استفسار اريد السفر على حسابي الخاص لمدينة لوس آنجلوس .. وأحتاج معلومات وأرآء !

لوس أنجيلوس مدينة في الجزء الجنوبي من ولاية كاليفورنيا .
السكن مع عائلة ، تقريبا 900 دولار شهريا شامل غرفة مستقلة مع وجبتين .
الباص ، فيه بطاقة EZpass لكل شركات الباصات بحوالي 85 دولار شهريا .
التلفون ، أنا كان معي آيفون و أخذت من T-mobile شريحة مسبقة الدفع بـ 70 دولار تشمل تلفون مفتوح داخل أمريكا لأي شبكة و إنترنت جيل رابع مفتوح .
الطائرة ، لوفتهانزا الألمانية ( من أفضل ما يكون على حسب تجربتي ) من الرياض إلى لوس أنجيلوس مع توقف ساعتين في فرانكفورت ( الرحلة تقريبا 21 ساعة مع الترازنيت ) بـ 5500 ريال ( الحجز و الدفع عن طريق موقع اللوفتهانزا على الإنترنت باستخدام الفيزا ) .
الأكل و الشرب ، سندويتش الماك لوحده بـ 4 إلى 6 دولار . و احسب أنت عاد على طبيعتك أكلك .. و هذا في حالة إنه ما ناسبك أكل العائلة .
الكافي ، يمدحون قارورة النسكافيه و علبة النيدو من السعودية و بلا ستاربوكس و بلا فشخرة

المدينة رائعة ، و أنا سكنت في كالفار سيتي في الجزء الغربي من لوس أنجيلوس و كانت رايقة و هادية و مسجد الملك فهد يبعد عني ربع ساعة مشي .
لكن مشكلة لوس أنجيلوس غلاء السكن . و لذلك أتوقع أنسب شي هو العائلة ، إذا أنك مصر على لوس أنجيلوس . لكن إذا أنت من النوع اللي ممكن ما راح ينسجم مع العائلة ، فالسكن فيها غالي ، و قد تجد أسعار رخيصة نسبة للوس أنجيلوس و لكن لو تفكر في مدن و ولايات أخرى ممكن تلقى سكن طيب بسعر معقول أقل من لوس أنجيلوس .

فلو حسبناها ، و افترضنا صحة كلام الأخ bmw أن المعهد بـ 800 دولار شهريا ..
فـ 800 المعهد + 900 العائلة+ 70 التلفون + 85 الباص = 1855 دولار شهريا . قل تقريبا 2000 دولار شهريا ، للاحتياط . أي 8000 دولار في أربعة أشهر ، أي 30000 ريال .
أتمنى ما أكون نسيت شي ، و لذلك تأكد من المصاريف و الأسعار ، و لا تعتمد على الحسبة فوق .
و ترى ما حسبنا قيمة التذكرة ( 5500 ريال إلى 7500 ريال ) ، و حسبنا فقط المصاريف الأساسية و لم نحسب مصاريف كمالية أو ترفيهية .

على فكرة ، استخدم خاصية البحث في المنتدى . المنتدى الرائع هذا له فوق الخمس سنين و أظنها وصلت العشر ، و لذلك هناك المئات من المواضيع و الردود الرائعة و المفيدة .
فيه طريقة ثانية للبحث عن طريق قوقل ، و هي تكتب الكلمة اللي تبيها ثم تكتب جنبها مبتعث .

راسلني وان شالله ماراح اقصر معاك

اخواني الله يعطيكم العافية كيف طريقة السكن مع عائلة في لوس انجلوس انا راح اجي على السنة الجديده ان شاء الله ومحتاس ابي اجي على حسابي وبعدين انضم احد يقدر يساعدني بمعهد معتمد من الوزارة ويكون رخيص ومستواه جيد اكون له من الشاكرين