرت
ولو انا ماابي غير الدعاء
والله يوفقني ويفقكم حيث ماكنتم وكنا
دمتم بوافر الصحه
الله يثبتك ويسهل امرك ويارب تنقبل في افضل جامعة وترجع وتلقى وظيفة زينة ..اقتباس:
المشاركة الأصلية كتبت بواسطة عتيق العرابي
بخصوص بطاقة 81 و بطاقة 56 وش الفرق بينهم .. يعني مو معقول تدفع 81 وتصير نفسك نفس اللي 56 ولا هذي شركات مختلفة .. وهل فيه فرق بينهم ؟
مشكور أبو عبد الرحمن على هذي المعلومات عن مدينه سياتل كفيت ووفيت والله يجعل مساعدتك للناس في ميزان حسناتك يارب
عندي بعض الاسفسارات عن سياتل
أول شيء الرحله كيف كانت يعني أول ماسافرت من السعوديه على طول رحت على مطار سياتل ولا توقفت في مطار واشنطن وبعدين أكملت الرحله ؟؟
كم مدة الرحله تقريباً من الرياض إلى سياتل ؟؟
وهل عند وصولك لأمريكا احتجت لمراجعه الملحقيه بواشطن في فتح الملف ولا سويت أمورك كلها عن طريق البوابه الالكترونية ؟؟
وياليت تقول لنا ايش افضل بنك في مدينة سياتل لفتح الحساب وكيف فتحت حساب عندهم وايش الاجراءات اللي سويتها ؟؟
أخوي عتيق
السلام عليكم
أولا أشكرك على تعاونك واهتمامك ، ولا حرمك الله الأجر
أخي العزيز
أنا معيد بأحد الجامعات وعلى وشك الابتعاث إن شاء الله
بحثت كثير عن المعاهد والولايات ، وبعد البحث ارتحت كثير لمدينة لسياتل
لكن احترت كثير في عملية اختيار المعهد
جامعتي تقول ما نبتعثك إلا لمعهد أكاديمي تابع لجامعه
ومعهد يوداب اللي يتبع جامعة واشنطن سمعت عنه كلام متناقض
البعض يمدحه والبعض الآخر يذمه
طبعا هذا الكلام كله عرفته من خلال المنتديات
ودي أدرس في سياتل وخايف أتورط في المعهد ،، خصوصا إنو عملية تغيير المعهد تستغرق من ثلاثة إلى أربعة أشهر علشان يصدر قرار الموافقة من جامعتي .. مع الأسف.
الآن بما إنك في سياتل ومن خلال ما تسمع وما تعرف عن المعهد : هل مستوى التأهيل بالمعهد جيد ؟؟ ((أقصد فرع الكامبس))
هذا هو المهم بغض النظر عن صعوبة الدراسة ، وصرامة المعلمين
مره ثانيه أشكرك على تعاونك
مودتي واحترامي ،،،
فيه معاهد كثيره بسياتل أكاديميه بس المشكله انها مغلقه بسبب التكدس انا ودي ادرس بمعهد واشنطن استيت وان شاء الله تنفتح مع نزول القائمة الجديده أو يضفون معاهد جديده
السلام عليكم ورحمة الله وبركاته
اختي مس لاتسألي عن رحلتي
لكن المعاناه التي مريت فيها جداً جداً صعبه وباالاخص مع عوائلتي كان الله بعونهم.
