مساعدة موظف ارامكو وناوي اترك الوظيفه لاجل الدراسه بالخارج

باختصار اقولها لك من حسب موضوعك عرفت وضعك بالضبط

لاتجي وكمل دراستك اون لاين

لكن الدنيا حظوظ يمكن تجي مكرمة ثانية والله اعلم هي موجوده والا لا

كمل في جامعة الامير محمد او سلطان دوام جزئي و تمشي امورك

اخوي الكريم
على حسب علمي ان ارامكو تعمل برامج ابتعاث وهي افضل من برنامج الابتعاث العادي
اتاكد واسأل ممكن يكون لك نصيب في الابتعاث تبع ارامكو :::::::::::تراة مررررررررررررررررة:::::::::: ممتازابتعاث ارامكو يضمن لك الوظيفة عالى طول بعد تخرجك < يعني تروح تدرس على حسابهم وقبل ماتروح يكون محدد لك مكانك الوظيفي>
اما برنامج ابتعاث الملك عبدالله ترح تدرس ممكن تنجح وممكن لا؟؟؟ ولما ترجع تدور على وظيفة مثل اي متخرج جديد
بالنسبة للابتعاث على حسابك الخاص ترى مرة صعب وامورة جدا معقدة ممكن يضموك وممكن لا ::::يعني في علم الغيب ::::
القرار راجعلك اولا واخيرا لك
فكر كثير واستخير "":": عصفورة في اليد ولا عشرة على الشجرة ":":"
اسأل الله العلي العظيم في هذا اليوم المبارك انه ييسرلي وييسرلك امرك

مشكورين اخواني ع الردود
بالنسبه لموضوع الدراسها اون لاين او في جامعه الامير محمد بن فهد ما ناسبني هم يبغون دوامي يكون انتظام عندهم وانا بصراحه ما اقدر انتظم معاهم ....
وانا ودي اصلا اتفرغ للدراسه وابي ابعد جو العمل عني لان دوامي 12 ساعه والمسافه بيني وبين الجامعه تقريبا 200 كيلو .....

وبالنسبه للابتعاث حق الشركه فهذي كأني اطلب يد بنت واحد من كبار موظفين الشركه لانها مررررره صعبه ولازم واسطه مره قويه ويسمى هذا النظام CBC وانا ودي فيه واختبرت اختباره بس الله ما راد ...

يعني ابي حلول افضل الله لا يهينكم
عموما الميزانيه راح تكون في حدود 500 الف

ولكم جزيل الشكر واعتذر ع الاطاله

شف حبيبي
انا بقولك بصراحه
لو كنت ناوي تجي امريكا فعلا حط ببالك انك لازم تخلص ٣٠ ساعة اكاديمية غير الانجليزي، وشوف بتكفيك فلوسك والا لا
ويمكن يكتب الله لك الالتحاق قبل، لكن حط ببالك اسواء الاحتمالات لانك بتخسر وظيفه وبتضيع على نفسك شئ كبير
يعني لو عندك قدرة على تحقيق الشروط تعال، ماعندك قدرة انت موظف وغيرك يتمنى الوظيفة

عارف هالشي يا صاحبي وانا في راسي دراسه والي معاه سلاح احسن من الي ما عنده والشهاده بحد ذاتها تعتبر سلاح ومعاي خبره في مجال عملي كذلك......
عشان كذا انا ودي بشهاده وهذا الي براسي الحين وودي اسويه .....

بس ابي احد يجاوبني ع اسالتي كلها الله لا يهينكم ...

والله يجزاك بالخير ع حرصك وتفاعلك مع الموضوع ....

( ما خاب من استخار ولا ندم من استشار )

اخوي الله يوفقك

و توكل على الله وما في شيء مضمون وخد بالأسباب الصحيحة و ان شاء الله بتوصل لهدفك صح

والله اعلم

يعطيك العافيه اخوي المختار ابوي سامي ...

بس مافي احد يقدر يفيديني عن كل تسائلاتي ؟؟

محتاج ردودكم ضروري الله لا يهينكم يا جماعه ....