إلحاق المرافق للبعثة

والله ياخوي سؤالك صعب جدا الاجابه عليه مع الوزاره اللي قوانينها مثل السلطه
عندك مثلا انا مرافق صار لي اكثر من سنه وخلصت لغه وطلبت انظمام للبعثه قالوا لي لازم تسجل في الجامعه وتبدأ دراسه اكاديميه بعدين نرسل اوراقك... قلت اوكي وسجلت في الجامعه ودرست سنه كامله والجامعه تبي فلوسها وكل يوم خطابات عشان ادفع رسوم الجامعه والملحقيه تقول للحين ما جاتك البعثه والنتيجه تم توقيفي من الجامعه بسبب عدم تسليم الرسوم .
ها وش رايك؟؟ في اغرب من كذا؟؟؟؟
طيب ما بتعطيني البعثه لا تقول لي روح سجل وتبلشني مع الجامعه!!!!!!!!!!!!! ما ادري اضحك او ابكي!!!!

عزيزي سؤالك جاي على الوتر الحساس .....

النظام يقول يتم الالحاق المرافق بالبعثه بعد ما ينهي اللغة ويحصل على قبول مباشر من الجامعه ... طبعا اللغه المرافق يقدر يدرس على طول وياخذ الموافقه من الملحقيه مباشرة ويصدرون له ضمان مالي

لكن قبل سنتين تقريبا كانوا يضمون المرافق اول ما يوصل قبل ما يخلص اللغة ويصير مبتعث وطبعا هذي فيها ميزه بالمكافاءه تفرق بين مكافاءة مرافق و مبتعث ....
لكن بخصوص فصل بعثة المرافق عن المبتعث الاساسي فهذي هي المشكله المرافق حتى لو انظم للبعثه تبقى بعثته مرتبطه بالمبتعث الاساسي ولو خلص المبتعث الاساسي بعثته ينظرون للمرافق كم باقي له عشان يخلص اذا خلص 75% يخلونه يكمل و اذا ما خلص يقلوله لم عفشك وعلى الديره الله لا يهينك ....

الفتره الاخيره او الحاليه في تلاعب من الوزاره بخصوص المرافق والظاهر لكثرة المرافقين يعني بداء يعكسون الامور ويختلقون كلام فاضي والضحيه المرافق واكبر مثال عندك الاخ scorpionz وهناك حالات كثيره للمرافقين ومشاكلهم مثله ....

يعني تطلع على حسابك وتدرس افضل وممكن تكون فرصتك للانضمام اكبر .....

مانقول الا حسبنا الله ونعم الوكيل في كل من يختلق الامور للتعقيد الطلاب

مثل ما قال الاخ bE Bo
تطلع على حسابك افضل بكثير لاني اشوف اللي على حسابهم كلها كم شهر وينظمون وانا مرافق جالس انتظر اكثر من سنه والامور زفت في زفت حتى اني كرهت البعثه و الاغلب اني بلغي البعثه واضيعها على زوجتي والسبب الوزارة الموقره الكريمه الحكيمه !!!!!!!!!!!!!!!1

الله يوفقك ................................

والله مشكله حتى رسوم الجامعه مايدفعوها قهر من جد انا كنت افكر انه فقط المكافاه هي الاتفرق لكن تقدر تدرس جامعه حتى لو كنت مرافق
لكن بصراحه المفروض ماتسكت على هذا الشي لانك تستحق الابتعاث

ممكن يا اخوان توضحون فيما لو الحق مرافق للبعثة من ناحية المكافأة كيف تحسب ؟؟؟
يعني هل يصدر مكافاة لمبتعث ولمرافق الحق بالبعثة ؟؟ ام مكافاة واحدة ام .....؟

نعم تكون مكافئتين منفصلتين كل في حساب منفصل كل واحده 2600 دولار بالنسبه لطلاب كندا

اشكرك خوي سكوربيون

بالتوفيق للجميع