رسالة الى مبتعثين جامعة تكساس في ارلنجتون

August 17th, 2008, 06:18 AM

اخواني واخواتي المبتعثين الى UTA
السلام عليكم ورحمة الله وبركاته
الحقيقة انا اول مرة ادخل الموقع والصراحة السبب الرئيسي هو اعطاء فكرة للطلاب المبتعثين لتكساس ارلنجتون وذلك لأن هذه المنطقة غير مشبعة في الانترنت والمعلومات عنها بسيطة وهذا لايعني اني راح اغطيها كلها لكن لعل الجزء الي اطرحه انا يكمل بعض المعلومات الناقصه .
المهم المنطقة جوها قريب من جو الرياض الا انها مليانه بالنباتات الى حد ما وجوها اجمل الشي الثاني المنطقة مليانه بالأجانب يعني الي يجي بينصدم بان الأغلبية مو امريكان.ثالثا بالنسبة للسكن المنطقة الي مايعرف احد فيها بيدوخ بس نصيحه لأي احد يجي لا يسكن في فندق بركواي ان لأن الي يشتغلون فيه هنود مجوس قليلين ادب لأبعد الحدود يعني لو يجي واحد حار ماراح يستحمل اسلوبهم يعني انه ممكن يرجع للسعودية في نفس الأسبوع لأن شبابنا نو ويه يسكتون لهندي وبيدبغونه.بالنسبة لي انا سكنت في سكن الجامعة صحيح غالي شوي بس امن ومسور ومرتب وجميل خاصة انه جنب الجامعه ويطل على الحديقه الي جنب الجامعه لكن الهدف الأساسي لسكني فيه هو انه امن ...المدينة ماتنفع بدون سيارة يعني لابد انكم تحطون السيارة في مخططكم لأن مافيها باصات ولا وسائل نقل والتكاسي غاليه مع ان كل شي يبعد عن سكن الجامعه خمس الى عشر دقايق بالسيارة مثل البنوك عشان تفتحون حسابات والول مارت لشراء المستلزمات الى انهم جدا غاليين....المدينة جدا هادية والجامعه الى الأن ماتأكدت بس على حسب كلام الشباب ان تصنيفها عالي في الهندسة وادارة الأعمال ....طبعا الي يشوف الجامعه مايصدق انها امريكية من كثر الطلاب الهنود والشرق اسيويين بس ترا الجامعه جدا يمدحون فيها واكيد الموقع هنا مليان معلومات عنها.
في الأخير بالنسبه للطلاب الي جايين قريب ويبون مساعده وبالذات المتزوجين والي جايبين زوجاتهم واطفالهم معهم هذا ايميلي لايترددون ولايخجلون ولا راح يتمرمطون ويتعبون مثل ماتعبت انا وزوجتي يوم جينا.(تم حذف الإيميل لأن عرضه مخالف لشروط المنتدى)
تحياتي للجميع,,,,,,

• نشر عبر تويتر
• نشر عبر فيسبوك
• نشر عبر جوجل