اخوي .. اشوف ان الدكتور ما غلط .. يعني قالك كمل باقي الشروط عشان نلحقك ..
والواسطة يا اخوي سواء انت ولا غيرك اخذها .. فهي ظلم لباقي الطلاب الي ما يمتلكونهآ ..
ولو كل واحد منآ كان صادق مع نفلسه وامين ما احتجنآهآ ومشت امورنآ بكل خير ..
اخوي .. بمآ انك مجتهد مثل ما قال لك الدكتور .. اخذ على الاقل كلمته دافع لك بمآ انك ابهرته بدرجآتك ..
والله يكتب لك مافيه الخير ..
محمد العاني May 18th, 2010, 10:03 PM
7 " لاملك الا الله يكتب لك الخير ولكل طالب مجتهد بسعرك اخي الطالب.
والله العطية يقدر يساعدك وساعد الكثير وانا طالبت منه ذات يوم اوامر اركاب وتعبت ومن دون اي فائده.
sys May 18th, 2010, 10:42 PM
7 " اخوي انا من قبل مستغرب من الناس ماخذين مقلب في العطيه
اكره الكذاب
ودي يقولي ما فيه ولا يقول لي يوم قدمت امر اركاب
اووووووه ماشاء الله بتدرس ما جستير لا امورك بخير ... الله يوفقك
وين بخير وانت تصرفني يا دكتور لا تكذب لا تكذب لا تكذب وكفى
خمس مرات اجيك و تكذب وتقول كل مره ليه ما عطوك امر ومسوي انك عصبت وانا ادري اذا حولتني للبعثات ترفض
واذا حولتني للمدير عندك مشت بس وش اقول
الله ييسر من عند الله للإلتحاق
دارس شهرين باقي شهر على كلام الملحقيه وترفع اوارقي والله يعين
المعذره اذا فيه اخطاء إملائيه اكتب وانا مستعجل
تحياتي
ugd hgohg]d May 18th, 2010, 11:26 PM
7 " الله يعينك
والحال واحد كلنا في الهوا سوا
ياخسارة الرحلات والفنادق وفي النهاية تصريف بطريقة احترافية
حسبي الله ونعم الوكيل
The Arrow May 18th, 2010, 11:35 PM
7 " الله يعين بس الله يعين يلحقون العالم بالواسطات وبعدين يقولك النظام ٣٠ مليون ساعه ههههههههههههههه
al-madani abdulllah May 18th, 2010, 11:45 PM
7 " شباب الله يعافيكم
لا احد يدافع عن العطية او غيره كلام بعض الاخوة صحيح في ناس لازم تنطيق عليها الشروط وهي 30ساعه غير اللغة{الغلابة اللي ماعندهم واسطات}
وفي ناس من اول شهر او 3بالكثير وهو باقي بفترة للغة ينضم وليتهم واحد والا اثنين ياما وياما
غير اللي يطلع من السعودية بواسطة
والله قريت وشفت وكلمت ناس من الاصدقاء ياما شافو ناس جايين بالواسطات
يعني لاتدافعون ولاتقولون الا كلمة الحق يا ينطبق شرط 30ساعه على الجميع يا ضمو الناس زي بعضها
لكن مانقول الا حسبنا الله ونعم الوكيل
alaseer.. May 19th, 2010, 12:47 AM
7 "
May 18th, 2010, 09:36 PM
بدون مقدمات انت وياهـ
طبعا دخلت عن طريق واسطة بعد الله ودخلني لمدة ربع ساعة وكان فيه صف كبيييييييييير كلهم زي حالتي
بس تصدقون حسيت اني صدقي وقتها يوم امشي مع الواسطة والغلابـآ صافيين سرى طووووووويل من الفجر قبل الصلاه محضرين ماشاءاللهـ
ودخلت لحالي ودقيت الباب بكل احترام وسكينه ووقار باب بيتنا مايعرف الدق المحترم من يوم سكنا فيه لنا سنين
سلام عليكم ورحمة الله وبركاته
ورد وهو مايناظر فيا عليكم السلام .. احس اني جني
قلت كيفك يادكتور ان شاءالله بخير وقال الحمدلله بخير وش عندك !.؟
قلت هذه اوراقي قدامك ولي سنة ونص ادرس على حسابي وللاسف الى الان على حسابي
قال طيب وبعدين!!!!!!!!!!
