سأبحث عن مصلحتي حتى لو كانت في إسرائيل

على حسب نوع التأشيرة ،لو دخلت بالجواز السعودي سيتم محاكمتك وسجنك بالسعودية، الحل تتزوج أمريكية وتأخذ القرين كارد بعد سنة أو سنة ونصف ، وتتدخل عن طريقه لإسرائيل، إسرائيل بلد حلوة وأهلها راقيين ومتحضرين وبلدهم نظيف وخالي من الفساد ويحاكمون الفاسدين حتى لو كانوا على رأس السلطة ، وأكلهم حلال لأنهم أهل كتاب

فيه تجار سعوديين يدخلون إسرائيل عن طريق الختم على أوراق بيضاء ، يحلونها لهم الشركات اللي تستدعيهم للإستثمار والتجارة معها وبكذه يتخلصوا من مشاكل الختم على الجواز السعودي

ههههههههههههههههههههههههههههههههههههه

<<-= مدري اضحك والا ابكي على حالك


اخوي الغالي العزيز (الوطن غالي )

لاتحسب ان الدنيا صافيه لك او لغيرك طول العمر مهما كنت ومهما حققت من انتصارات او نجاحات او مادة

لابد انه يمر عليك يوم تكره الدنيا ومافيه علشان كذا فيه ناس كثير من ديانات اخرى غير المسلمين عندهم الانتحار بشكل رهيب

هذا اولا لكن ثانيا بالنسبة للبلد والموظفين سوا حقين السفارة او القنصلية او الوزارات الموجوده بالبلد

مستحيل اي شخص سوا كان سعودي او غير سعودي انه يعامل كل الناس اللي يمرون عليه بنفس المعاملة

مره يجيك واحد يتكلم معاك باسلوب راقي يقولك كلمة حلوه تضحكك وتبسطك وتخلي تعاملك معه راقي

ومره يجيك واحد مايتكلم الا لمن تسئله ويصير اسلوبك معه رسمي جدا واحيانا يجيك واحد يكرهك بحياتك

واحيانا انت نفسك يالموظف وين ماكنت تجي لدوامك وانت كاره حياتك كلها شلون تبي تتعامل معاهم صح

ولو ان موظفين الوزارة او السفاره والقنصليات سيئيين وفاسدين كان ماشفت هالكم الهائل من الدارسين على حساب خادم الحرمين الشريفين

الله يطول بعمره ويخليه ذخر لنا

صحيح ان فيه واسطات وفيه وفيه لكن هذا شي طبيعي جدا جدا جدا لكن صدقني ويكون بعلمك

ان رزقك مكتوب عند رب العالمين ماهو عند الوزارة او عند اي شخص اخر واذا احد ظلمك بتلقاه بالاخرة باذن الله وتاخذ حقك

اما بالنسبة لمكتب العمل ونظامه وكم عدد العاطلين

انا اقولك شد حيلك ورجع للسعودية واذا مسكت منصب ورنا شطارتك

لكن العاطلين موجودين بكل مكان بالعالم ماهو بس عندنا يعني اعتبرني انا وزير العمل

بذمتك وش اقدر اسوي لك من اطلع لك وظيفة ؟؟تنام في بيتكم وكل اسبوع تمر مكتب العمل ولاتفكر حتى تروح تدور بالشركات وظيفة

انا يامحاكيك ماعمري مريت مكتب العمل وتوظفت من دون مساعدتهم ثلاث مرات وكل مره اطلع من الثانيه واقدم بنفس على الشركات

بديت وانا كان راتبي 1700 ريال بس في عام 2006 قبل اربع سنوات انا حاليا اخذ راتب 7100 ريال سعودي وشهادتي بس ثانوي

ماعندي غيرها لكن اذا انت تسمي اللي يتوظف بوظيفة عادية ويجلس كم شهر ويطلع عاطل عن العمل هذي مشكلتك ياعزيزي

والا تروح توظف لي حارس امن بشركة وتبي راتب اعلى هذي مشكلتك راح تبقى طول عمرك حارس امن (لانها وظيفة عقيمة)

هذي المشكله ماهي مشكلة بلد او مشكلة مسؤل هذي مشكلتك انت ماتبي تطور نفسك تبي كل شي يجيك بالسهولة

تبي بعثه تجيك لباب بيتكم او تبي تروح هناك وتبي تاخذ بعثه بشهر او بشهرين ياخي اتعب حس بطعم التعب

صح ان فيه ناس اخذوها بسهوله وفيه ناس راحوا على حسابهم وجتهم البعثه باقل من اسبوع واكرر اقل من اسبوع

لكن ياخي انا توظفت اول وظيفه بـ 1700 ريال وزميل لي توظف بنفس وقتي وبواسطة بالخطوط السعودي براتب فوق 5000 ريال سعودي وشف انا الحين كم راتب فوق 7000 ريال وهو للحين 5000 وعليها

لما ترقى السلم درجه درجه فرق بين انك تطلع من اخر السلم

اعلم يابعدهم ان فيه شباب الله يهديهم طلعوا من السعودية عن طريقة البعثه يعني مادفع اي شي من جيبه الا القليل

وماكملوا كم شهر الا وهم راجعين تدري ليش ؟؟؟؟؟ لانهم ماحسوا بطعم المعاناه او بطعم المثابره لان كل شي جاءهم بارد مبرد

