إلى المستشار بخصوص طلاب البكالوريوس ببرطانيا الموجودة ملفاتهم بجلسة 169

ياخوي انا رايح لهم قبل ثلاث شهور ورفضو يعطوني ضمان
ومعاي امر اركاب بعد يعني شي مب جديد على المكي

صحيح المنتدى صار مرتع للاشاعات وكلام مخيف احنا في غنى عنه الحقيقة ومن توكل على

الله فهو حسبه ومدام انك عن طريق هذا الانسان الطيب اللي الجميع يشهدله بالخير فلا يخاف ان شاءالله

ويتفائل بالخير سواء بكالريوس ماجستير اي كان بريطانيا او غيرها هذا استثناء بينما قرار الوزير

عام وليس معناه خلاص حتى اللي الدكتور معطيهم اوامر ينطبق عليهم هذولا مستثنين واعتقد هاذي

بين الوزير والدكتور يعني الدكتور من يوم القرار يمكن ما صرف تذاكر لبريطانيا لكن اللي صدرلهم

تذاكر كلهم اكاد اجزم قبل القرار فيعني مالهم دخل بالقرار ولا يخربط عليهم ويحوسهم والدكتور ان

شاءالله ما صرف لهم تذاكر الا يبي يلحقهم وهو يعرف كيف يدبرهم اما كثرة الكلام والاشاعات اللي

لا تودي ولاتجيب تتعب الواحد نفسيا وذهنيا من غير فايدة وكل انسان يدعي ويتوكل على الله ما دام

ان الدكتور وجه على نموذجه ووقع وصدرت له تذكرة فخلاص ان شاءالله وضعه سليم ولا يسمع لكل

ما يقال فزي ما قال احد الاخوان قضايا فردية لا تعمم على الجميع ويسروا ولا تعسروا وتوكلوا على

الله وانا اتكلم عن اللي ماشين نظاما فقط يعني اللي قابلوا الدكتور وسلموا اوراقهم لخالد الجماز واعطاهم

تذكرة واساسا ما يعطيهم تذكرة الين تكون اوراقهم كاملة يعني وضعهم سليم 100% ان شاءالله ولا احد

يقدر يقول لهم شي لا الملحقية ولا غيرها هذا شأن داخلي بين الملحقية والدكتور وما دام على كلام

اخونا المستشار الدكتور وعد بان يلحق كل من جاء عن طريقه فهو ان شاءالله اهل لذلك وسيوفي

بوعده وماهي عايقه معاه ترا بس انتوا مكبرين الموضوع شوي 120 طالب ولا 200 طالب

لبريطانيا هم تقريبا اخر ناس لا شي يذكر فلا تخافون ان شاءالله الدكتور العطية ما ارسلكم

الا هو واثق ان شاءالله تمام الثقة انه قادر على الحاقكم ويعرف كيف يدبر الحاقكم وباسرع وقت

فالدكتور يوقع على مشاريع بالمليارات يعني مبلغ تافه زي هذا لا شي يذكر عنده ولا راح

ان شاءالله يعجز عنه ولكن هناك اشخاص يحاولون الوقوف في وجه الطلاب بدون ما نحدد

اسماء عشان ما نغتاب احد لكن اقول على نياتكم ترزقون ودائم الخير ينتصر على الشر

فلي نيته طيبه ويتعامل مع الناس من مبدا انساني قبل كل شي فالله بيوفقه اما اللي بيسويلي

فيها نظام ولا نقبل وبنطبق ولا نتجاوز فهاذي شعارات رنانة شبعنا منها لا تسمن ولا تغني

من جوع ثانيا هناك من راح وهو توه مخلص الثانوي ونسبته 99 على البرنامج جابوله

قبول وتعبو عليه وصرفوله امر اركاب وقرار ابتعاث وشهر وما اعجبه الوضع ورجع

لو جينا نطبق النظام من اولى فعليا بالبعثة هذا اللي راح شهرولا استفاد شي وغير كذا

فرص قبوله هنا في كل الجامعات متاحة ولا اللي راح على حسابه

ولو ان نسبته ماهي مره بس جاد وعنده طموح بس ما قدر ينقبل هنا بسبب ان نسبته ما

تاهله لو طبقنا النظام بحذافيره مع اغفال الجانب الانساني ما استفدنا شي بعدين هو يوم

