May 27th, 2009, 02:54 AM
السلام عليكم ورحمة الله وبركاته
كنت ادرس بره قبل كل شي , حبيت انضم لكم في هالملتقى الرائع الذي يجمع اخواننا المبتعثين واخواتنا المبتعثات من بني جلدتنا واسأل الله ان يوفقكم لما يحبه ويرضى : ) وماشاء الله تبارك الرحمن لاقوة الا بالله
سالفتي , بإمكانكم تقولون عنها تالفة , لكن انا أشد وأقول بل قمة التلافة انا درست الثانوية ومن خريجي عام 25\26هـ
كنت ادرس بالثانوية , قبل ايام الاختبارات دخلت موقع وزارة التعليم العالي وقالوا انه نسبة الثانوية المطلوبة للابتعاث هي 80% فما فوق ومعدل القدرات 60 فما فوق
فخلصت الثانوية بنسبة 89.31%
المهم خلصت الثانوية , فرحت فرح عظيم , قررت اني ابتعث بعد ما اجتاز اختبار القدرات
اختبرت القدرات وخذيت معدل 68
بعد كذا , دخلت موقع وزارة التعليم العالي حتى ابحث عن طلب نموذج تعبئة , فقرأت الشروط المطلوبة مرة اخرى , ففجأة لقيتهم مغيرين النسبة المطلوبة للثانوية المعدل المطلوب للقدرات
قالوا لازم تجيب 90% بالثانوية , و75 بالقدرات
فإنطبق علي مثل يا فرحة ما تمت بمعنى الكلمة قاللي ابوي الله يحفظه ويطول بعمره مومشكلة نبتعثك على حسابنا الى أرخص جامعة تكلفة , لكن للاسف ماهب ارخص مثل ماحنا نبيها او نتوقعها
قررت ادرس بالجامعة الاسلامية العالمية بماليزيا
سجلت فيها ودخلت اختبار التوفل الانجليزي فخذيت المستوى السادس
درست الانجليزي ثلاثة اشهر , فاختبرت التوفل مرة اخرى وخذيت نفس المستوى السادس لانه كان عندي ضعف بالإنشاء Essay , فدرست ثلاث اشهر اخرى فدخلت الاختبار فإجتزتها بفضل تعلّمي بـ Essay يعني كذا صاروا 6 اشهر في اللغة الانجليزية
فدخلت للتخصص اللي اخترتها وهي تقنية الاتصالات والمعلومات Information Communication Technology ودرستها لمدة 4 اشهر واسبوع
ثم وقفنا للعطلة الخاصة بالمبتعثين كانت مدتها شهر , فكرت اني ارجع اقعد عند اهلي بديرتي ثم ارجع اكمل بالجامعة , لانه كانت معي تذكرة العودة حقة السفر
بذاك الوقت كنت مُفلس مادياً , فقلت للأهل يرسلولي فلوس عن طريق ويسترن يونيون
فقالوا مايقدرون يرسلون اي شي حالياً لانه صار مع الاهل ظرف طارئ جداً جداً جداً , وماقالولي الا بذاك الوقت للأسف , وهالظرف خلاني اكنسل دراستي كلها وارجع لديرتي
فللأسف الشديد , كنسلت الدراسة ورجعت للديرة
حسيت باليأس , فقلت بدرس باحد كليات خدمة المجتمع , مثل الكلية التقنية وماشابهها
دخلت احد الكليات بالواسطة لكنهم دخلوني بتخصص من اختيارهم هم وبالغصب , انا كنت ابي ادرس قسم حاسب آلي لكنهم دخلوني قسم كهرباء تخصص قوى كهربائية وانا ماعرف شي عن هالتخصص ولاهب من موهبتي , درست سنة وانفصلت بسبب نزول المعدل
كذا ضيعت سنة بالكلية , فقررت ارجعلها وادرس بحسابي والتخصص اللي ابيه قسم حآسب آلي تخصص دعم فني
فدرست سنتين وهذي السنة الثانية وآخر سمستر لي لكن المعدل يفتح الله حالياً معدلي 2.54 من 5 , معدلي زفت بسبب عدد الساعات والمواد الكهربائية اللي حملتها بالسنة الضايعة
فمادري هل اذا خلصت الدبلوم راح احصل على معدل سنع رغم اني شاد حيلي بالمواد اللي لها عدد ساعات اكثر من غيرها ولا لا؟ وانا دايم اجيب معدلات رائعة بالمواد من بين (4 إلى 5) من 5
وبس حالياً متحير وللحين يائس
والله اني شاطر بالحاسب الآلي كثير حتى اني اجمع مصروفي الخاص بتصليح الكمبيوترات وكل مايختص فيه بإتقان , أي شي يختص بالكمبيوترات علي انا وانا متوكل على الله
مهب بس بالتصليح , حتى استعمال انظمة تشغيل غير الويندوز كاللينوكس والماك والسولاريز , يعني خلفيتي بالكمبيوترات كبيرة , اقولها بشهادة معارفي وليس بشهادتي
إعذروني اذا طولت لكن والله حُرقة فيني , تعبت وانا اكبت هالاحساس , ضيعت 4 سنوات وبهالوقت المفروض مخلص جامعة طبيعياً
ابي ارفع راس ابوي واهلي وجماعتي وانفعهم قبل ما انفع نفسي , لكن مادري وش اسوي والله المستعان ولا حول ولاقوة الا بالله
: (
May 27th, 2009, 02:54 AM
مهب بس بالتصليح , حتى استعمال انظمة تشغيل غير الويندوز كاللينوكس والماك والسولاريز , يعني خلفيتي بالكمبيوترات كبيرة , اقولها بشهادة معارفي وليس بشهادتي