هذه سالفتي مافيه شئ بعدين..وابي من سعادتكـ ان توقع لابن من ابنائك بالالحاق بالبعثة وتعطيني الضمان المالي واللي يعافيكـ لان عندي ترم بيبدأ بعد اسبوعين ويبغون مني حول 10 الف
قال ليه شايفها فوضه..طيب هل خلصت الشروط..!؟
نعم اكملت سمستر وباقي سمستر علي لين اطبق الشروط
قال ان تعرف النظام وحنا نمشي عليه 30 مليون ساعه!!!
>>>>قسم بالله شباب اشوفهم دايم بالواسطه يرحم والديك وشلون تطبق النظام((بس بقلبي قلتها مو قدامه))
وبعدها القى نظرة سعادته مطئطئآ براس سموه الكريم فوق اوراقي اللي تعبت اجمعها واجيبها لهـ وارصها
ثم رفع من طئطئتهـ قليلآ وقال ماشاءالله عليك درجاتك حلوهـ
قلت الاجتهاد الله يطول بعمرك وانا امثل ديني ثم بلدي المملكة العربية السعودية
>>عطاني أمل واختها حنان شوي
ثم هز رأسه رويدآ رويدآ وقال اكمل الساعات الباقية وقدم عالنظام وان شاءالله فالك الالحاق
بس تعرف الميزانية هالسنة قليلة بالنسبة للطلاب اللذين خرجوا للخارج يدرسون
>>>يرحم والديك اكبر ميزانيه تعرفها الوزارة من عهد عبدالعزيز الله يرحمه((بقلبي طبعا))
قلت ومالحل من سعادتك وماذا ترى
قال هذا اللي عندي وقلتلكـ مالك الا النظام..
>>>طاحت آمالي وجميع ماأملك من ابتسامات كنت افرقعها يمنتا ويسرتا
واحسست ان المستقبل امامي وقف وقال لي (ممنوع العبور من هنا..!)!
ثم قال انتهى الوقت مع السلامهـ.... والاخلاق عندي زفت ومقفلهـ والحال كسيرهـ
قلت وش رايك لو عندي واسطة قويه وجبتها هل بتلحقني بالبعثة..؟؟
>>خربانهـ خربـآنـهـ
قال الوقت انتهى بارك الله فيكـ وكمل الشروط وارفع اوراقك ونلحقك..انتهى حديثي معكـ..كلم السكرتير وقال اللي بعدوه
يالعطية ويالموسى ويالعنقري يعلم الله انا ماخذين حقنا شأتم ام ابيتم..والوعد يوم الحشر
كنت اسمع مدح من الشباب عالعطية ويقولون اخلاق ومدري وش
صدقت ومشيت لهـ وليتني مامشيت . الله يسامح اللي دخلني عليه ويسعده مثل ماقهرني
تصدقون وش اللي ندمت عليهـ...العشرة ريال حقت علبة النشاء الازرق اللي شريته بالغتره عشان العبيـهـ مدري العطية يشوفني
كان فكت ازمه العشره ريال وانا مغترب عشتني ولا شرت لي شحن
خلاص بعت اغلى مااملك وهو لابتوبي عشان رسوم الكتب حقت الجامعة!!
الله ينتقم من كل سلطان مارد حطم طالب علم.
لاتجعل اليأس يحطمكـ وانما اجعلهـ وقودآ للنجــآح
الحب سكر الحيــآة ودوآهــــآ
الله ينتقم منك يالعطيه يوم جيتك ورديتني