رحتي الكلام كثير عنها والقلب يحزن اذا سمع رحلتي ومعاناتها انا عارف انا ودي اكتب بداية رحلتي من جده حتى وصولي لمدينة سياتل وانتم راح تستمتعون بها لانها سفره ليست باالهينه لكن بختصرها لك في بضع كلمات قليله جداً ولا راح اذكر معاناتي فيها
رحلتي على الخطوط الاماراتيه
رحلتي من جده الي دبي 2.30 في الجو ومن سياتل الي واشنطن مدينة سياتل باالضبط 14 ساعه في الجو
بخصوص المعاهد كثيرة في سياتل
على طاري اليوداب في ناس تمدحه وفي ناس تذمه لكن اتمنى لاتسمع من فلان وعلان اعقلها وتوكل الين توصل هنا واستمر باالمعهد اللي اخترته واذا ماعجبك غيره ولك حق تغيره اذا وصلت هنا مجرد انك تكلم المشرف وتطلب تغيير يغيره لك لك حق تغيره مره وحده
طبعاً في معاهد الان مفتوحه مثل اليوداب ومعهد كابلان ومعاهد اخرى لااذكر اسمائها ولو ذكرت اسمائها بكسر اللغة الانجليزيه باالحيل لكن اتوقع احدها الكلويج تقريباً اذا مخاب تعبيري الاملائي
طبعاً الطلاب لاتسمع كلامهم لاني انا جلست معهم علمن اني ماادرس مجرد محرم مع زوجتي وجالس مع ولدي في البيت الله يحفضه لين ادبر له حضانه او اشوف له حل انا مااقدر اخذ الا لغة لاني مظف حكومي وومنوع من الدراسه فقط لغة ويمديني الحق على اللغة معي 3 سنوات
بخصوص لاتسمع كلام الطلاب انا تكلمت معهم والكل يشتم في معهد كابلان علمن ان زوجتي تدرس فيه وتثني عليه لاني شديد انضباطي لدرجه كبيرة فقط عيبه والذي كره السعوديين فيه لايوجد به اجازات كثيرة كبقية المعاهد إجازاته قليلة جداً لاتذكر وكل وقتهم تعليم وهذي الصفه لايرغبها بعض الطلبه السعوديين لانهم متعودين على الفله انا في قراراتي انا اخلي زوجتي تتأسس فيه فقط لمدة 6 شهور وراح انقلها منه لمعهد اخر يعلمها على اسس وقواعد وضمائر اللغة الانجليزيه اكثر لكي تجتاز الايتلس بسهوله لان زوجتي تحضر الماستر وليس الباكالريوس وطبعاً مثل ماانتم عارفين القبول للماستر هو الاصعب ولابد من درجه عاليه ليس بمثل الباكالريوس
في شيء ثاني حبيت انوه عليه لاحد يقول لك معهد فلان طلاب السعوديين فيه قليل ولا كثير خذ هذي المعلومه من شخص شاف باام عينه كل المعاهد في امريكا صارت مكتضه باالطلبه السعوديين يعني انسى انك تهرب من السعوديين وراح تذكرون كلامي هذا
يكفي اليوم قابلت طلاب من ولاية فرجينيا قابلتهم هنا عندنا بسياتل المهم سالفه ورا سالفه وش اللي جابكم عندنا بحارتنا قالو الملحقيه بلغتنا لجميع طلاب اغلب معاهد فرجينيا انهم يبحثون عن اي معاهد اخرى خارج ولاية فرجينيا سألته ليش قال امتلأت باالطلاب السعوديين واحنا الحين من اليوم صار دراستنا بحارتكم اللي هي سياتل يعني ياعمي السعوديين وراك لكن بصراحه كل سعودي اقولها من على هذا المنبر منبر منتدى مبتعث فديتهم وربي اقولها بكل صدق وبيض الله وجيههم لان لو مالله ثم هم كان رحت طعم لسباع .
