ضمان مالي بغرض القبول

السلام عليكم ورحمة الله وبركاتة

الا اركب اقرب طياره وادخل عليه ودق خشمه علشان يعرف كيف يتعاامل مع الطلاب لا اوصيك بس موفق

السلام عليكم
أخي الكريم اللي اعرفه ان طلب الضمان المالي لغرض القبول ماله علاقة بدرجة الانجلش
يعني ترفع طلب ضمان مالي ومعلومات الجامعة وخلاص
وثانيا الطلب يروح لمشرفك موب للسويلم
هذا اللي صار معي يوم اطلب ضمان مالي لغرض القبول وطلبت أكثر من مره
ما كان لهم علاقة بدرجة الانجلش

وكمان في حل انك تقدر تعمل شهادة بنكية في السعودية باسم والدك أو اخوك وتقدمها للجامعة وتطلب القبول على اساس الشهادة البنكية
وبعد ما يطلع لك القبول ترفعه لمشرفك وتقوله ان الجامعة قبلتني وابي ضمان مالي
بالتوفيق يارب

الي اعرفة اني اقدم على طلب ][ ضماني مالي بغرض القبول ][ على اي جامعة براسي حتى وانا ما عندي لا ايلتـس ولا توفل ولا غيره ولا اي شي ويجيني على طول طلب اكثر من 15 ضمان وكلهم جوني
بس والله مستغرب كيف يرفضون ضمان مالي بغرض القبول
بالوقت الحالي انا نقلت ومشرفي تغير وحطو عندي مشرف سكران ما يدخل على البوابة الا بالليل ويشتغل المهم طلبته ضمان مالي بغرض القبول قالي ][ اول شي جيب قبول من الجامعة وبعدها اعطيك الضمان المالي ][ وانا يوم شفته ما يدخل الا بالليل غسلت ايدي منه مع ان الطلب موضح انه بــغرض القــبول بس الله يخلف على ملحاقيتنا والمشكلة المشرف هذا معقد كل الطلاب والسبب عدم المعرفه والله ما يفهم اكثر الانظمة ويوم طلبته واحد ضمان مالي للمهعد الجديد يقول ][ there is no new school ][ جملة غير مفيده ولا يعرف يكتب انقلش عنده اخطا سبيــلنق والمشكلة ان معاه شهادة دكتوراة والله ما ندري وش نسوي به بلشه وبلشنا والشعب الي عندي اكثرة موقفه اشغاله عنده

بضبط ماله شغل بالانجلش بس ما ادري ليش قالي المشرف كل ماترفع طلب ضمان مالي بغرض القبول لازم ترفق مع شهادة الانجليزي يقولي هذي هي تعليمات الدكتور سعد السويلم عشان يشيك على الدرجات

بعد ١٥ يوم بعد من اخر طلب رفعته سويت طلب من جديد بدون ارفق الشهادة الانجليزي قلت يمكن تمشي جاني رفض السبب يقول تعليمات السويلم لازم تعيد الاختبار والمشرف صار يعرفني زين

حسب الله علية متسلط علي

ما ادري وش اسوي اقدم على الجامعة بنفسي ابرك

ااه انا نفس مشكلتك تقريبا ، كل مااطلب ينرفض الطلب الله ياخدهم ومعطلين اليوم بعد .

د


والله ماله شغل يالذيب

بس مثل ماقالو السويلم يبيله دقة خشم الله يضيقك عليه ويضيق على كل واحد يوقف بوجه طالب

الامور كلها ع المشرف وقبل اسبوع طالب ضمان مالي لجامعه بنيويورك والحمدلله جاء ثاني يوم

حاول بمشرفك بس قولي مين المشرف حقك ممكن اساعدك

والضمان ماله دخل بدرجة الانقليزي