ارامكوي ماشي يبي يدرس ومحتاج يور هلب بليز
السلام عليكم
والله مدري من وين ابدا....عالعموم انا موظف ارامكو في دائره الانتاج بالمنطقه الجنوبيه بالاوبريشن وانتم بكرامه...طبعا ماقدرت اكمل دراستي الجامعيه نظرا للمتطلبات المعقده من جامعاتنا... انا خدمتي الحين تقريبا 6 سنوات....بس خلااااااص خلاااااااص اكتفيت من هالشغل والناس اللي تجيب الهم فيه....6 سنوات مرت كنها ستين سنه...توقفت الحياه اببببببببد!!!
لابد من تغيير....طبعاااا ان الواحد ينتقل الى دائره ثانيه يبيلها واحد شنننننننب....جذي والا اغسل ايدك انك تطلع...
عالعموم انا قررت اني ادرس واكمل حلمي واخذ الشهاده... انا اسمع عن الالحاق بالبعثات بس ماعندي خلفيه عن التفاصيل ابد!!!!!!من وين ابدا وكيف؟؟؟هل في الحاق حاليا وباي دول؟ الطريقه الافضل للتقديم؟؟؟التكلفه حتى الالحاق؟؟؟الدوله الاسرع في الالحاق؟؟؟ كل التفاااااااااااااااصيل!!! وانا على فكره الانجليزي حقي ممتاز... بس ماحصلت فرصه اقدم للتوفل...
والله محتاج فزعتكم خصوصا اني راح اطلع اجازه بعد اسبوعين من الحين وابي استفبد منها اني ابدا بشي!!!
الله يوفق الجميع ان شاء الله....
رد: ارامكوي ماشي يبي يدرس ومحتاج يور هلب بليز
احس صوتي راح وانا اعيد الكلام..القهر كل دا وانا لسا مكانك سر (الحمد لله على كل حال)
بنسخ ردود ليا على مواضيع سابقه وان شاءالله افيدك ولو بالقليل
اقتباس:
محد راح يرد عليك الا الي متفهم وضعك ..
عمري 23 وحاصله على دبلوم ..وموظفه بالحرس براتب 12 ودوام 12 ساعه (دوام مهلك لدرجه حتى احلامي بالنوم عن العمل وتفاصيله وايش الاغلاط الي ممكن عملتها ولانسيتها بالدوام http://www.mbt3th.us/vb/imgcache/2/40611alsh3er.gif ) ولاحياه اجتماعيه ولا غيرو يعني تقدر تقول الحال من بعضو .. جرب تقدم على جامعات استراليا ..معادلتهم ممتازه ويحسبو لك سنوات الخبره يعني ممكن توصل لسنه غير اللغه (وموظفين ارامكو معروف عنهم لغتهم الممتازه ) وتكاليف الجامعات بحدود ال 48 ل 54 الف ..والمعيشه انتا واهلك 60 الف بالكتير راح تعيشك مرتاح طول السنه ودا يختلف من مدينه لمدينه لكن مافي فرق كتير جبلك قبول من اكتر من جامعه ..وشدد على الجامعات بموضوع المعادله وحساب سنوات الخبره وقولهم ان عندك اكثر من قبول ..وتقدر تجرب بجامعه لاتروب معادلتهم كويسه وبالذات عندهم البوست ريجستريشن بروقرام للي معاهم دبلوم ومتوظفين (عادلو لي وبقيه لي سنه وبمبلغ 48 الف ) جامعه مرنه جدا.. غير كدا استراليا بلد راقي وشعبها متفهمين للاديان والحضارات ومحتكين بمسلمين ماليزيا ..غير دحين المبتعثين السعوديين ملوو البلد يقدرو اهلك يتسترو ويعيشو مبسوطين ..انا كلمت مندوب جامعه وقالي تقدري تداومي بالجامعه بعبايتك دي الي عالراس ومحد يسويلك شي..ولي قريبتي متواجده هناك اكدت لي الوضع ..غير ان البلد آمنه لكن نصيحه خلي الاستقاله اخر حلولك (انتا محسود على منصبك ووضعك والمبعثيين يتمنو يكونو بمكانك لو وصلو وصح الفلوس مو كل شي لكنها من اهم الاشياء ومحد يقدر ينكر دا الشي ) جرب تجيب القبول وتكلم المسئولين عندك وتقنعهم انك تاخد سنه اجازه بدون راتب استثنائي او اي شي جرب اي بديل الا الاستقاله ..او ع الاقل تضمن قبولك تاني اذا رجعت وبيدك شهادتك (واستخير قبل كل شي ) وبعدين مدري ليه التعقيد وتبغى تسافر وتتغرب سنه بعدين تجيب اهلك ..يكفيك تعب الغربه كمان لحالك ادخل قسم الطلبه باستراليا وتقدر تعرف عنهم كل شي وان شاءالله مايقصرو .. ان كان ماودك باستراليا في بريطانيا كمان معادلتهم ممتازه برضو ومايحتاج كثره المسلمين فيها وعادي اهلك يتسترو براحتهم ..لكن المشكله الغلاء الي فيها يعني بدل لاتصرف 120 الف بالكتير في استراليا ممكن تصرف ميتين واكتر في بريطانيا بنفس المده .. اذا ودك بامريكا في جامعات ممكن تعادل لك إخواني سائقي الشاحنات ( أصحاب الدبلوم ) إدخلوا ! وعندك دا الموضوع يساعدك كتير .. وترى الوضع سهالات ان شاءالله وتقدر تسال الطلبه الي متواجدين بنفس المنطقه الي ودك تدرس فيها عن البلد والامان والحجاب وكيف المعامله مع المسلمين ..السعوديين صارو بكل مكان ومعد صار الوضع يخوف زي اول وانتا تراسل الجامعات اكد عليهم بموضوع المعادله credit transfer وتقدر تشوف التكلفه من ال Tuitionو fee باي موقع جامعه موجود ولاتنسى قبل اي خطوه استخير ثم استخير ثم استخير .. ولاتطلع مكان الا وانتا حاسبها بالملي ادعيلنا ياخوي
اقتباس:
لو تبغى مساعدتي اقدر افيدك بس في امريكا ..
