استفسار هل صحيح الان ماقدر انظم للبعثه الا بعد سنتين ؟؟

ولا واسطة ولا هم يحزنون واسطتنا رب العالمين ..

انا والعضو دحمون والعضو المنسي والعضو جرح مطير وكذا واحد بعد من اعضاء المنتدى

كلنا خلال شهر واحد بس انضممنا للبعثه ........

الله يوفقك اخوي واذا بتعتمد على كلام الناس ما بتسوي شيء ...انا قبل لا اطلع الكل وقف في وجهي .....وقالولي بتتوهق واللي قالي بتندم ...وزوج اختي يقول بتخسر وظيفتك وما بتلاقي وظيفه ثانيه ....

بس توكلت على الله وجيت وانا كلي تفائل ورب العالمين ما خيب ظني ...

توكل على الله هذه نصيحتي لك ...واخوي الله يقولها لا قدر الله وما ضبطت الامور أقل شيء انت ماسك لك سرى عندك ملف في الملحقيه هذا بحد ذاته انجاز وحتى لو رجعت السعودية ما انتهت الفرصة 99,99999 % تلحق وانت في السعودية وبعدها ترجع مرة ثانية .....

تحياتي

اول شي كل عام وانتم بخير..
وكلام اخوي ولد السلاطين صحيح انا لي ثلاثة شهور فأمريكا ولسى مالحقت ولاأرسلو ملفي واعرف اشخاص وصلو لكندا بعدي ومشالله الحقوو ولا واسطة ولاشي فالأمور هناك احسها سهاله هنا والله جننننوناااااااااااااااا..
بس الله ياااااااااارب ييسرها ويفرج لنا ياكريم.

الله يعطيكم العافيه كلام يطمن عن كندا

طيب بنسبه للمعيشه في كندا ارخص من استراليا ؟

أول شي
كل عام وأنتم بخير وتقبل الله طاعاتنا

شوف يا حبيبي قبل لا تطلع أي دولة حاول بقدر الإمكان يكون معك أمر إركاب لأن أمر الإركاب بإذن الله بسهل أمورك بعد تسهيل الله لها سواء كندا أو أمريكا
أنا لي شهر وكم يوم من دخلت أمريكا وإلى الآن ما انضميت وخويي دخل بعدي لأمريكا له بالضبط الآن شهر وانضم للبعثه لأن الفرق عنده أمر إركاب وأنا ما عندي أمر إركاب

الله يسهل لي وله وعلينا جميعا

طيب امر اركاب وين اجيبه ووش وضعه

وضح الله يعطيك العافيه

شف اخوي انت إذا كنت تشتغل وراتبك قوي اقصد فوق ال 6000 الاف لك الخيار طبعا انك تروح او لا طبعا انا اقصد هنا إذا عندك شي بتخسره مثل وضيفه قويه او اي شي ثاني ونت متردد الخيار يرجع لك بس انا اقولك اجلس محلك اما إذا انت ما عندك وظيفة توكل على الله ورح كندا الكلام عليها انا على سبيل المثال تركت وظيفتي بس وظيفتي كانت مو ذاك الزود يعني يعني كنت استلم 3400 مع العمولات توصل 4 الاف وشوي بس الصراحة ما كانت الشغلة من طموحي ابد فتركتها وجيت كندا ومثلي مثل غيري متكل على الله والله يوفق انشالله انتظر دوري في الألحاق وإذا عندك طموح ودك تطلع نصيحه استخير وشفلك واحد فاهم ويكون اكبر منك بمراحل كبيرة مو يكون واحد من ربعك وسئله لأن راح تكون عنده خبرة في الحياة ولا تعلم الناس انك راح تطلع لأن الناس لهم اراء كل واحد له راي الي بيقولك انت خبل تطلع تترك وضيفتك والي بيقولك لا لاتروح غربه وماني عارف ايش انا ما علمت احد إلا قبلها بسبوع طبعا القريبين مرة مني والبعاد درو وانا في كندا الي ابي اوصله لك ان كل واحد له راي معين فأذا انت في بالك شي ما عليك من الناس توكل على الله وسو الي في راسك وتذكر ان مراحل الأبتعاث 5 مراحل جديد يعني المرحلة السادسة لسة ما في واحد منهم طلع وتقريبا سمعت ان الدفعات الي بتطلع كلها أطباء يعني إن شالله في أمل كبير للألحاق وحتى إذا ما الحقوك بيكون ملفك مفتوح وفي اي وقت تلتحق
طبعا الخيار الأول والأخير لك والله يسر امرك انشالله *

علي حسب الدولة الي رايح لهآ ...

شف وانا اخوك انا لي فوق ثمان شهور اتابع حركة الالحاق يعني تقدر تقول كني الرائد ابو شراره وحركه السير ههههههههههههههه

للحين مافيه سبب معين يفسر لك الية الالتحاق ... صحيح انه لازم تنهي 9 ساعات ماستر او 30 ساعة بكالوريس زي ماقالو

لكن امريكا وكندا الى وقتك هذا ماطبقو هالنظام ... بالنسبة لميزانيتك تكفيك تجلس 6 او 7 شهور ؟ اذا ايه اتكل على ربك وتعال

انا كنت قبل كذا مثلك متردد اطلع او لا وطلعت على بريطانيا وجلست هناك فترة ولاالحقت بالبعثه بس كان هدفي لغة

انت دام ان الكلام للحين موب واضح لحد وان كل فترة يلحقون فلان وعلان مرات بواسطه ومرات بدون زي المكرمه اللي جت

حط في بالك انك والله بتطلع امريكا مثلا او كندا لغة ان ماقبلوك خلال هالفتره ترجع وانت ماخسرت شي بالعكس معاك لغه فهمت علي

يعني لاتقول والله بخسر فلوسي ومدري ايش لاحط في بالك انك بتطلع تدرس لغة وان جاك انضمام زين على زين ان ماجاك رجعت بلغة