رجع صار مكانه شاغر ليش ما يستفاد منه فالدكتور ابو سليمان الله يطول بعمره ينظر

للجانب الانساني ماهو بس اطبق النظام وخلاص واللي يصير يصير كذا بس وكاننا نتعامل

مع الات وليس مع بشر نسبتك 99 بعثة نسبتك ما ادري كم رح اقعد عند امك في بيتكم

لا نقبلك بعثه ولا في اي جامعة طيب وش اسوي خلاص انتحر احسن هذا النظام لازم نطبقه

عليك طيب كذا بصرامة ولا ينظر لاي جانب انساني طيب يمكن ما جاب نسبة بسبب ظروف

طارئة مرت عليه وقد يكون احسن من اللي جايب نسبة بس هذا بالغش او مدرسة اهليه وهذا

مسكين على قد حاله طيب وين الجانب الانساني واحنا في مملكة الانسانية وملكنا ملك الانسانية

ابو متعب الله يطول في عمره فالرحمة الوحيدة اللي في الوزارة بصراحة هو الدكتور علي هو

اللي ينظر للناس نظرة انسانية اما الباقي خذ وخل وما يحتاج اقول انهم يطبقون النظام على الناس

اللي ما يعرفونهم اما معارفهم فيمشونهم ويتغافلون النظام ولما تسمع كلامهم تستغرب يقول حتى

لو كان ولد الوزير يعني اني ما اتعامل بالواسطة لكن رح مكتبه واجلس تشوف العجب فزي

هالتصريحات لحد يصير صحيح ويصدق كل ما يقال وزي ما قلت ابو سليمان ان شاءالله ما راح

يخذلكم وبتلقون ما يسركم شاء من شاء وابى من ابى والخير دايم في النهاية ينتصر واللي نيته

طيبه ويحب الخير للناس دايما الله يوفقه ويسهل امره فلا تخافوا ولا تحزنوا وابشروا وتفائلوا

بالخير تجدوه ان شاءالله

ههههههه والله ياخوي الغالي المستشار انا كذا طريقتي ياني ما اكتب ابد

يا اذا كتبت مسكت خط يعني ما عندي حل وسط بس هو على حسب

النفسية في مواضيع تستثيرني فتخليني اكتب اكتب ولا اقدر اوقف

عموما انت اللي الله يعطيك العافية يا اخوي الغالي المستشار على مجهودك

في المنتدى وعلى مساعدتك للاعضاء والله يجعل ما تقدمه في ميزان حسناتك

ويوفقك الى كل خير جميل ان يكون في الوزارة شخص مثلك ومثل الدكتور

العطية ومثل خالد الجماز الله يكثر من امثالكم ويوفقكم ويسدد خطاكم ويجزاكم عنا كل خير

ياخي غريبة بس قد تكون قضايا فردية ولو رجعت لردي اللي كتبته قبل شوي يمكن يبان

السبب واذا عرف السبب زي ما يقولون بطل العجب اخوي هل انت لما رحت الوزارة

قدمت نموذج طلب الحاق ام نموذج امر اركاب فقط اذا كان نموذج الحاق ووقع عليه

الدكتور وش كتب عليه؟ عاجل خالد الجماز او ايش؟

وهل اخذت صوره منه وعطيتها للملحقية وصورة للتذاكر او امر الاركاب يعني تحتاج

نستوضح كل هالامور عشان نعرف ليش رفضوا يعطونك ضمان مالي وبعدين لما وقع

لك الدكتور عطيت اوراقك خالد الجماز وطلب منك الشهادات اتوقع يكون في نقص في

شي وبعدين ما قلت سبب رفضهم يعني كذا من الباب للطاقة قالولك ما نعطيك شي؟

يا كاديلاك

ماشاء الله نصف ردود الموضوع تتبع لك وأشوفك دخلت في تفاصيل كثيرة أبعدت القراء عن الموضوع الأساسي وشذت عن الغرض من كتابة هذا الموضوع الله يسامحك,,

