خلاص راح افتح قلبي واقول لكم...

قاعده اكتب الرد وفجاءة مدري ايش سار في الصفحه وراحت

المهم ياسيدي ولا تزعل نفسك واللي راح راح نحنا اولاد النهاردة (متأثرة بفيلم مصري )

انت مو اول ولا اخر واحد بيحصل معاه كده ..لا تحبط نفسك ..لكن ابغ اقولك شي لازم تكون مقتنع انك تقدر ان شاء الله تتعلم اللغة وتحاول وتدعي ربنا يعينك ..يعني لازم يكون عندك قناعة انه حاتتعب شوية في البداية لكن بعد كده ان شاء الله زي غيرك ماسار بلبل حاتسير زيه معليه ايش ينقصك يعني؟؟؟
ومااعرف حكاية المدرسين انك تجيبهم في البيت احس ممكن تخليك تكره اللغه شوية لأنك تحس كأنك في المدرسة ..وبصراحه دراسة اللغه في المعهد غييييييييير ممتعه جدا جدا ..يعني لو لسه عندك وقت قبل السفر روح معهد في السعودية كويس ..ولما توصل على خير ادرس فكرة انك تسكن عند عيله ..كتير كانوا ميح لكن سكنهم عند عيله ساعدهم كتير في المحادثة ...

اتوكل على الله وسافر ..دي فرصه ..لاتضيع الفرصه وبعدين تندم ..
ولو انت تحب القرايه اقرا كتب اللي تساعد على تطوير الذات ..زي كتب للمؤلف انتوني روبنز من مكتبة جرير ..او اسمع لطارق السويدان صناعة النجاح او كده ...مدري احس انها تحمس شوية

وربنا يسهلك كل امورك

أول شي بصراحه..أبغى أهنيك على عزيمتك واصرارك على التعلم وهذا شي رائع ويبشر بالخير..
وصدقنــي ماأقولك د الكلام عشان أشجعك بس أقوله عن يقين حيجي اليوم الي تتكلم فيه انجليزي وتختفي كل مخاوفك..وراح تتذكر الأيام الماضية وتضحك على نفسك..

أنا بقولك شي..أنا من صغري أحب اتعلم واعشق شي اسمه تعلم لغـات واكتشاف ثقافات جديدة..ودخلت مدارس خاصة ودرست الانجليزي كمادة مو كل المناهج بالانجليزي..من التمهيدي لين الثانوي.وبحياتي مادخلت معهد لغة..غير اني كنت احب اتفرج عالبرامج الأجنبية والقط الكلمات.ومع السفر والاختلاط بالناس.ولمن دخلت الجامعه دخلت تخصص انجليزي..ونجحت فيه الحمدلله وكان أكبر تحدي لي لانه كل الكتب بالانجليزي ومن جامعات عريقة من كامبريدج البريطانية وغيرها..باختصــار أقولك أهم شي عندك رغبة وعزيمــة هذا بيذلل كل الصعوبات الي تواجهها..يمكن ببريطانيا ماستفدت أولا لانه المدة غير كافيه..شهرين ..ثانيا:بصراحه بريطانيا كلغة ماادري مااحس فيها بساطة ومرونة في التدريس مثل امريكا..يعني لو رحت هنـاك واخدت حق 6 شهور ولا سنة حتى ..صدقني بتستفيد وبتكون أحلى تجربة لك..

