"المستشار التعليمي" ماذاء تعني هذي الورقة؟!!
"المستشار التعليمي" ماذاء تعني هذي الورقة؟!!
تنبيه: هذا الموضوع قديم. تم طرحه قبل 5312 يوم مضى, قد يكون هناك ردود جديدة هي من سببت رفع الموضوع!
قائمة الأعضاء الموسومين في هذا الموضوع
-
7 " - مالك الا الدعاء الدعاء الدعاء7 "
وصدقني ماراح تأخذي الا اللي ربي كاتبه
ربي كاتب لك البعثه بتأخذيها غصبآ عن الوزير
من كل قلبي يارب يطلع كلامي غلط بخصوص الورقه
الله يسهل امرك - بصراحة ما أدري وش أقول أنا خبرتي في كندا وأخي وقت راح كان يقول له السكرتير إذا موضوعك في بريطانيا لا تحاول بسبب مشكلة الإيقاف المؤقت وخرابيط التكدس ...7 "
بس إللي أعرفه إن الملحقية لو أرسلت الملف راح يدخل النظام على طول لأن هذا يعني إن المعاملة مزكاة
المهم إطلبي موعد مع الملحق وقابليه وإشرحيله الوضع لو قدرتي تقنعيه يرسل الملف معناها الإلحاق جاي بس مسألة وقت - مالك إلا الملحقية أو ناصر الفوزان في حي الغدير
وعلى فكرة هذي كلها أراء أنا لو مكانك أمسك في المعاملة أو رقم القيد وأخلي أحد يدخل به على الفوزان بس يكون الصباح بدري يعني على رواقه - الناس في حي الغدير متعاونين أكثر - وهذا ما يعني إساءة الظن في الورقة إلى أبعد حد بس الله يعين على الرجعة للدكتور العطية أو الجماز , أتصور لابد تمر عليهم أوقات يتعاطفون مع المغتربين ولا تيأسي من رحمة الله
وبالتوفيق - البنت في السعوديه الان اي ملحق تقابله7 "
واذا ماخان ظني افتكر انها دخلت كذا مره على الملحق وما طلعت منه بفايده
الله يعينها يارب ويعين كل واحد مغترب على حسابه الخاص - انا اخر مره دخلت على الملحق الثقافي طردني7 "
وحالياً انا بالسعوديه
والله مو عارفه شقول قلبي يوجعني
وخايفه اكثر شي على الوالد - الله يكون بالعون يارب تفرجها على الطلاب الدراسين على حسابهم الخاص7 "
- ما عليك من احد تفألي انتي مخلصه اللغه والتعاون بيكون معاك كبير .7 "
و في الاساس مو هاي ورقة التصريف
وورقة التصريف ليس لها رقم قيد لشخص واحد معين .. اوراق بتروح ادارة البعثات وبيدخل اسمك السستم .. وتذكر كلامي بعدين
وانت لا تتفلسف واجد كل واحد له ووضعه في الوزاره .. اذا اشحتو واحد او اثنين مايشحتون الكل
كم شخص نعرفه دخل اسمه عن طريق الوزاره 10 ولا 20 ولا شكثر
بدون واسطات ولا اي شيء . وان شاء الله اسمك بيدخل السستم
انتظري فقط .. ( اهم شيء عطيتيهم ورقة انك خلصتي اللغه وعطتيهم اوراقك كامله ) ازهلي الموضوع وخليه ع ربك - مرحبـا أختي . .7 "
أنا بفيدكـ باللي عندي والاخوان ماقصرو كلن أدلى بدلوهـ . .
هالورقة شفتها عند صاحبي كان راجع من بريطانيا كان هو دارس على حسابة الخاص لمدة اربع اشهر ورجع للسعودية وطلع للوزارة وعطوه ورقة مثل ورقتك بالضبط وقالو له بعد اسبوع تعال جاهم بعد اسبوع وطلبو منه يعبى نماذج من مباشرة دراسة وفيزا وقبول جامعه ومعهد وكل هالامور ودخل اسمه السستم ورجع لهم ثالث مرة واخذ قرار ابتعاثة هذا اللى حبيت أفيدكـ فيه لان ورقة التصريف مثل ما يقولون الشباب مايكتب عليها قيد او رقم وأنتي تفائلي وأن شاءالله يوم السبت او الاحد راجعيهم وبتحصلين اللى يرضيك . .