وبالمناسبة ,, مثل ما تفضل الأخ Div3l-x وقال ,, حصلت فترة اسبوعين تقريبا توقفت فيها الملحقية عن رفع اي ملف عنده امر اركاب وعاملتهم مثل أي طالب آخر وقالو لنا بالعربي انه اللي عنده امر اركاب مثله مثل غيره ,, بعدين رجعو الاوضاع مثل ما كانت (يعطون الضمان المالي ويرفعون الملفات ) بس ما يعطون خطاب تعريف يتضمن انه الطالب مبتعث مثل ماكانو يعطون من زمان ,,

أنا سمعت إنه صحيح الدكتور غازي وقفها من عنده .. بس الآن رجع يعطي ضمانات لمدة شهر بشروط وتعهدات

ليش ما أدري؟

ماشاء الله اخوي كاديلاك


اشوف كلامك افكره نسخ ولصق

واقرأه يكون انت إللي كاتبه

ماشاء الله وش السرعة ذي

هههههههههه اشوى انك قلت ما شاءالله بس ولا كان الله يستر ما اصير اعرف اكتب

كلمتين على بعض كان اصير مثل هذا

عموما والله انا اقول الصراحة ساعات في مواضيع تستثيرني وما

اقول تستفزني عشان ما احد يفهم غلط فتخليني اكتب وانا ما ادري عن نفسي واستطرد

حتى انواع الاخطاء مع السرعه وارجع واقرا اللي كتبته مره ومرتين واعدل حتى انا نفسي

اتعب وانا اقرا كلامي ههههههههه اقول الله يعين اللي يقرون بس انا حبيت اطمن الناس

يعني واحد زيي قص التذكرة وبيسافر ولما اقرا موضوع زي كذا وش راح يكون

موقفي كانها طعنه في قلبي يعني انواع الترهيب والتخويف احس وانا في الطيارة يعني

فوق موضوع فراق الاهل والحزن تطلعلي مصيبة في الملحقية ويرفضون استقبالي

واتنكد طول الطريق ولما اوصل وانا اعصابي تالفة ولما اروح القى مثلا ان الكلام

غير صحيح يعني اقل الاشياء اللي تقدمها الملحقية هي الضمان المالي للمعهد ولا مصيبة

كيف اتصرف يخرب كل التخطيط والحسابات وهاذي مصيبة الصراحة لكن انا الحمدلله

متوكل على الله ومتفائل بالخير رغم انه كل يوم يطلع موضوع جديد ارعب من اللي قبله

لكن من توكل على الله فهو حسبه وانا اثق في الدكتور العطية انه ما يرضى بهذا الشي

لانه يهمه مصلحة الطلاب ولا يبغى لهم البهذلة لكن الملحقية للاسف الظاهر ما يهمها

مصلحة الطلاب اذا كانت تتعامل بها الطريقة يعني هي هاذي وظيفتها ولا احد دافع

شي من جيبه عشان يجون يقولون لا نصرف لك ضمان ولا نرفع اوراقك والطالب يتورط

كذا في الغربة يعني ياخي من ناحية انسانية على الاقل هذا وانت جايهم فاتح ملف في الوزارة

وماخذ امر اركاب ما جيت من الباب للطاقة عشان اقول ممكن تنبلع لكن يا خسارة والله اذا

كانت الملحقية تتعامل بهاذي الطريقة وهي المطلوب منها اكثر يعني هذا الكلام ما يرضى احد

ابدا لا الدكتور ولا الوزارة يعني اذا الملحقية ما تبي تسوي شي وما تبي تقوم بواجبها وهذا

هو اساس عملها وماهو عشان سواد عيوننا او عمل تطوعي الدولة تصرف لهم رواتب وحوافز

وبدلات وفي الاخير كذا يعاملون الطلاب اجل وش الفايدة منهم الافضل في هالحالة اذا كان

الملحق مل من الطلاب فالاولى انه يتنازل عن منصبه لشخص هو خير منه وانا اقول ان شاء الله

ما اظن فيه الا كل خير ولكن حسب ما ذكر اذا كان يتعامل بهاذي الطريقة فمعناته انه ما هو اهل

لخدمة الوطن وابو متعب الله يطول في عمره ما حطه ملحق الا لخدمة وطنه واداء عمله على اكمل

وجه اما بالطريقة هاذي معناته المسالة عناد او ما ادري وش اسميها فالمفروض نكتب شكوى جماعية

وترفع للمقام السامي وصدقوني ابو متعب ان شاءالله ما يقصر وانا اقول في حالة ان كان الكلام صحيح

