شباب قراند رابيدز مشغن معهد ELS

مع اني عارف ان الموضوع قديم لكن بجاوب

قراند رابدز مدينة حلوة

وانا حالياً ادرس بنفس المعهد

والله الصدق ينقال المعهد لا يطاق أبداً

كلة سعودين وكلة عربي في عربي

يعني الي جاي يدرس لا يقرب والي يقدر يغير يغير من الحين

يعني الواحد جاي مغترب ماقلنا شي بس اني اجلس بفصل فيه 15 طالب 13 سعودي و2 صينين والي يقهر مايمديك تركز من الي يستخفون دمهم

إدارة المعهد مادية بكل ماتعنية الكلمة من معنى
اذكر مرة تأخرت يوم عن الدفع يوم كنت على حسابي

والله انهم مقعديني بالممر العالم خاشين فصولهم وانا بالسيب احتري سيدة الحسن علشان تجي وادفع لها والمشكله ماهو انا لحالي انا ومعي 3 سعودين , هذا مايعني انهم متحيزين ولا عنصرين لا بس اقولكم اننا سعودين مادفعنا << خارج الموضوع


بالعربي الي يبي يدرس ويشد حيله ويبي يتعلم لغه يدور ولاية ثانية ولا مدينة ثانية

بالنسبة للسكن

الشقق تتراوح اسعارها من 450 دولار إلى 700 دولار

الي بـ 450 دولار شقه فيها اربع غرف كل غرفه بحمامها وانتوم بكرامة
والباقي مشترك مثل المبطخ والغساله والنشافه << ذكرتوني عندي غسيل اليوم وناسية بقوم أحطه بالنشافه


والي بــ700 تصلح للمتزوجين

لانها شقه مافيه معك الا زوجتك او انت ونفسك فيها غرفتين وحمامين الظاهر او حمام

ومطبخ وصاله



بالنسبة

للسكن مع عائلة

انا سكنت اسبوعين عند عائله

لكن ماحتاج اسكن معهم

يعني بالعربي اذا انت تعرف تتكلم انقليزي يعني ماعندك مشكله بالكلام اسكن لحالك

واذا انك ميح انصحك انك تسكن مع عائله وكل واحد وله رآئية الشخصي .

صح بغيت انسى ...... المعهد معهد تطوير لغة يعني لاتجي ميح وتبيهم يعلمونك A,B,C....... انا اشوف كثير من الطلاب يعانون
لانهم ميح

يعني شدو حيلكم قبل لا تجون

والله يعين الجميع

هههههههههههههههههههههههههههههههههههههههههههههههههه ههههههههه

ااه يا قلبي يقولون فتحوا مطعم يبيع فلافل ههههههههههههههههههههههه

ياخي معهدكم ذا سمعته مو سيئه الا زفت الله يعينكم ههههههههههههههههههههه

ياربي بس ما اقدر واحد من طلابكم وراني صوره لطلاب المعهد كلهم سعودييييييييييييييييين الا واحد كوري

الا من جد انتم جيتم قراند رابدز بفيزه والا ببطاقة احوال ههههههههههههههههه اللهم لاشماته

يا شباب خوفتوني

وانا ماعرف شي

المعهد اللي تتكلمون عنه هواللي بـ Allendale

والمشكله كيف اغير وانا ضمن المرحله الخامسه وهم اللي وضعوني بالمعهد

لا يهمك شي اخوي..
الي بيدرس راح يدرس
حتى لو المدرسين سعوديين بعد ..
هذا شي انت تتحكم فيه مو المعهد او المدينه او سكانها..
الله يكون بعوننا ويااك..
انا مثلك ان شاء الله رايح قرااند رابيدز..
والله يكون بالعوون..

السلام عليكم ورحمة الله وبركاته


اخوووي توكل على ربك وان شاء الله بيسهلها


انا طالع للدراسة في المعهد نفسه بشهر فبراير 2010


دعواتي للجميع


نتقابل هناك ان شاء الله


على فكرة اعررف زملاء هناك ويمدحون المدينة