والله ياخوي ما أنصحك أبدا تاخذ قرض. طيب و خلنا نقول لا سمح الله خلصت فلوسك و ما جاتك البعثه وش تسوي ترجع و تتخسر فلوسك!! و الشهرين حتى لو كفتك الفلوس شهرين ما راح تخلص بها اللغة.
طيب تدري التذكرة بأرخص سعر 1850 ريال الى 2450 ريال لواشنطن بس زد عليها لا يقل عن 250 دولار تروح بها لمدينتك.
طيب اذا وصلت واشنطن مع الخطوط السعودية باص الملحقية بياخذك ببلاش انت و المبتعثين لفندق, المبتعثين على حساب الحكومة و انت على حسابك و الليلة ب84 دولار و انت يبي لك ليلتين على الأقل شامل الفطور. الغدا و العشا عليك و بطاقات الاتصال عليك و فواتير جوالك السعودي عليك.
طيب ديرتك اذا رحت لها وين بتسكن في البداية؟ بفندق و لا بتحجز في سكن الجامعه قبل ما تجي؟ اذا لا في اي فندق بتسكن و بكم راح تسكن و كم فطورك و غداك و عشاك ؟ و من بيوديك المطعم وبيدلك؟ انا التكسي وصلني من المطار الا الفندق اللي حجزته ب36 دولار يعني قرابت 130 ريال في مشوار 20 دقيقة بس.تكاسيهم ناااااار
طيب و بعدين المعاهد ما تسجلك الا لازم معك تأمين صحي او تشتري التأمين من عندها.و التأمين بالطايح 200 دولار اذا داخل نص كورس و اذا كورس كامل يوصل 400 دولار. ولا تنسى الكتب على حسابك و هي توصل 200 دولار
طيب أقلام دفاتر مساحات شناط أغراضك الخاصة كم بتكلفك و لا تنسى من اللي بيوصلك تقول باص مهوب شرط فيه باص من بيتكم للسوق و التكاسي نااااار لا و ازيدك من الشعر بيت يبي لك تشتري بطانية لأن أغلب السكنات ما فيها بطانيات يعني الله يعينك تشتري.
أنا أشوف و بحكم خبرتي أنه أكبر خطأ تقدم على هالحركة
أنا صار لي 4 شهور و الى الحين دافع على السكن والمعهد و الكتب لا يقل عن 8400 دولار و انا في تاون صغيرة بتكساس من غير الاكل والنقل و الشرب و احيانا تزهق تبي ترفه عن نفسك و لا تروح مطعم عربي و العربي غالي يعني هذي كم بتكلفك؟
أنا و الله ما ابي أحطمك لكن جمع مبلغ لا يقل عن 60 ألف ريال و يكون فيه احد وراك اذا بغيته يدعمك دعمك عطا فلوس و لا سلف لين تجيك البعثه. أما تخاطر بالديون و مبلغ يمكن ما يوفيك (لا).
وأي خدمه او معلومات اضافية أنا حاظر.و اذا على الإلحاق أنا فاتح ملفي في بدايات أكتوبر شهر 10 و ملفي في الجلسة 177 و الى
الحين ما ردوا لي خبر يعني اكثر من 3 شهور و ما الحقوني و اذا الحقوني فيه اجراءات لازم اخلصها بعد أنطر يا فلان لين ينزل الراتب و مو شرط ينزل كامل
و اسف على التحطيم و الإطالة طال عمرك
المبتعث11 February 15th, 2010, 12:45 PM
7 " الله يكووووون بعوووووونك
والله يكووون بعووون الجمييييييع يارب
Golden Eagle February 16th, 2010, 03:20 AM
7 " المهره ..
المعأهد في تكسأس ما اعرف بالضبط ..
بس انا ولايه جنب تكسأس مهب بعيدهـ .. فرق من ولايتنا لما ولاية تكساس ٣ ساعات بالسياره ..
وولايتنا ما اقولك حلوه بس الدرأسه تجبرك على الرخص لانك مو ع البعثه ..
والمعهـد إلي انا فيه بالششهر 1300 دولار .. حلو وتدريسه جميل جدأ ..
والله يوفق الجميع ..
T.A.X.E.S February 16th, 2010, 03:24 AM
7 " وبعون الجميع
يعني ياجماعه الخير شي يقهر لمن الواحد بيخطط
انا لا ابوي غني عشان اقول له هات مثلك
يعني اذا ماحاولنا فين نحاول
اذا في بلدي محصل كل شي مقفل في وجهي وش اسوي يعني؟
مابحاول وبرا ولا اجلس زي الحرمه في البيت لا اهش ولا انش واقعد؟؟؟
Zak February 16th, 2010, 03:26 AM
7 " والله ياخوك ماشالله اهنيك على عزيمتك
وعلى كذا لازم تحاول فأمر الاركاب وان قالها الله ما يمديك تصرف شي الا انت ملتحق بالبعثة
تمنياتي لك بالتوفيق.......
برااء February 16th, 2010, 05:16 AM
7 " 
LinkBack URL
About LinkBacks
وبعدها يصدرلك I 20 تقدر بعدها تاخذ موعد فالسفارة بيه
الله يكتبلك اللي فيه الخير
بالتوفيق......