يعني اذا زعل على احد مافيها مجاملات والدليل التغييرات الوزارية المفاجئة اللي صارت وعموما اذا

كان راح يتخبط بها الطريقة فصدقوني ما راح يطول خصوصا ان الطلاب معهم اثباتات انهم صدر لهم

اوامر اركاب والوزارة قالتلهم روحوا الملحقية وافتحوا ملفات وحساب ويعطونكم ضمان مالي للمعاهد

الى ان يصدر الحاقكم ولما نروح نتفاجا ان الملحقية تقول ما ارفع اوراقكم ولا اعطيكم ضمان ليش

طيب اووووه شكلي استطردت بس الحديث ذو شجون الصراحة وما اقول الا الله يكتب اللي فيه خير

وتمشي الامور بسلام والله يسهل ويوفق الجميع

هو ليش ما ادري؟ هاذي فعلا حتى انا اتسائل ليش هو دافع شي من جيبه عشان يوقفها

اذا كان صحيح اقول ان شاءالله الدكتور يوقف رواتبهم اسبوع واحد بس حتى يحسون

بمعاناة الطلاب من باب المعاملة بالمثل ليش هالحركات النص كم اللي مالها داعي

المسالة عناد ولا ايش ومين المستفيد الضحيه في النهاية الطالب المسكين يتبهذل ولا

ما فيها فايدة لاحد لو جيت تحسبها من كل النواحي وتبي تعرف السبب اللي انا ارجح

انه الاقرب كأن غازي يبي يقول للدكتور لا ترسل طلاب زيادة مسالة معاندة

يعني صار الوزير على غفلة اذا كان الوزير نفسه ما يدخل في شؤون الدكتور واذا

بغى يمشي ناس حولهم عليه وبعدين الدكتور العطية عارف وش يسوي بالضبط

واتوقع انه خلاص كل اللي معهم اوامر اركاب كانت قبل قرار الوزير بعدها اتوقع

وقف صرف اركاب لبريطانيا يعني هاذي تعتبر الدفعة الاخيرة المفروض الملحقية

تتجمل فيهم ماهو تسوي كذا حتى تمشي الامور بسلاسة وتنتهي قضية ملف بريطانيا

على خير ويرتاحون ويريحون الطلاب اما مسالة المعاندة على اخر دفعه هاذي تضرهم

اكثر مما تنفعهم والدكتور وعد انه يلحق اللي راحوا عن طريقه جميعا يعني خلاص

وظيفتهم بس يرفعون الملفات للدكتور ويسهلون اجراءات و امور دراستهم حتى تصدر

قراراتهم وصلى الله وبارك اما ان يقفون عثرة في طريق الطلاب فهذا لن يخدم احد

اسف اخوي سيمي الظاهر حصل عندي خلط بين موضوعك وموضوع اخر بس

كنت تتكلم ببداية موضوعك على ان الملحقية اوقفت رفع ملفات الطلاب وكنت اظنك تقصد

الطلاب الذين معهم امر اركاب لان الموضوعين كانوا جنب بعض عموما الله يسامح الجميع

واتمنى انك تتقبلني ضيف في موضوعك واسف ان اغلب الردود لي ولكن من باب التفاعل

في موضوعك فيه ناس تفرح لما تلقى احد مهتم بمواضيعها

عموما بما ان المستشار رد ان شاءالله يعود لموضوعك ويرد عليه بس يمكن ما كان عنده

وقت يكتب الرد او انه يبي يتاكد ويرجع يعطيك الاجابة يالله الغايب حجته معه وانا الحقيقة

مستحي منك جدا لو تبي احذف ردودي ما عندي مشكلة تامر يالغالي بس اهم شي انك

تسامحني وتتقبلني ضيف في موضوعك ادري بتقول ضيف ثقيل

الصراحة معك حق بس صدقني الموضوعين جو في وقت واحد وانا اتفاعلت مع الموضوع الاول

وتفاجات بموضوعك واعتقدت انه على نفس الموال ان الملحقية وقفت رفع ملفات اللي معهم امر

اركاب فنسخت ردي وصدقني اني اتمنالك التوفيق من كل قلبي لك وللجميع وان الله يسهل

امورك ويصدر قرارك باسرع وقت