فقط لولاية يوتا أدخل وسجل خلونا نجمع أكبر قدر من المبتعثين إلى ولاية يوتا ^_^
فقط لولاية يوتا أدخل وسجل خلونا نجمع أكبر قدر من المبتعثين إلى ولاية يوتا ^_^
تنبيه: هذا الموضوع قديم. تم طرحه قبل 5717 يوم مضى, قد يكون هناك ردود جديدة هي من سببت رفع الموضوع!
قائمة الأعضاء الموسومين في هذا الموضوع
LinkBack URL
About LinkBacks-
7 " - اختي انا ماكان ودي اجيب لك اكتئاب بس هذا الواقع الي اشوفه كل يوم قدامي !7 "
هما بصراحه انا ماشفت عنصريه منهم ... ولاعمري سمعت بسالفه فيها عنصريه من الشباب يعني من الناحيه ذي تطمني ! بس فيهم عييييب انا اتكلم عن مدينتي يمكن لانها صغيره! انهم شعب منغلق يعني انا بعطيك مثال انا لي سنتين هنا قليل صادفت ناس من اهل الولايه نفسهم كل الي معااي مرة امريكان بس من ولاياث ثانيه او بالمختصر مو مورمن ! يمكن السولت ليك تفرق ! ويمكن لوقن بعد تفرق!
وبالنسبه للمسافه بين لوقن وسلت ليك يمكن ساعه ونص ! بس انا وفرق العاصمه عننا يمكن 40 دقيقه مو دايم اروح لها !
وبالنسبه للمواصلات من المطار عندك شيئين اول شي اسأل مكتب الطلبة الاجانب في الجامعه وشوفي اذا عندهم توصيل او لا ... لاني سمعت ان الجامعه الي في سولت ليك توصل الطلبه من المطار! جامعتنا مافيها... ولوقن مادري بس كلمي مكتب الطلبه الاجانب وشوفي !
اذا قالوا لك بعطيك معلومه راح تفيدك لبعدين ! في اي مطار في امريكا لاتأخذين تكاسي ولاتفكرين فيها لانها غاليييييه دايم اسألي عن الشتل shuttle هذي خدمة توصيل من المطار الى اي مكان ... طبعاً بسعر مررة ارخص من التكاسي ... يعني مثلاُ انا من المطار الى مدينتي يكلفني يمكن 35 دولار بالشتل .... وبالتاكسي يكلفني حوالي 80 او 90 دولار ومابينها فرق ..! ودايم تحصلينهم عن بوابات المطار الي تكون عند العفش وفي مطار سولت ليك لما تأخذين اغراضك وشناطك تشوفين مكتبهم !
ولو مافهمتي قولي وانا اشرح لكم اكثر !
لوقن انا مادري عنها كثير مع انها مو بعيده عننا بس مارحت لها ! بس في السولت ليك فيه عرب كثير خاصه اهل الشام لبنانين واردنيين وفيه عراقيين ! وفيه سعودين بس مو بذيك الكثره ... لوقن فيهااكثر سعوديين في يوتا كلها وفي سولت ليك فيه مطاعم عربيه بس يمكن ثلاثه انا اعرف
وفي بقالات عربيه يمكن اكثر من ثلاث وسمعت انه فيه اكثر بس ما اعرفهم ... طبعاً الي دايم اروح لها وفيها كل شي ... هذي بقالةواحد باكستاني وفيها كل شي ! يعني لاتخافين من الناحيه ذي كثير بس مطاعم مو مرة عربيه .. اي كلام يعني بس فيه المطاعم الهنديه قريبه مننا في الاكل يعني هذي بتكون احسن خيار لك
وبالنسبه للصاريف ... اول شي الرحله انتي تحجزينها من الرياض من مكتب الطيار .. طبعاً حوالي تحجزين من الرياض - واشنطون واجلي فيها يومين - الى سولت ليك .... لان في اليومين هذي لازم تخلصين اوراقك من الملحقيه ... طبعاً اول ماتوصلين مطار واشنطون راح تحصلين سواقيين الملحقيه سودانيين اتوقع المهم اول ماتأخذين اغراضك تحصلينهم هناك يسألون سعوديه او لا .. وطبعاً بيعرفونك من حجابك ... ويودنك الى فندق ... طبعاًالفندق على حسابك وانا اتذكر زماان انا دفعت 90 دولار لليله ... وارخص تطلع عليك لو حصلتي بنت ثانيه وتجلسون في غرفه وحدة لان هذا الي نسويه كل اثنين مع بعض وهم يقولون لنا سووا كذا .... ولما توصلين من بكرة الصباح يجي السواق ويأخذك الى الملحقيه وهناك يخلصون وضعك ... ولما بتروحين المطار سواق الملحقيه يودييك ...
