جميع استفساراتكم عن Michigan State University هنا ،،

طيب انت لما درست في المعهد كيف كانت لغتك واي مستوى دخلت وكم قعدت معليش ابثرتك بالاسئله بس تحملنا

طيب سؤال
كيف مستوى الجامعة قوية ولى متوسطة ؟؟

نواف

تقدر تقول اني كنت افهم نص نص ولا اعرف ارد ،، يعني شي يمشي الحال
تركيب جملة ما كنت اعرف صراحه ،، جيت على المستوى الثاني ما فادني ،، الثالث علمني القواعد واستفدت منه ،، الرابع كان مركز عالكلمات ،، والخامس على الكتابة الجامعية
كلهم يعلمونك كل الامور ،، لكن في كل مستوى بالنسبة لي هذا كان التركيز

فتافيت

الجامعة من اول 100 جامعة على مستوى العالم
تعتبر من اقوى واعرق الجامعات في امريكا ،، والمعهد مثل ما سمعت من اقوى ١٠ معاهد

ممكن احصل بالجامعه تخصص اداره اعمال .. وهل يتطلب توفل وجيمات؟

وتخصص قانون وتسويق للبكلوريوس ايش شروطهم ؟


اللي لهم تجارب بالجامعه ياليت يذكرونها عن كيفيه تدريسهم وصعوبتها والمدرسين اذا بيرفكت

محتاجه كثييير معلومات عشان تتضح الصوره عندي ؟




شي أخير اشوف بالمنتدى ناس تحكي عن جامعات حكوميه كيف يعني حكوميه ؟ هل ندفع قيمه الدراسه فيها والا لا

طيب اخوي كيف اقدم على القبول المشروط ؟
اعبي ابليكيشن المعهد والجامعه ولى كيف ؟؟؟

وش عقبه

فيه لستة التخصصات حطيت رابطها من قبل ،، اي تخصص تبين تبحثين عنه ممكن تحصلينه هناك
واذا مو موجود معناته ما يدرسونه هنا

البكالوريس شرطه انك تجيبين توفل او ايلتس ،، او انك تخلصين اللغة في المعهد التابع للجامعة

الجامعة سهلة اذا بتدرسين ،، بس لازم تشدين
والمدرسين الحمدلله كفاءات عالية

حكومية يعني تتبع للحكومة الامريكية وماهي تابعة لاشخاص بعينهم ،، ومنها الجامعة Michigan state uni .
اذا انتي عالبعثه لا ما تدفعين

فتافيت حلوه

طريقته انك تقدمين عالجامعة بس وتعطينهم كل الاوراق المطلوبة
وتوضحين لهم انك جاية عالمعهد قبل دخولك للجامعة
راح يرسلون لك ابليكيشن المعهد ويطلبون منك "هم" انك تعبينه
بعدها ترسلينه لهم وان شاالله يجيك قبول عالثنين

غالبا قبول المعهد راح يجيك اسرع من قبول الجامعة ،، الجامعة يطول احيان


بالتوفيق

جزاك الله خير اخوي

اسمحلي بتعبك معي ..بسال كم سؤال يمكن قد جاوبت عليها
بس صعبه ادور عليها مره ثانية انا اتاسف منك ..

اول شي
كيف طبيعة المدينة من ناحية الاجواء والمعيشة والاسعار
صالحه للدراسه وللتنزه في الويكند .. يعني مافيها ازعاااج وضجه

افضل الجامعات اللي تكون مشروطة والتخصص اجهزه طبيه

شاكر لك تفاعلك الله يجعلها في موازينك

i3boodi

الجو حار بالصيف ،، واللي يبتدي تقريبا من may وينتهي في منتصف august ،، وبعدها الاجواء تكون حلوة الى منتصف شهر november وبداية december
ويستمر من هالتاريخ البرد "ثلوج" الى شهر April ،،

صالحة للدراسة: جدا
التنزه : مشكلتها انها صغيره "مافيه اماكن ترفيه كثيرة" ،، وشي ثاني الجو ما يساعد ،،

ازعاج مافيها ابدا ،، هي مدينة قائمة على الجامعة

List of Majors and Colleges | Michigan State University Office of Admissions

هذي لستة التخصصات
تشوف اذا تخصصك موجود واذا ماستر ولا بكالوريس وتقدم وان شاالله خير ،،

بالتوفيق

يعني بشكل عام الجو حلو ولاماله داعي ؟
اقصد للدراسه .لان فيه مناطق اجوائها مب اجواء دراسه

شي ثاني انا ما اقصد سياحه وترفيه على مستوى..لا اقصد يعني في الويكند تقدر تغير جو ولامكتووومه

ثالث شي طبيعة السكان؟ زنوج ولا مكسيك ولا وش بالضبط؟ فيهم عنصرية ؟ ولا شعب حبيب

رابع شي قريبة من الملحقية ؟

آخر شي اخوي لاهنت ابحث عن تخصص اجهزه طبيه -او-(معدات صحيه) بكالوريوس
دخلت وماعرفت شي

اسف كثرت عليك يالغالي والله يكتب لك الاجر

الجو الدراسي حلو وجدا مناسب ،، والجامعة فيها كلشي تحتاجه دراسيا
الويكند تقدر تغير جو لكن خياراتك قليله ،، يعني حسب انت وشخصيتك وش تفضل وين تروح وكذا
المدينة فيها مجمع واحد صغير ،، وفيها نشاطات كثيييرة بالجامعة اذا ودك تشغل نفسك فيها

ما عندي احصائية دقيقة لكن غالب السكان من الامريكان البيض ،، وفيه اصول وفيه جنسيات كثييرة بالجامعة
ابدا مافيه عنصرية ،، صار لي فوق سنتين والى الان محد تعرض لي الحمدلله

الملحقية في مدينة واشنطن ،، تبعد ما يقارب ١٠ ساعات سيارة


بالنسبة لتخصصك ،، عشان ما اعطيك معلومة غلط ،، ياليت تجيب لي اسم التخصص بالانجليزي واتاكد لك منه

بالتوفيق