المشاركة الأصلية كتبت بواسطة Al Qahtani
السلام عليكم ورحمة الله وبركاته,
مرحبتين أخوي HANOO2009,
ألف ألف ألف ألف ألف ألف ألف مليون ترليون زرليون مبروك يالغالي يعلم الله
أني فرحت لك فرحه ماهي طبيعيه, الله يبشرك بالجنه وأبشرك إن الإلحاق جايك في الطريق
بإذن الله إذا ماكانت الجامعه موقوفه, إن شاء الله كلها كم يوم وشيك وتلقى كلمة تم الإلحاق
بإذن الله. عموما انت وجه خير علينا كلنا وإن شاء الله اسمائنا تدخل في النظام قريب
ومثل ماانت خابر الملحقيه ارسلت ملفي بتاريخ 22-11-1430هـ ووصل للوزاره
بتاريخ 26-11-1430هـ. يعني إن شاء الله يدخل اسمي على الاسبوع الجاي او
الذي يليه بإذن واحد أحد. وياليت اخوي تعلمني إذا في طريقه قمت بإتباعها عشان يحطون
اسمك في النظام لكي استخدمها مع الوزاره علما أن الملحقيه ارسلت اوراقي للوزاره ولم
اقوم بالتسجيل عبر بوابة المبتعثين لان النظام هذا لم يتم تطبيقه إلا بعد تاريخ إرسال ملفي للوزاره.
في إنتظار الإفاده منك, هذا وجزاك الله الف خير وإن شاء الله الإلحاق يكون من نصيبك قريباً إن شاء الله.
وياليت إذا ماعليك أمر تقول لنا متى آخر مره طلعت لك كلمة ( عفواً, لم يتم العثور على رقم الهوية المدخل في النظام ). اليوم والتاريخ إن امكن
لان بصراحه من كثر ماتطلع لي هالجمله الكريهه ومع اني انسان متفائل ولكني للاسف بدى يجيني احساس انها ماراح تتغير خخخخخخخخخ
أما بالنسبه لمدة ظهور المعامله واضح انه مباشره, لأنهم قدمو معاملتك للنظام بتاريخ 4-1-1431 وطلع لك في نفس اليوم إذا انا مو غلطان.
بالنسبه للرقم 0 في الوارد لاتقلق من شأنه, لأنني اعرف لي زميل كان محطوط له 0 بالوارد وكان تاريخ تقديم معاملته بعد
تاريخ إنعقاد الجلسه, ولكن ولله الحمد تم إلحاقه. فيعني بإذن الله امورك كلها مطمئه وبخير, ماعليك سوى إنتظار الفرحه أن تأتيك
قريباً بإذن الله, واتمنى منك أن تبشرنا بالأخبار الساره, والله يوفقك.
جزاك الله خير على نشر الفائده,
تحياتي ودعواتي لك وللجميع بالتوفيق والإلحاق القريب إن شاء الله,
أخوك
القحطاني
هلا اخوي القحطاني الله يحيك ويوفقك يا رب وابشركم انا ارسلت اخوي للوزارة امس واليوم دخل اسمي النظام
وكلم واحد من موظفين في اوامر الاركاب وقاله الموظف بعظمة لسانه ان الميزانية جدا" ممتازة السنه هاذي
وان الحين بادين يمشون الاوراق لان اخوي يوم راح للجماز سكرتير العطية قاله الجماز كل شي موقف
بسبة الميزانية والحين بدت المعاملات تتحرك وكل شي بدا يمشي عقب توقف طويل
المهم انا رفعوا ضغطي يا ابو قحط اكلم الملحقية يقولون ارسلنا اوراقك اكلم الوزارة يقولون ما جاتنا اوراقك
اخرتها تدري وش سويت صورة الطلب حقي الي في بوابة المبتعثين ومكتوب حالة الطلب في الوزارة
واررسلتها لاخوي في الرياض بالايميل واخوي طبعا والصبح وهو مداوم بالوزارة لان انا تعرف معي امر اركاب
وربي يا ابو قحط ما خليت انسان في الملحقية ما كلمته حتى الملحق برأسه نشبت بحلقه
لان الوزارة اذا ما جات بالواسطه تجي بالصياح
المهم راح اخوي للاتصالات الادارية وقالوا ما جات المعاملة وقال لهم كيف ما جات والمعاملة الكترونية بنفس اللحظه
وهي بالرياض قالوا روح للدكتور وليد الجبر فوق واسئله وبيني وبينك اخوك ما تعرف لسانه عسل ما شاء الله عليه
مسك وليد الجبـر وكلمه وقال الوضع كذا المعامله ما ندري وين فيه وعطاه اسمي وبطاقتي وتاريخ الارسالية وكل شي
وخلاه يشوف النسخه المصورة حقت الطلب الي بالبوابة وما قصر وليد قال خلاص بكره والا بعده واسمه بالنظام
وفعلا" اليوم الثاني دخل اسمي بالنظام وهاذي كل الحكاية
ومن ناحية الجامعة ابشرك ما هي موقفة ولا شي يعني اوراقي كاملة والكامل وجه الله
يا الله يا رب ترزقنا البعثة انشاء الله كلنا يا رب
hanooo2009 December 23rd, 2009, 12:02 AM
7 "
وصل ملفي الوزارة بتاريخ15 / 12 / 2009
ودخل أسمي بالنظام 22 / 12 / 2009 ولله الحمد والشكر ،،
وننتظر الجلسة وباذن الله نبتعث ياارب ،،