شيء اخر اختي مس / في ولاية واشنطن مدينة سياتل لاتفكري ولاتحتاري بدون منازع افضل بنك واشهر بنك هو ( بنك اف امريكا ) وعيني عليهم بارده
اخي الكريم قانوني معاهد سياتل كلها رائعه ولا يوجد بها عيب واتمنى ابلغك بمعلومه تضعها خاتم بااصباعك والكل يشهد بها المعهد مهمت كان قوته في التعليم لايفيد الا بنسبة 30 الي 35 في % والباقي عليك انت فقط
طبيعة المعاهد جميعها في العلم بهذا النسبه وطبيعة المعاهد تمتاز في القراؤه والكتابه والكلام والتحدث تختلف المعاهد من معهد لمعهد فقط في بعض المعاهد تبدع في تعليم للكتابه والقراءه ولكنها تفتقر للأبداع في تعليمك لتحدث والعكس
اتمنى وصلت المعلومه
الاخت مس لاتفكري ولاتحتاري تعالي سياتل وخلصي امورك من هنا من سياتل ولاتحتاجين الذهاب والتعب والسكن والخساره في واشنطن العاصمه لكن عليك بتحميل جميع اوراق واثباتاتك ومستنداتك في سي دي او على فلاش ممري
اخيراً وليس بااخير
معلومه مرت عليه وحصلت معي اثناء سفري ووصولي للمطار لابد يكون عندك عنوان سكن هنا بسياتل لان يطلبونه منكم اثناء وجودكم في المطار مهم جداً جداً حصلت معي هذي المشكله وانا ماكنت لاحاجز ولا عندي سكن وجلست بسببها مايقارب 4 ساعات في المطار سين وجيم وليش وماليش وكيف وماكيف وكرت احمر وكرت اصفر ويعلم الله بهذا اللي صار معي في النهايه كادو باارجاعي على اول خطوط متجهه لسعوديه لولا الله ثم طالب سعودي فزع لنا ببعض المعلومات
ولكن ىانا ضد الحجر باالذات لشقق ضدهاً باالحيل لان الافضل والاصح تحجز شيء شفته بعينك واترتح له ليس بمجرد اطلاع عبر الانتر نت والصور الفوتغرافيه لانها لاتثبت الحقيقه ولكن قبل الاقلاع اذا احتجتو مساعده او عناوين ابشرو باالفزعه وانا ابو عبدالرحمن اذا ماساعاتكم من اسعد برد الدين لكم وبسوي كل اللي اقدر عليه
حتى لو احتجتو تصوير اوراق او اسكنر لاتخافون عندي طابعه مع اسكنر جايبها معي من السعوديه محتاط لأموري لاني عرفت الملحقيه راح تمرمطني حبتين لكن ربي ميسرها معي
واي خدمه واي سؤال انا حاضر لكم اليوم ودوم مدام الخير فيني
دمتم بوافر الصحه والعافيه
كفيت ووفيت اخوي عتيق لكن ماقلت
ليه الخطوط الاماراتية ماعجبتك وش سلبياتها اللي شفتها في الطيارة ؟؟؟؟
لاني ناوي اجي عليها سياتل وهي الخطوط العربية الوحيدة اللي يلها وجهة مباشرة من دبي الى سياتل ....
السلام عليكم ورحمة الله وبركاته
اخي مخترع البرائه شيء واحد يخليك تفكر الف مليوم مره
اخي الكريم يكفيك انك قبل الاقلاع باالطائره تتذكر ادعيه اسلاميه وانك تؤدي الصلاه بوقتها داخل الطائره يااخي هذا بحد ذاتها شيء عظيم
اللي يقول لك الخطوط الاماراتيه افضل انا هنا اسأله نيابة عنك ماهو الافضل راح يجاوب بااسرع مالدية الراحه في كرسي الطائره بقول لك وله كراسي الطائره السعوديه الدوليه هي نفسها التي في الطائره الاماراتيه وغيرها وهذي الخدمه تضاف للخطوط الجوية السعودية الفئة الجديد من الطائرات الدوليه وليس المحليه
الميزه الثالثه في الخطوط السعوديه انها ترانزيت على الولاية التي ترغبها لكن اذكرك من هنا لايوجد مكتب للخطوط السعودية بسياتل فلحظتها انك راح تنزل بواشنطن ومن واشنطن الي سياتل هذا عيبها الوحيد فقط
لكن الخطوط الاماراتيه ترانزيت من دبي الي سياتل وهي الميزه الوحيده الطيبه بها فقط لاغير
ناهيك عن البهذله والمرمطه في الفنادق الاماراتيه وحجر تذاكر السكن للفندق الذي راح تسكن فيه غير اول وصولك راح تنتظر مايقارب 3 الي 4 ساعات لكي تحصل وتوصل الفندق غير الانتظار في الفندق لكي تحصل على غرفه تنام فيها وترجع للمطار وتنتظر من 5 الي 6 ساعات وانت نائم على ارضية وبلاط المطار ووضعك تحزن عليه انت بنفسك
دمت بخير اخي مخترع
الف شكر اخوي عتيق
سيكون بيننا تواصل بالجوال باذن الله اول مايتيسر القبول وتطلع الفيز ونشد الشنط للسفر ...