أخيرا بقولك نصيحة من أخت: اذا تبى تتعلم انجليزي وهادي قالوها لنا الاستاذات مية مرة ..تعلم اللغة يعتمد على 4 نقاط..سمـاع-قراءة-تحدث-كتابة.
وانتى أبدا بأول 3 نقاط بالتدريج والاخيرة لاحق عليها.. يعني ابدأ اتفرج على قناة بي بي سي البريطانية حتى لو مافهمت ولاكلمة..عارف ليه لانه حتتعلم منهم كيف نطق الكلمات النطق الصحيح..مع الوقت ولمن تقرأ كلمات جديدة خلي معك المترجم الالكتروني حيفيدك كتيير..اي كلمة جديدة حط تحتها خط ومعناها جنبها..مع القراءة باستمرار..ومشاهدة البرامج والأفلام المترجمة حتعرف كلمات كتيييرة..وبالنسبة للقراءة ممكن تقرا جريدة بالانجليزي..او قصص صغار انجليزية..وفي رويات لشكسبير وأمثاله مترجمة كل صفحة قبالها صفحة الترجمة..تلاقيها في مكتبة جرير..مع الاستمرار حتتعلم..ولو في أحد ممكن يتكلم معاك انجليزي..يكون افضل عشان تبدأ تمارس اللغة ..اهم شي الاستمرار والممارسة..عشان لاتنسى..ولو بدأت تطبق الي قلتلك عليه قبل ماتسافر تدرس..حلو حيكون عندك خلفية طيبة عن اللغة..والله يوفقك..

don't worry man,its matter of time

just do your best ...i wish all the best for you

!! good luck*

قل اميييين الله يصلح قلبك يا ATH الحين اقولك ما اعرف شي وتجي تقولي بالانجليزي

انصحني الله يوفقك بالعربي مافهمت شي بليزززززززز ابي ردود تشرح صدري

اخوي محتاج
اضفني على الايميل وطبك عندي
انا اوريك يالخواف
ههههههههههههه
لا تخاف امزح معاك
بس ان شاء الله ما اقصر معاك
zeezo36 على الهوتميل

انا اشكر جميع اللي ردوا واكرر شكري لهم من جديد

لكن توقفت الردود ليه محتاج لنصايحكم اكثر واكثر

الله يوفقك جميع اللي ردوا لما يحب الله ويرضى
وياررررررب تتوفقون بدراستكم يارب
انتظر ردودكم عن قريب

اخوي الكريم مشكلتك المعظم يعاني منها ولكن لا نستطيع ان نتوقف عند اي عقبه بل يجب ان تصر واذا اصريت ان تتعلم اللغة ولغيت من فكرك انه مستحيل تتعلمها وتجيدها راح تنجح وتنفتح الدروب بطريقك
انت ماينقصك شي الا انك تشيل الفكره من راسك لاني انا كنت مثلك شايفه نفسي ميح باللغة بس بعد ماقدمت بالبعثه اصريت انها ماتكون هيا الهاجز الي يمنعي احقق طموحي وبالعكس لمن حطيت الشغله براسي وجدت اني غلطانه بالعكس في براسي كم كلمه واعرف القواعد واعرف كم جمله اعرف انه مافي شي مستحيل
فشد حيلك وشيل كل ماهو يعكر عليك ويوقف بطريق مستقبلك و باذن الله موفقد
تمنياتي لك بالتوفيق

الانسان ما يولد عارف

تأكد قد ما تخطي بيكون ابداعك بكرة

بس لا تكون يائس ومحبط

واللغة يبي لها اجتهاد وصبر وتطبيق وقبل كذا والاهم يكون عندك ثقة بنفسك أكبر من كذا

ربي يوفقك ويكتب لك الصالح

الله يجزاك الف خير يا ابوي وماقصرت وكلكم وربي كلامك احطه تاج على راسي الين اظبط اللغه وماخسر من استشار .....
ومازلت انتظر ردودكم الاكثر من رائعه ...... وشكررررررررررررررا

اسمع وانا اخوك اللغه سهله لكن يبغاله وقت
اول شي عليك بلاستماع يوميا من 3 ساعات الا 6 ساعات
مارح اقولك تفرج اخبار لانك بتطفش
خذ هذا الرابط
http://www.americanradioshow.us/listen.html

واكيد مارح تفهم ولاشي بس بعد 3 شهور رح تحس بنقله كبيره

وبعطيك موقع موقع قصص ومقالات تقدر تسمع وتقرا في نفس الوقت
http://www.voanews.com/specialenglish/

استمر على الي قلته لك وشد عزيمتك ولاتستعجل

والله يوفقك