وتوصلين مطار سولت ليك ومثل ماقلت لك تروحين للشتل طبعاً لازم يكون معااك عنوان الجامعه ... وقولي لهم اسم الجامعه وهم يوصلونك وقولي لهم ابي مكتب الطلبة الاجانب ... انتبهي انا نزلوني عن الجامعه ولا اعرف وين المكتب وجلست ادور ومعاي شناطي كلها لمدة اربع ساعات في الجامعه ادور المكتب !
وطبعاً انتي بتجيين في وقت برد وثلج ... رااح يكون مررررررة بررررررررد يعني اخذي احتياطك ! وبما انك جديدة ... يفظل تشترين ملابس شتويه تكفيك لمدة شهر او شهرين .. الين تعرفين الوضع هناك وبعدين تشترين ... كل شي عندهم بس انصحك جاكيتات اشتريها من السعوديه لانها هنا يعني مش ولا بد !
بس حطي احتياطك للملابس الشتويه بس مو كثيير الين تعرفين الوضع لان صدقيني اول الايام بتكونين حايسه يعني ماراح تفكرين في شي !
واذا عندك اسئله ثانيه انتي والاخوااان تفضلوا ترى .. انا من حسن حظكم كنت بس ادور في المنتدى وشفت اسئلتكم وتذكرت عمري قبل ما اجي هنا كان في بالي اسئله كثيييييييييره .... وحمد لله في ناس ماقصروا ....
المهم امروني وقولي كل الاسئله الي في بالكم .... بس اسئله عن التخصصات او مستوى الجامعات والله مادري غير عن جامعتي ! - ماشاءالله تبارك الرحمن فعلاااااا كثر الله من أمثالك7 "
من جدد ماشاءالله عليك ماقصرت وكفيت ووفيت جاوبت عن أسئلتي وأكثر
بصراحه مااعتقد انه بعد الشرح الوفي اللي حضرتك قلته حيكون عندي سؤال
بالعكس اتخيلت نفسي مكانك واتخيلت لحظه بلحظه
وبإذن الله أنا حأجي أنا وزوجي واحنا الاثنين حندرس بنفس الجامعه <<<< وبصراحه كل واحد فينا يحاول يجمع اكبر قدر من المعلومات
وعندي سؤال بسيييييط
اول مانوصل لوقن ضروري انه نروح للجامعه ولا انت رحت عشان السكن لانه الى الان
مانعررف اول كم يوم حنسكن في الجامعه ولا في فندق وغالبا فندق
لانه الواحد يشيل هم السكن ونظافته ومايقدر يشوفه ويعتمد عليه بمجرد اذا كان على النت <<< لمن تشوف بعينك يفرق
واذا عندك فكره عن السكن عموما عارفه انك محتقصرر <<<<< بس مو تقول زودتها وماتنعطي وجه
والله يعطيك العافيه ويوفقك وينولك اللي في بالك يااااااااااااااااااارب - انا افظل اول ماتوصلين للمدينة تروحين على طول لمكتب الطلبه الاجانب ومن هناك تخلصين اوراقك وتدورين لك سكن عن طريقهم ! بس فيه ناس تجي من السفر تعبانه ويحجزون موتيل جنب الجامعه ... يومين الين يحصلون سكن ... ويخلصون كل شي في الجامعه ... وانتوا بما انكم عايله فأكيد بتدورون لكم شقه فمعانته احسن لكم تأخذون موتيل وركزي على موتيل مو فندق خاصه اتوقع فيه بس مو متأكد موتيلات مشهوره في كل امريكا اسمها DAYS INN هذي رخصيصه ونظيفه وموجودة حتى في المدن الصغار ! يعني احجزي منها ودوري عليها اول ماتوصلين .... وبس معلومه للشباب الي بيسكن في سكن الجامعه يفظل من المطار الى مكتب الطلبه الاجانب ويسألهم من هناك عن الدورم وهم يحجزون له ... عشان مايدفع للموتيل وزحمه ... بس انتوا وضعكم غير اختي !7 "
المهم انا مادري الاخوان وين راحوااا احس عندهم اسئله كثيره بس اختفوا ..!