اقتباس:
في دكتور سعودي يدرس بجامعه في امريكا بولايه ويست فيريجينا ..الجامعه تكاليفها بالسنه بحدود ال 30 ريال
اقتباس:
نصيحه اتوكل على الله واطلع ..
اقتباس:
لكن قبل لاتطلع ..حط ببالك انك تطلع ومعاك تكاليف سنه دراسيه غير اللغه والمعيشه .. لانو دحين لاكندا ولا امريكا ولا اي دوله الحاقها مضمون ..
ان كنت مصر على كندا ..ادخل موقع وزاره التعليم العالي وشوف الجامعات الكنديه المعترف فيها بالتخصص الي تبغاه
وارسل للجامعات وحده وحده .. عالانترناشيونال ستيودنت وشوف ردهم ..
وان ماقدرت تاخد اجازه بدون راتب من وظيفتك قدم استقاله واكتب السبب اكمال دراستي
عشان يعرفو انك مو لعاب ..
وبعدين عالوظيفه ب ارامكو قبلوك من غير شهاده .. كيف لما ترجع لهم مهندس ان شاءالله .!!
واستخير الله قبل كل خطوه ..
الاخ الي سالني عن الجامعه اذا قويه بالهندسه .. والله انا سمعت انها جامعه ولايه ف اكيد انها قويه ..تقدر تدور على ترتيبها بالجامعات
انا حاولت لكن ماعرفت
وبعدين مدام انه معترف فيها ف دا المهم وخلاص ..لا الحقونا ساعتها ندور ونتشرط
اقتباس:
100 الف اذا غير كدا لاتفكر ب استراليا ولا بريطانيا ولا كندا امريكا ممكن تدور على ارخص جامعات لان الاسعار عندهم تختلف وتتفاوت من مكان لمكان مو زي الدول الي فوق اغلب تكاليفهم ثابته في جامعه دوبهم فتحو الاعتراف فيها تكلف الدراسه فيها 30 الف ريال بالسنه http://www.fairmontstate.edu/home عشان تعرف تكلفه كل جامعه دور على دي الكلمات tuition و fee و cost او ادخل عالنت ودور ارخص جامعات في امريكا مثلا وماادري عن معهد الللغه بس قول انتا راح تاخد سنه وممكن تكلفك كمان 30 الف دي ستين غير السكن ..غير المصاريف والاكل والشرب والمواصلات .. غير حق تذاكر السفر يعني شوف راح توصل كم عندي لك حلين اول شي جيبلك قبول لغه وجامعه من جامعه امريكيه وسافر للبلد وروح قدم اوراقك عالملحقيه وقلهم ابدرس وارجع السعوديه تاني عاد واستنى متى ممكن يردو عليك عندك دا الموضوع ممكن يفيدك هل استطيع العودة للوطن بعد شهر من وصولي لأمريكا لأنتظر القبول ؟
دا الموضوع ممكن يفيدك
http://www.mbt3th.us/vb/imgcache/2/40613alsh3er.gifhttp://www.mbt3th.us/vb/imgcache/2/40613alsh3er.gif http://www.mbt3th.us/vb/forum60/thread143910.html اول شي اختبر التوفل عشان تعرف اساسك ويصير ترسلها مع اوارقك ل اي جامعه
راح تقدم عليها وبدل دوشه اختبارات تحديد المستوى وكلو وتعرف من قبل
لاتسافر قد ايش راح تدرس لغه ..
بعدين عندك الدول
اذا تبغى اسرع دولتين للالحاق امريكا وكندا ..ولو انهم صارو يتلكعو دحين
وشكلهم بيصيرو زي البقيه في شرط ال30 ساعه
تبغى اقل دولتين بالدراسه بريطانيا واستراليا .البكالوريس عندهم 3
سنوات ل اغلب التخصصات
تبغى ارخص ارخص دوله عندك الصين ..تكلفتها روعه والدراسه بالانجلش
والجامعات معترف فيها ودي الفتره كتير سعوديين بيروحو لها ..يعني يخففو
عالواحد غربتو
..