دمت اخا اخوي عتيق
أشكرك أخي العزيز عتيق على تعاونك
الله يكثر من أمثالك
طيب يا أ. عتيق كم ضريبة المشتريات في سياتل وضريبة السكن .. وهل هناك ضرائب على السكن مع عائلة .. وان كان عندك خلفية عن ضرائب اخرى ليتك تفيدني فيها ..
وبخصوص التأمين الصحي اخذت من الملحقية ولا بتاخذ تأمين صحي لنفسك .. وكم التأمين الصحي ؟
مشكوووور أخ عتيق ما قصرت والله كفيت ووفيت والله يجزاك خير على مساعدتك للطلبة
بارك الله فيك يابو عبدالرحمن ،، يعلم الله ماشفت مثلك ناصح وناضج في الردود
واضح انك محب للخير وكلامك منطقي 100%
أنا مثلك شخص متزوج واب لأسره ولظروف ماقدرت أكمل الاجراءات في المرحلة الثامنة
لكن إن شاء الله راح أسجل بالمرحلة الجاية إن الله عطانا عمر وتسهلت الأمور ، وناوي على سياتل
أتفق 100% مع كلامك
وخاصه بجزأئيه لاتثق بكلام الانترنت ، فالكثير للأسف إن لم يكن 90 % يقدم نصائح مغلوطه لحاجه في نفسه ( بعضهم مايبغى يكثر السعوديين في معهده " وكأنه من حلال أبوه " فيبدأ يشتم ويسب المعهد ومن ثم ينتقل للمدينة ويألف قصص كاذبه ) وهذي صارت لي شخصياً كنت بأحد الدول ولما قريت عنها قبل ماأسافر كان الجميع يحذر من منطقه يقولون في شواذ ومشاكل ، رحت للدولة وللمدينة المذكروة يعلم الله أني ماشفت شاذ واحد بالشارع يمشي ، مع العلم أن أطلع آخر الليل بعد 12 بالباص وعلى رجلي ولا شفت من ربي شر
النقطه الثانية وهي نقطه السعوديين ،، اتفق مليون بالميه أن كل كان الان لايخلو من أي سعودي حتى لو ترفع حصاه في أحد الجبال راح تحصل سعودي تحته ، عمر هالنقطه ماتكون عائق
وأخيراً أقووول بارك الله فيك
الف شكر ابو عبدالرحمن .. صراحةً كلامك مفيد جداً
و انا حاطة سياتل من ضمن خياراتي ان شالله
بس حابة اسألك ..
1- الجو الممطر ما يطفشكم ! لأنو سمعت ناس تشتكي من هذا الشي
2- حكايتك في المطار عن انه لازم يكون عندك سكن
احس صعبة احجز سكن و انا ما شفته :/
ف ايش تنصحنا ؟ و هل عادي لو حجزنا فندق وقلنالهم اياه ولا برضو لازم يكون سكن دائم
.... الله يجزاك خير و يرزقك ويبارك فيك انت و عائلتك :)
السلام عليكم ورحمة الله وبركاته ...
يالغالي انا قررت اروح سياتل مع زوجتي ماستر تخصص علوم صحية ياليت يكون بيني وبينك تواصل
وبالنسبه لأسعار غرفه وصاله كم يجي .
تحيتي
ما شاء الله شكل اللي بيروحون سياتل هالسنــه كثيـرررر الله يزيدكم