وماعليك من الملحق مكي مع أني أعرف ولد أخوه وهو طالب في بريطانيا ومتضرر منه حتى لما يجي يزورة لبيته لازم يحط موعد ويسجل اسمه عند السوكرتيه بـ فلته في لندن وأهو أصلاُ جبان يتبع للوزارة وأنا أعرفة أكيد قالكـ مانرفع أوراقك بالعربي جيبي قرارك من الوزارة أذا قدرتي
الله يخلي والدينكـ ولايحرمهم منكـ وأن شاءالله تعبكم مايروح هباء . .
راجعيهم وبترتاحين أن شاءالله . .
ونصيحة لوجه الله من أخ خلصي أموركـ بنفسكـ ولاتتكلين على أحـد سواء من منتدى أو من الخارج أنجزي أموركـ بنفسكـ ومثل ما قالو لكـ راجعينا بعد اسبوع راجعيهم وتأكدي منهم بنفسكـ وأن شاءالله تبشرينـا بأنضمامكـ للبعثـة . .
دمـتٍ بصفـاء . . - أختي أنا أعتقد و العلم عند الله بأن وضعك سليم و ستلحقين بالبعثه أن شاء الله7 "
بناء على ما ذكرا الأخوان أعلاه
و بناء على أنتهائك من اللغة الأنجليزية ، ترا مو سهله تراجعينهم وأنتي مخلصه اللغة الأنجليزية ، وترا 99.99% من الناس اللي كنتي تشوفينهم بالوزارة اللي له شهر من وصل للدولة اللي يدرس فيها ومكلف أحد يراجع عنه و اللي شهرين و اللي أكثر شي 5 أو 6شهور و هو لسى باللغة الأنجليزية وأنتي الحمدلله مجتازه اللغة و معك توصيه ببداية دراستك الأكاديمية
صحيح أن بريطانيا أصعب بالألحاق و لكن تكمن صعوبتها لمن لايزال بدراسة اللغة و يريد الألحاق
نصيحتي لك
بما أنهم قالوا لك بعد أسبوع راجعينا
أنصحك بالأكثار من الأستغفار والدعاء بتضرع لله ، و أكثري من الأستغفار عند قيامك و جلوسك و عند خلوتك و بكل وقت ، أستغفري بصورة كبيره و كل ليله قومي صلي لك ركعتين و أعي بسجودك و أن شاء الله بأنه لن يخيب ضنك
صدقيني هذي تجربتي بأمور أكبر بكثير من الألحاق و تجربة الكثيرين
والشيء الثاني أفعلي السبب و راجعيهم بعد اسبوع و أعي ربك أنه يسخر لك كل من تأتي معاملتك بيده "قولي يالله ياربي سخره لي"
و ماعليك من كلام المنتدى و كلام ناس يقولون صرفونا و تجاربهم ووضعهم مختلف كليا عنك أختي
وعذرا على الأطاله - السلام عليكم ورحمته الله وبركاته7 "
الله يجزاكم خيرجميعا وانا واخت nuniنفس الورقه عندنا بس اناجاتني رساله من البعثات انها تصريفه لكن من كلامكم حسيت انه في امل مو تصريفه اكيد بس حبيت من اخ سعود العمري
بماانه برفيسور في التصريفات الوزاره قد عطوه ورقه زي كذا ياليت يفيدنا
الله يوفق الجميع يارب
من جد
يعني شنو
حسبي الله ونعم الوكيل حسبي الله ونعم الوكيل حسبي الله ونعم الوكيل حسبي الله ونعم الوكيل حسبي الله ونعم الوكيل
وشلون اقدم من جديد
انا مايرضون يدخلوني الوزاره
والوالد تعبان يادووووووووبو يقدر يمشي
حرام عليهم والله حرام
والمصاريف الا صرفناها على روحت الرياض والفندق وكل هذا واخر شي تصريفه
طيب مايعرفون ان احنا عايشين كل بيتنا على راتب تقاعد
وابوي طلعني ادرس لان ماعنده اولاد ماعنده الا انا
ياربي يا حبيبي انا ما اقدر اقول الى ابوي انها تصريفه
يارب ساعدني يارب تيسر الامور يارب