انتا قررت اي دوله تبغى
حط براسك اسوأ الاحتمالات وانك مارح تنقبل الا بعد ال 30 ساعه دراسيه
ودا شرط جديد الله يكافي الي حطو بس
يعني لازم تخلص كورس اللغه المطلوب منك وبعدها تدرس 30 ساعه
بالغالب ترمين دراسيه بعدها يصير الحاقك على طول..
وانتا احسب كم راح تحتاج من مبلغ عشان تكمل اللغه والترمين ..
القبول حق الجامعه احسن لك تراسل الجامعات الي تبغاها بنفسك
ولو تراسل اكتر من جامعه بنفس الوقت يكون احسن عشان تاخد اي قبول اسرع
ولو تحاول تتعرف على طلبه بنفس الجامعات الي تبغاها ويساعدوك بالقبول يكون
احسن واحسن
انا حاولت خمسه شهور عشان قبول لين يأست ..اخرتها دكتور بنفس الجامعه
رسلت لو اوراقي وجاب قبولي ب اسبوع بس
وبعدين عشان الفيزا فـ تختلف من دوله ل دوله وتقدر تدخل ركن الفيزا وتسال
والاعضاء مايقصرو ان شاءالله
التكاليف والدوشه دي تلاقيها في اقتباساتي
ان شاءالله اكون فدتك بشي ..واي سؤال تاني انا بالخدمه
ادعيلي بس تتيسر اموري وتوصلني الفيزا
رد: ارامكوي ماشي يبي يدرس ومحتاج يور هلب بليز
انا مثلك بالضبط
موظف ارامك و 12 ساعه
والحاال من بعضها
الموضوع هذا بيفيدك
http://www.mbt3th.us/vb/forum60/thread142025.html
رد: ارامكوي ماشي يبي يدرس ومحتاج يور هلب بليز
اختي (وحده من الناس)....تسلمين على الجهد اللي سويتيه...
اخوي (متعب الليل)...تسلم على الرد بس انا ابي ادرس بامريكا مو كندا وابي اعرف من وين ابد بالظبط...انا حاليا بترجم الشهاده وحسن السيره والسلوك...بس ابي اعرف السوالف الباقيه كلها...الفيزا,المعهد,الجامعه,القبول,(((الالحاق))), التكلفه
الله لايهينكم يالربع لاتبخلون علي بالمعلومات الدقيقه...
بانتظاركم!!!
رد: ارامكوي ماشي يبي يدرس ومحتاج يور هلب بليز
عشان تطلع الفيزا لازم تسوي مقابله بالسفاره الامريكيه
وفي طلبات كتير لهم ..حتلاقيها بموقع السفاره ..بس دي طلبات لازم تجهزها من بدري
اول حاجه الاي توني عشان يدوك فيزا طالب
والاي توني دي ورقه ترسلك هيا الجامعه او المعهد حق اللغه الي انتا مقدم عليه..
وتجيب ورقه كشف حساب ..بالرصيد الي عندك اقل شي تجيب حق 3 شهور ..
وعندك بقيه الطلبات تلاقيها بنفس موقعهم ..والتسجيل كمان للفيزا بنفس الموقع تسويه عالنت ..
قبول الجامعه احسن انك تراسل الجامعه الي تبغاها بنفسك ..بدل المكاتب ونصبها وتستنى ردهم بالشهور وفوق دا كل مو اكيد
.ولو راسلت الجامعه بنفسك يردو عليك من تاني يوم
ادخل قسم الانترناشيونال ستيودنت وارسلهم ..احسن لك تدور معهد تابع للجامعه نفسها وتاخد قبول مره وحده للاتنين
ولو ترسل ل اكثر من جامعه بنفس الوقت يكون احسن عشان لاتقعد معلق تستنى رد جامعه وحده..
التكلفه حق اي جامعه ادخل قسم ال tuiton وfee وتلاقي تكلفه الجامعه في السنه للاجانب ..
وان كنت تبغى تسكن بسكن الجامعه برضو تلاقي التكلفه حق السكن موجوده
او برى السكن في مواقع كتير يحطوها الاعضاء هنا تلاقيها بركن مبتعثين امريكا ..
في موقع رينت او هوم ستاي وغيرها كتير
الالحاق كان سريع في امريكا بس دحين يتلكعو مدري اشبهم
المهم لما حتسافر ان شاءالله تحجز من السعوديه لواشنطن ..وانتا هناك بواشنطنن تروح الملحيقه
وتقدم اوراق ويدوك رقم ويصير بعدين تدخل موقعهم كل شويا وتشوف رقمك تستنى الالحاق ..
دا المختصر المفيد ان شاءالله
وانا كتبت فوق عن جامعه رخيصه جدا ومعترف فيها وقويه بنفس الوقت جامعه فيرمونت
والقبول فيها سريع
جاني لحد بيتي بعد اسبوع من التقديم ..
اي استفسار تاني بالخدمه
ادعيلي بس تتسير اموري :(