وانتي اختي ترى فرصه والله تحصلين واحد من اهل الديره يجاوب لك ... يعني وربي انا نااس ماقصروا معااي قبل سألتهم ولا بخلوا علي بشي ... وجاء اليوم الي لازم ارده للطلبه الجدد الي مثلك ! اسئلي عن كل شي عندك او خايفه منه ... او زوجك اذا عنده اي سؤال انا حاااضر - السلام عليكم والله الأيام اللي راتحت أنا أنشغلت ومشكور وما تقصر يا m a وأن شاء الله أنا جاي بأكتوبر يوم 10 وبالتوفيق أن شاء الله7 "
- الله يسهل عليك اخوي مقاوم ! بس كلمت مكتب الطلبة الاجانب عشان تعرف من بيوصلك من المطار للجامعه ....؟ خلصت السكن ..! يعني عرفت امورك كلها ! قولي انت وش سويت ماتدري يمكن تنسى شي واقدر اذكرك فيه ! قبل ماتجي وتتورط في امور انت في غنى عنها !7 "
على العوم الله يسهل عليك ويوفقك ... وان شاء الله ترتاح في سولت ليك ... من ناحية الراحه النفسيه صدقني بترتاح ان شاء الله في يوتا ! والله يوفقك اخوي والله الله بالدراسه والمذاكرة اليوميه خاصه في مرحلة اللغه .!
بالتوفيق ........ز واي سؤال انا حااااااظر .... - مرحبا m_a وماقول غير الله قوفقك ويكتر من امثالك7 "
بس انا مافهمت قصدك بالشتل دورت عنها في النت ومالقيت شي بس ابغا اعرف هيا زي التاكسي؟؟
بالذات اول مانوصل حتكون معانا الشنط؟؟
وبالنسبة للموتيل نقدر نحجز بالنت ولا نكلمهم ولا اول مانوصل نروحلهم عادي؟؟؟
مررره آسفه اذا كترت الأسئله بس انت كريم واحنا نستاهل
- اختي الشتل هذي موجودة في امريكا .. طبعاً يكون حجزها عن طريق المطار اول ماتوصلين تشوفين مكتبهم باللون الاصفر ... طبعاً هم بالضبط فانات صغار لونها اصفر .. تنقل كذا واحد الى نفس المدينة ... يعني شركة توصيل ولهم موقع في النت ... بس ماراح يفيدك شي الموقع لان مكتبهم راح يكون في المطار ..!7 "
وطريقة الموتيل .... الموتيلات عندك خيارين يا اما تحجزين من النت .. اذا كنتي عارفه وين الموتيل بالضبط .... او انك تروحين هناك وتحجزين على طوول ...من الموتيل نفسه ... طبعاً الموتيل اقل من الفندق مثل الشقق المفروشه عندنا في السعوديه ! - مشكووووووووور وماقصررت والله يعطيك العافيه7 "
انشاءالله ربنا يسهلنا امرنا ونوصل بالسلامه
وماأقووول غير الله يكثر من أمثالك - ماخدمت الا اخواني وخواتي ....7 "
وان شاء الله ربي يوفقكم ويسهل دربكم ... ... وترتاحون في المدينه ... والدراسه .!
والى يوم السفر لو عندكم اسئله تفضلوا ....
بس بصراحه ......( جات الحزينه تفرح .....)
ماكملت فرحتي بانه احد رد عليا من هناك لا كمااااااان جابلي اكتئااااااااااااب
وليش الله يهديهم كئيبين ومملين كدا؟؟؟؟
طيب هما شعب فرندلي ولا عنصرين كمان؟؟
والعاصمه نفسها سولت ليك كيف الوضع فيها برضو كئيب؟؟؟؟؟؟؟؟
مع اني رايحه انشاءالله لوقن
صح افتكرت في سؤال كمان
المطار في سولت ليك صح؟ طيب من العاصمه الى المدينه كيف تروح؟؟؟ يعني ايش المواصلات المتوفره؟؟؟
ايش كماااااااان؟؟؟ <<<<<<< نسيت الأسئله بأحاول أجمع
صح افتكرت فيها عرب كتير ؟؟ لاني ماسمعت احد راحلها ونادرا ماالاقي فمااعرف كيف وضعهم بالنسبة للحجاب تتوقع انه عادي ولا غريب عليهم؟؟؟؟؟؟؟"
والأكل فيها كيف وضعو في مطاعم عربية ولا سوبر ماركتات عربية ؟؟ <<<<<< شايله هم الأكل صح؟؟
وبما انك سافرت عن طريق بعثات الوزاره كيف رتبت وضع الرحله انت بنفسك ولا تركت الموضوع عليهم
وأساسا هما يتحملو المصاريف الين يوصلوك للمدينه ولا انت تتحملها
بصراحه انا خلاص باقيلي بس الفيزا انشاءالله واموري كلها انتهت وبأفكر في حجز الطيران والسكن من دحين عشان ارتاح
وفي سؤال مهمممم انا سألتو قبل كدا بخصوص الملابس الشتويه وكيف وضعها وابغا اعرف يعني اريح نفسي واجي اخد من هناك في عندهم شي مناسب ولا اعمل حسابي بكل شي من هنا
لأني بافكر اخد جاكت واحد وكم بلوزه صوف وبعدين اذا احتجت اخد من هناك بس خايفه اتورط وبضايعهم ماتعجبني
كترت أسئله بس ايش اسوي ماصدقت