إلى جميع الطلاب الدارسين على حسابهم الخاص والمكتملة ملفاتهم لدى الملحقية والوزارة

 المشاركة الأصلية كتبت بواسطة نوووسة

انتو من متى فاتحين ملفات في الوزارة؟ ومن مشرفينكم الا تتابعون معهم؟؟

انا فتحت ملف من 13 اكتوبر .. وإلى الآن ما ارسلو ملفي وآخر مكالمة كانت قبل يومين قالو 30 ساعة!

الله يعين ما ندري وش العمل!

بالتوفيق للجميع ان شااء الله

30 علينا أحنا بس ، فيه ناس ما تدري وين الله حاطها ومن بار لـ كلب ، أسبوعين و أنرسلت ملفاتهم ، وأحنا الي تعبانين
ومتفوقين في دراستنا سواءا الثانوية أو الجامعية هنا ، أنواع التصاريف علينا !

لكن انا ثقتي وتوكلي على الله ، حقوقنا عند الله محفوظة و راح نأخذها سواءا من الملحقية أو غيرها بإذنه

الله يجزاك خير اخوي حنا كلنا نفس حالتك ويمكن أسوء لكن يجب ان نحسن الظن بأخواننا
ومن الأولى الدعاء لهم بالهداية

السلام عليكم يا شباب وصبايا كيفكم انشاء الله بخيرااااات

المهم بقولكم قصتي اتوقع بتطلع نخلة في رؤسكــم

المهم انا يوم كنت بالرياض ومداوم بوزارة التعليم العالي ومرابط عندهم كل يوم تقول موظف عندهم

المهم انا لا واسطة ولا خرابيط بس بيني وبينكم انا الحمد لله من ربي لا نشبت بحلق واحد ما افكه بالمره

نصحني موظف بالوزارة حن علي كل يوم جاي للوزارة وحالتي حاله قالي وراء ما تدخل على الدكتور علي العطية

وتشرح وضعك له تراه حليل وبيساعدك بحالة وحدة بس اذا اقتنع بكلامك قلت الحين لازم ارتب كلام صح

وادخل عليه المهم قمت افكر وش اقول له المهم رتبت كلامي له ودخلت على الرجال واختصرت كلامي

وشرحت له وضعي وقلت يا طويل العمر انا استقلت من وظيفتي كنت موظف حكومي واستلم راتب زين

بس ضحيت بالوظيفة علشان ادرس واعتبرني ولدك اذا ترى اني ادج بالشوارع مو مشكلة

واذا تبي لي الخير وانفع بلدي واهلي والمملكة بكبرها برضو مو مشكلة وهاذي اوراقي قدامك كاملة والي تقدر عليه

اعمله والي ما تقدر تسويه برضو مو مشكلة المهم الرجال ضحك وقال ابشر وقع على ورقتي وكتب عليه

عاجل تحول المعاملة لمدير مكتبه خالد الجماز يعني ما حولني على وكالة الابتعاث لان معروف العطية اذا حول

معاملة لمدير مكتبه معناته الامور تبشر بخير واذا حول معاملتك لمبنى الوكاله اعرف انها تصريفة

المهم جيت عند مدير مكتبه ودقق على الاوراق كلها وشافها كامله وعطاني طلب الحاق طالب على حسابه الخاص

وعبيته ووقع عليه العطية انا انجنيت يا جماعة مدري وش السالفة سئلت الجماز وقلت طيب يعني الحين انا الحقت

والا شلون قال لازم تسافر لكندا ومن هناك تفتح ملف بالملحقية وتقدم طلب الحاق بالبعثة ومن ها الكلام

المهم انا دخت مدري وش السالفة الزبدة الرجال عطاني امر اركاب وسافرت لكندا وفتحت ملف وكل شي

وقدمت طلب الحاق بالبعثة عن طريق بوابة المبتعثين وكل شي وانرسلت معاملتي لوزارة التعليم العالي بتاريخ

26-11-1430 السؤال الحين يا جماعة لا دخلت موقع التعليم العالي للاستفسار يقول رقم البطاقة المدخل

ليس موجود بالنظام انا تلخبطت والله ماني عارف وش الطبخه ...

السؤال الثاني مدير مكتب العطية خالد الجماز اخذ نسخ من اوراقي كلها تتوقعون وين وداها يعني نطلها ما اهتم فيها

طيب دام ما اهتم فيها وشهوله عطاني امر اركاب يعني ممكن توضحون لي السالفة يا شباب

وضعي ماشي صح والا زحلقوني والا ايش الحكاية

يعطيكم العافيه

ياشباب هذي صورة النموذج الي طلبو مني الملحقية اعبيه وارسله لهم.




ياليت احد يفيدني إذا يعرف وش يترتب على هذا النموذج هل معنى ذلك الألحاق أم ماذا ؟ لان من طلبو مني هالطلب وانا محتاس ماعرفت وش قصة هالنموذج. تكفون ياجماعه ريحو بالي وعلموني وش يتعلق فيه هذا النموذج إن كان لكم خبره.

وجزاك الله خير

للأسف هذا هو الواقع والشكوى لله
وتذكر بأن الله لا يضيع أجر من أحسن عملا

هلا اخوي القحطاني,
واله النموذج باين عليه جديد...وماعندي اي خلفية عنه
بس اغلب المعلومات اللي تملئها ملئتها انت من قبل...في النماذج السابقة
هذا والله اعلم
وادعي الله ان يوفقنا..وان شاء الله غدا ً السبت نرى اسمائنا بالنظام لدى الوزارة ومكتوب "الحق بالبعثة"

ولو سمحت ممكن تشيك على موقع الملحقيه لما تدخل عليها وتروح ل فولو اب ايش تطلع لك الحاله؟

مرحبتين اخوي h4u

كلامك صحيح اغلب البيانات الي طلبو مني اعبيها قد عبيتها من قبل, وهذا الي خلى مخي يفتر شوي ويتسائل.

بالنسبه لموقع الملحقية إذا دخلت اتابع يطلع لي هذا الكلام:

Your file status is currently: File Opened for Follow Up
This status means: No funding will be provided. The file is opened just to follow up your studies progress..


The department processing your file is: Academic


والله يكتب لنا الي فيه الخير الليله ولا بكره وإن شاء الله يضمون كل الدارسين على حسابهم الخاص.

دعواتكم والله يوفقنا جميع,

اخوكم القحطاني

آمييييييييييييييييييييييييين يارب العالمين

ان شاء الله ننظم للبعثه نرفع راس اهلنا بشكل خاص وراس وطننا بشكل عام!

والفاائدة اولا ً وآخيرا ً تصب في مصلحة الوطن!

وشكرا ً مرة اخرى اخي القحطاني