جميع استفساراتكم عن Michigan State University هنا ،،

انا ما ابي الا شيئين فقط انتم وش تقدمون للطالب المستجد اللي توه جاي وخاصه من معه زوجة

والشي الثاني انا ادور سكن لكن ما اعرف المنطقة وودي تعلموني وشي المناطق المناسبة للسكن بنفس الوقت تكون قريبه للمعهد

طال عمرك اللي يجي نحاول نستقبله او ندله على اسهل طريقه عشان يوصل للمدينة
ونعطيك اسماء الفنادق اللي حول الجامعة مؤقته الى ما تلاقي شقة

اما السكن خلال اسبوعين راح يكون فيه بالموقع لستة تشمل الشقق اللي سمعتها زينة ،، مع تفاصيل قد ما نقدر مثل صور ، اسعار ، عنوان ومسافة عن الجامعة ، وطرق توقيع العقد عدد شهري او سنوي

واذا عندك اي سؤال تبغى جوابه بالتفصيل او ما افدتك فيه تراسل الايميل وان شاالله يردون عليك بأقرب وقت ممكن

بالتوفيق

السلام عليكم

اخوي ثامر كيف سكن الجامعه ؟

فيه شي مخصص للعوائل. واذا كنت تعرف الاسعار.

وشاكر لك

عليكم السلام ورحمة الله

سكن الجامعة حسب الشخص يتقبله أو لا
فيه بعض المباني حسب كلام الأغلبية تكون مو زينه وبعضها العكس

للعوايل اللي عرفته لك أنو فيه شقق ملأصقه للجامعة وأسعارها بين 600-800 دولار

يعني السكن يكون تبع الجامعه يعني اذا حجزت لي سكن وقلت ابغى عوائل بيعطوني هذا؟؟؟؟

هو كان يتكلم عن سكن له هو و عائلته ،، مافيه سكن عوائل فقط تابع للجامعة

سوالي لو سمحتوااا انا على قرابة الثلات شهور الاخيرة فى مرحلة اللغة قسم تسويق بكندا وحابة اكمل الماستر فى هالجامعة وسؤالي هل هي بدون جيمات وهل فيها بري ماستر لانة تخصصي فى البكالوريس لغة عربية وانا جبت للان 5 نص بالايلتس ممكن احصل قبول فيها وتنطبق الشروط عليه الرجاء مساعدتي وجزاكم الله خير

حسب تخصصك ومعدلك بالبكالوريس يتم اعفائك من الجيمات او يكون مطلوب منك ،، الغالب يكون مطلوب وهالشي تتاكدين منه مع كليتك نفسها بالجامعة
البري ماستر ما فهمته ،، ياليت توضحين اكثر الفكرة

اللغة مطلوب بالايلتس 6.5 طبعا لو ما جبتيها يحولونك للمعهد تختبرين اختبارهم ومنها يتحدد اي مستوى تدخلين
بعض التخصصات بدرجة الماستر تسمح لك تخلصين من المعهد وتبدين مباشرة ،، وبعض التخصصات تطلب منك حتى بعد الانتهاء من المعهد درجة توفل او ايلتس
وهالشي مرة ثانية ما راح يعطيك الخبر الاكيد فيه الا الكلية نفسها

بعد ما تراسلينهم وتعطينهم اوراقك تستفسرين عن هالشيين وهم يبلغونك ،


بالتوفيق

السلام عليكم

انا عندي قبول مشروط في جامعة grand valley state unversity والمعهد els

لكن ناوي احول الى michigan state unversity لكن ما ادري يعطون قبول مشروط من معهد els او لا

واقدر مثلا اذا ما كانوا يعطون قبول مشروط اجيب التوفل واسجل فيها

ارجو الافادة وشكرا

اخوي وش صار على الموقع لانه خلاص انا ما بقالي الا اسبوعين واجي ياليت تقولنا وش صار عليه