الظلم ظلمات يوم القيامه يالعنقري والموسى

والله مالومكم شباب
خدو راحتكم طلع الا في قلبك

بعض المشاهدات مما حدث اليوم في ادارة البعثات

حمادي العنزي الله يثيبك اخوي لاتخلط الامور على بعض ^_^

تقول لي طاعة ولي الامر واجبه مانقولك لا ابد ... ومانقول لك اعص ولي الامر

لكن حنا نطالب بحقوقنا ونطالب بشيء اسمه "عدل" .. وبعدين تعال ياحمادي ابسالك ظلم عباد الله وش تسميه؟؟ حلال ها؟

يلحقون ناس ويشوتون ناس هذا وش اسمه؟

لازم اصحاب الكروش اللي جالسين تحت المكيفات والناس تتغربل الين توصل الوزارات وبعضهم يجي من خارج الرياض هذولي لازم ينفون من الارض وتبقر كروشهم جزاء لهم وردعا لامثالهم ^_^

والله اني كنت ابي بعثه ! جيت هنا هونت ! بعدين قلت يالله اوكي !

كنت بكلم ابوي اعطيه رقمي يراجع لي بالوزاره ! بس هونت !! والله ماتسوى علي اشوف ابوي ينلطع وتجيه هالمعامله

ان جات البعثه جآت آن مآجآت اللي رآزقنا ربنا فيه بناخذه وحسبي الله ع الظالم !

انا قدمت على البعثة وقالو لم يتم تقديم اوراقك الاكاديمية في الوقت المحدد طار عقلي لانهم مارسلو رسالة sms طبعا لي سنة عاطل ماني لاقي وظيفة وهاتك ديون بس اخذ من اخوي500 ومن الوالد 300 وعلى الرياض انا وولد خالتي 10ساعات في الطريق رايح ووصلت
الرياض الساعه 3 الفجر ودخت والله مالقيت فندق وانا تايه بس في شمال الرياض وانا مواصل ومن 3 الين 9 وانا لفلفه وخلاص كنت بنفجر وبعدين قلت خليني اطلع على خط القصيم ومنها اغير جو سبحان الله اطالع الا مبنى مكتوب عليه برنامج خادم الحريمن الشريفين للأبتعاث الوهمي ونزلت ومسكت سرى زي ساعه وانا مواصل وفي الاخير قالي واحد ورع بزر مدري من وين جايبينه جاتك بالغلط انا بغت تجيني جلطه وسبسبته هوعلى الوزير وسوطي في الصاله وهو ماكل ** مافك فمه قلت بخربها وعلى جدة وبس رجعت وانا دمي مخبوط ومواصل وبعد الرياض ب100 كيلو وقفت في محطة ونمت تحت لوحة اعلان نومه الله لايوريك شمس وذبان وصوت ترلات
ههههههه والله كل ماذكر اموت ضحك وبعد ساعه حركت لقيت غرفة ب20 للساعه اخذتها الله لايوريك من غرفة كلها عفن بس ابش السوات وبعدين ريحنا وتوكلنا على جدة
الشاهد انه ال32 ساعه هذي اصعب 32ساعه في حياتي عدت يعلم الله كم مره بغيت اصدم بس الله ستر كله عشان رساله جات بالغلط
هذا حالي وش حال الغلابه الي دفعو دم قلبهم وضغطو اهاليهم على نفسهم ودرسو بره وفي الاخر ماجتهم البعثة
ماقول الاالله لايبارك فيهم ويجعلهم يشوفوا فلوسهم تنحرق قدامهم ومايقدرو يسوو شي زي ماهم جالسين يمرمطو في خلق الله

مدام هذا كلامك انت واياه

فكوونوو متأكدين ان ربي ما راح ييسر لكم امر وهذي نوااييككم

يناس طاعة ولاة الامر وااجبه مالم يأمروو بمنكر

الله يهديكم بس ووييسر لكم الالحااق

لاحول ولاقوة الا بالله الى الحال وصلت هذه الدرجة والخير موجود ان لله وان اليه راجعون

انا حاب اعلق على الردود الي فوق ^^^^^^ ترى معروف طاعة ولاة الامر واجبه بس لكن الغلط من الي قاعدين يلعبون من تحت ولاة الامر...... يعني العب الي صاير في الوزاره هدا ماينسكت عليه .......اصحاب الواسطات مواحسن منا في اي شي....احنا كلنا بني ادم يعني المفروض المساوه فيما بينا ......يعني الي قاعدين يمشون معارفهم في هل الوزاره لازم يتحاسبون ....هادي وزارة تعليم يعني المفروض يكونو بعيدين تماما عن هدا الشي ويكون مستوى تفكيرهم اكبر من كدا بحكم ان البعض من منهم دكاتره ومثقفين..... وبعض الموظفين الي قاعدين يمشون بالواسطه هدااا حرام عليهم ومن المفترض ماينسكت عنهم ....هادي وزارة تعليم ركز على كلمة وزارة تعليم وشي من المفترض يكون اخلاقيات هادي الوزاره .....شوف انت بعدها الي قاعد يصير صح او غلط؟؟

اللي بالوزارة ويبي يرقى للمكتب حق الفوزان والموسى هع الحل عندي

انا رحت مع الوالد قبل فترة وعيو يدخلوني واطلع من برا واخذ لفة على الوزارة فيه زي النزله لمواقف السيارات نزلت معها ولقيت الاصنصير وركبته وماوقفت الا فوق بدون ما امر على الدور اللي فيه السكيورتيه

ودخلت عليه بس وش قال قال ليه تروح تجيب من العطيه ضمان مالي انا المسؤول مو العطيه وعاد ابوي الله يهديه

لعن ابو جده وتفل في وجهه ورمى الملف في وجهه وطلع وقاموا نادوا السيكروتيه واشوا طلعنا والا كانت بتروح علينا هع

الشايب متهور أحيانا هع

اتوقع للحين يمدي الواحد ينزل مع النزله ويرقى للموسى بس ماظن بيلقى حل ..!

صاحب الموضوع
انا معاك في كل كلمه قلتها

لكن
من متى شغل الواسطات عندنا في السعوديه شغال؟؟
يعني هل توها الواسطات بدأت تشتغل والا من زمان

وهل الواسطات فقط في وزارة التعليم العالي فقط؟؟
ام جميع الوزارت

حبيبي الواسطات موجوده في دم المواطن السعودي (شمالي -جنوبي -شرقي - حجازي - نجدي- الخ)
من زمان وهي موجوده
ومو بس وزارة التعليم العالي
جميع الوزارات والدوائر الحكوميه والقطاع الخاص

مثال بسيط
أنت لو والدك او احد اخوانك الله يحفظهم لك ماسك منصب في كليه عسكريه ماكان شفناك في منتدى مبتعث

شخص يقرب لي قرابه خاصه
جاب نسبه في الثانويه ماتدخله الا الكليه التقنيه وبالقوه
ابوه كلم له احد معارفه والان طالب في الجامعه كلية العلوم
هذا و ابوه انسان ملتزم جدآآآ (مطوع)

يعني الواسطه ممكن في يوم من الايام خدمتك
وممكن في يوم من الايام ضرتك

الان الخوف مو من الواسطه
الواسطه امرها هين

الخوف وكل الخوف من الفساد الاداري اللي بدأ ينتشر وبقوه

تقبل مروري