مـــن هـــو المســــؤول عــــن هــــذه الجريمــــة ؟ (كنــــدا)

January 23rd, 2010, 10:40 AM

السلام عليكم ورحمة الله وبركاته,

بعد عدة محاولات من ارسال اميلات واتصالات للملحقيه تم الرد علي من قبل المشرفه ريم سليمان, وقد قامت بإبلاغي انه يتعذر عليهم فتح حساب\ملف لي عبر بوابة الطلبة المبتعثين نظراً لوجود اسمي مسجل مسبقا ً في ملحقيه ما! (بس أي ملحقيه الله اعلم!) المهم

بقول لكم قصتي من طئ طئ الى السلام ُ عليكم >>مثل مايقولو..

في عام 2008 ذهبت لأدرس في كندا في كلية رينسون التابعه لجامعة واترلوو, وقد قمت بإرسال مستنداتي الى الملحقيه عبر البريد السريع "فيديكس" وبعد ايام من وصولها, قام احد الموظفين بالاتصال بي وإبلاغي انه لايمكنهم المباشرة في طلبي نظرا ً لعدم وجود قبول جامعي!>>>غير كدا انو في البداية كان الموظف يتكلم بإحترام...وشوي شوي يستفزني بدأ يهدد وفي النهاية قال لي برز نفسك ساعتين وانا عندك راح ننزلك السعوديه. أتوقع اسمه سعد الغامدي. مش متأكد من الاسم بالذبط بس تقريبا ً في اسم سعد! بس اللقب مدري هو هو صحيح ام لا..

المهم انو انا حقرت الموضوع مع اني في البداية صدقت حتى اني جهزت اغراضي على انهم خلاص جايين وبيطلعوني عالسعوديه بس ماجو ولا ردو اتصلو من ذاك اليوم ابدا ً وتابعت دراستي في المعهد..وجتنا اختبارات وخلصنا الترم ووو..ألخ حتى ماجاني اي شخص ولا اي شي...رجعت بعد ذلك عالسعوديه...

وجلست فترة تقريبا ً ازيد من 6 اشهر ..ومن ثمن رجعت ادرس في كندا وفي نفس الكلية. ورجعت اعمل الاجراءات للتقديم على البعثة ولكن هذه المره إلكترونيا ً "عبر موقعهم" بالاول جبت لهم قبول جامعي وللأسف كانت الجامعه موقوفه لتكدس عدد الطلاب السعوديين وفي شهر 11\2009 جبت قبول ثاني وارسلته لهم واكتمل ملفي وتم افادتي انه يتوجب علي متابعة حالة طلبي على موقع الوزارة

ومنذ ذلك التاريخ الى الان اسمي لم يظهر على موقع الوزارة ...

فـ قمت بالاتصال على الاخت ريم سليمان -الله يحفظها ان شاء الله- وقالت لي "مدري ايش المشكلة حاولت ارسل طلبك الكترونيا ً ولكن السستم يرفض حيث انه تظهر لها عبارة انني مسجلا ً مسبقا ً في ملحقية ما!" وسألتني هل درست في اي محل قبل؟ قلت لها لا ابد اول ماتخرجت من الثانوية طلعت على كندا,, وقلت لها قصتي اني ارسلت اوراقي عن طريق فيديكس..ووالخ "عافرين القصة انتون قبل" فـ قالت ارسل لنا خطاب وان شاء الله راح نشوف لك حل ونراسل االوزرة لحل مشكلتك.

>>>علما ً انه لم يسبق لي الدراسة في اي مكان قبل غير كندا!!

كيف يصير ان هناك ملف مفتوح لي في ملحقيه اخرى !!!

ووش الهرجه دلحين...والله حرام انا من سنة 2008 والى الان ادرس على حسابي...والفلس دق بابنا...والحمد لله على كل حال

ما باقول فلس فلس ...الوالد قادر انه يصرف علي على ما اتخرج>>>بس موب عدلة انو ابوي يشتغل طول عمره وعنده الف ولد وبنت ...وبعدين لما يستلم راتب التقاعد تكون الحصة الاكبر لي >>>يعني بيصير هنالك تفضيل ابن على الاخر...>>>مع انه مافيه اي مشكله بالعكس الكل يبيني اكمل دراسة

ومثل ماتشوفون ...ماحس انها من العدل اني اكمل الدراسة اللي بتكلفني فوق ال نص مليون ريال على حساب ابوي...بينما سيبقى هو وبقية العائلة يكدحون على 100الف باقيه لهم بقية العمر

الله يجازي ابويي كل خير..على اللي سواه لي ولا زال يسويه.>>>قسما ً اني اخجل اقول له ابي مبلغ كدا كدا...المفروض وانا بذا العمر اصرف على نفسي...ويفترض اني متزوج واصرف على عيالي :S



وانا انتظر الحل منكم من المسؤول عن فعل هذه الجريمة فتح ملف لي في ملحقية اخرى؟! ومن اخاطب لحل هذه المشكله!

يعني سنتين انتظر وبالنهاية تكون المشكله ان شخص ٌلايخاف الله قام بتسجيلي في ملحقية ما...ولا ادري اين تكون ؟!

واتمنى من احد الاخوان ان يوصل هذه الرسالة لأحونا المستشار التعليمي...لربما يقدر يفيدنا ولو بالقليل...


والله يوفقنا وإياكم ان شاء الله

• نشر عبر تويتر
• نشر عبر فيسبوك
• نشر عبر جوجل