أستفسار:اي طالب ماستر تسويق +سكان نبراسكا ممكن خدمة !

مشكلة قاعد أكتب نص ساعة وبعد ماحطيت اضافة قال انت ماسجلت دخول وضاع الكلام كله
التكنولوجيا أوقات تقهر
عموماً موضوع التخصص حسب علمي فيه ناس كثير يغيرون تخصصاتهم وعادي وانتي تقريباً ماتعتبرين غيرتي تخصص يعني بشكل عام الموضوع ما اعتقد انه مشكلة
أنا في مدينة لنكن العاصمة وأوماها أكبر وبينهم ساعة بالسيارة تقريبا, نفس الجامعة يعتبر لها فرعين في المدينتين لكن جامعة لنكن هي الأساس , أنا تخصصي بزنس ورحت للقسم اسألهم عن القبول المشروط, قالوا مانعطي قبول مشروط ونموذجك مانطالعه لحد ماتحط لنا فيه درجة التوفل وGMAT يعني القسم عله ومتشدد شوي عشان كذا أفكر أغير المدينة , المدينة آمنه جداً والشعب لطيف ومريحه نفسياً , أماكن الترفيه في لنكن تعتبر قليلة لكنها أكثر في أوماها بحكم أنها أكبر, جامعة لنكن فيها ماستر تسويق و90% جامعة أوماها أيضاً وعشان تتأكدين ادخلي موقع التعليم العالي وحددي ولاية نبراسكا وراح يبين معك كل الجامعات وابحثي عن التخصص.
أتمنى أني افدتك واذا فيه اي شيء زيادة تفضلي

يعطيك العافيه يا اخ نبراسكا ما قصرت ....

بس جامعة نبراسكا اوماها ما فيها تخصص تسويق حاف بس فيه اداره اعمال مع تركيز يا محاسبه او ادارة مشاريع او ماليه

وانا مالي في الماليه وموادها ما احبها ابد وفيه جامعه كرايتون بعد مافيها تسويق حاف بس فيه ادارة اعمال مع ادارة الاستثمار وشي

ثاني بعد نسيته بس ماابيه انا ودي بادارة اعمال مع تخصص تسويق اضرب عصفورين بحجر !

فشكلي انشالله اذا عدينا مرحلة اللغه وجبنا الجيمات الله يعينا عليها رحت فرع لنكلون ويارب يقبلووني

مرره حاابه ادرس بهذي الولايه الله يكتب اللي فيه الخير واللي عنده بعد اضافات ياليت مايبخل وشكرا.