سأصل امريكا ان شاء الله هل اعطي خبر للملحقية

وعليكم السلام ورحمة الله وبركاته .. اهلين اخوي

اذا كنت على الخطوط الجوية العربية السعودية مايحتاج تبلغهم لانهم كل رحله بيطلعو المطار انا رحت وعلى حسابي ولا بلغتهم
واذا كنت على اي خطوط ثانيه بلغهم واحتمال يطلعون لك واحتمال لا

والجامعه ما يتوجب عليك بس فيه بعض الجامعات تستقبلك من المطار كان تبي, اذا تبي قول لهم ..

اتمنى اني افدتك

و أنا أخوك أمس وصلت المطار على حسابي بالخطوط السعودية

و لا شفت رقعة وجيههم حقين الملحقيه

على حسب الكلام المتداول وايضا الدكتور العيسى ذكر هالشي في مقابلته مع جريدة الجزيرة أن الملحقية تستقبل جميع الرحلات القادمة على الخطوط السعودية سواء اعطيتهم خبر او لا .. يعني متواجدين على طول

وفي بعض الجامعات تستقبل الطلاب في المطار .. اذا تحب جرب عطهم خبر واسألهم اذا ممكن أحد يستقبلك

بالتوفيق

اشكر الإخوان اللي ردو كلهم وعلى الله نبي نمشي وربك يسهل الامور

لكن سؤالي لو ما لقيت احد من الملحقية وش اسوي
هل اركب تاكسي واقول له يوديني لم الملحقية ولا لم السفاره ولا وش السوات
شكرا لكم مقدما

أبد خذ لك تاكسي ولا تشيل هم

جهز دراهمك و بالتوفيق