وفيه اللي منهم واصل لكن مستواه التعليمي فاشل ويجيب اقل المعدلات ليش؟؟؟ لانه يابعدهم ماحسب بطعم المثابرة والمعاناه اللي

انت تمر فيها ومر فيها غيرك

انا اعرف ناس كثير طلعوا على حسابهم وانضموا للبعثه اللي منهم ماخذ قرض من البنك واللي منهم بايع له ارض

واللي بايع سيارة اخر موديل ضحى فيها واللي متسلف واللي رايح يحبحب يد ابوه كل يوم علشان ياخذ منه مبلغ وقدره

انت معاك حق انك تزعل وتتضايق ان والله موظفين الوزارة ماسووا لك شي

يالغالي انا وانت وهم كلنا خدامين لخادم الحرمين الشريفين وحنا عصاه اللي ماتعصاه وهو امرهم انهم يهتمون بشعبه وطالبهم

اذا هم اخلوا بشي بدون قصد الله يسامحهم واذا اهم اخلوا بشي بقصد هذا حسابهم عند رب العالمين

واحمد ربك يمكن وزارة التعليم العالي احسن من غيرهم اللي ماشفنا منهم شي سوا كمشاريع وغيرها من مشاريع البنية التحتيه

لكن الوزارة جهودهم كل الناس تشوفها وقدموا الكثير والكثير وهذا الشي شغلهم ولالهم لافضل ولا منه مالهم الا الاجر من الله

سبحانه وتعالى وصدقني يالغالي ان ارضاء الناس غاية لاتدرك وانا اعرف تمام عن كلمة اسرائيل اللي قلتها هو مجرد

تعبير عن الغصب اللي داخلك وانا بصراحه اعجبني اصرارك على تكملت الدارسة حتى لو على حسابك الخاص

لكن احب اقولك لاتدمر حياتك علشان دنيا زائلة اذا حاب تكمل دراستك حاول تكون مصدر اموالك وحياتك ومعيشتك مصدر حلال

ومصدر موثوق منه لكن حط في بالك (اللي عند الرجال كايد ومافيه احن من الام على ولدها مافيه احن من الوطن علينا)

ولاتستهين نهائيا باي مساعدة تقدم لك من مصدر ماهو موثوق لك. مافيه شي يقدم لك لسواد عيونك او علشانك مسكين وحاله عليك الصدقه

صدقني وانا اخوك ان الله سحبانه تعالى مايضيع عمل مؤمن تدري ان تغربك ودارستك هذي وسفرك لغرض الدارسه

تاخذ عليها اجر عن ربك لانك رايح تطلب العلم

واسرائيل وغيرها من الدول حتى او اخذت جنسيتهم ترى معاملتهم لك غير عن معاملتهم لابناءهم

لكن حنا بالسعودية افضل الدول الموجودة بالشرق الاوسط وافضل دول المنطقه تدري ليش

ادري بتقولي الامارات او الكويت افضل منا ومادري شنو

انا باقولك حنا عندنا شركات تختلف عن بعضها البعض بتجارتها

اللي فيها الزراعية والا الغذائية او الصناعية والا العقارية والا الالكترونية وغيرها كثيرة واللاف الشركات

لايغرك الوضع المادي لبعض مواطنين دول الخليج انا شخصيا اتجول بدول الخليج كثير واعرف ناس مستواهم سئ جدا

مع انه اماراتي او كويتي وعلى فكرة الدولة الوحيدة اللي تعطي بعثات لمواطنيها بالمنطقه هي بس السعودية والباقين اذا كانت دولة خليجية

والله لازم تروح يالمواطن وتدرس لك سنه بالجامعه خل اللغه عنك وبعدين اذا استوفيت الشروط وقتها ممكن انهم يقبلونك

اما اذا كنت من مواطنين دولة غير خليجية والله تحلم لو تجيب معدل 4 من 4 انه يعطونك بعثه لا يمكن ياخذون منك ضريبة

انت تدري او ماتدري ان فيه موظفين اوربيين وامريكيين متوظفين بالسعودية بشركات سعودية تدري ليش لاتقولي علشانهم

معطينهم رواتب ضخمه لا وانا اخوك لانهم تخرجوا من الجامعات ومالقوا وظائف واكيد لابد انه يعطونهم رواتب هنا عالية

لان عملته والمعيشه عندهم مرتفعه جدا

عموما انا ودي اشرح لك وافهمك لكن مابي اطول عليك وانا اتمنى ان مايدخل احد هالموضوع من الجهال او من الناس

اللي عندهم ضعف بالوازع الديني او ماعندهم ثقه بالنفس ويتاثرون باللي انت كاتبه

انا متاكد تمام ان تعبيرك هذا مجرد تعبير عن ضغب لااكثر ولا اقل والله يوفقك ويسر امرك ويكفيك شر نفسك وشر الاخرين


تحياتي لك
اخوك نواف

شد حيلك وروح واشتغل في قطر او الامارات

أستعن بالله على شيطانك

ولا تعتقد بان كتابتك لهذا الموضوع ستجير العواطف لصالحلك، مثل كاتب موضوعك يحتاج لإعادة تأهيل ديني و وطني، و من المفترض ان لا تبتعثه دولته.

لو أبتعثتك الدولة و حصلت على الدكتوراه و اعطتك ما اعطتك فانك ايضاً ستبحث عن مصلحتك حتى لو مع صهيوني، فمثل حامل تفكيرك من المفترض لا يُنصب و لا يوكل اليه اي مهمة، حتى انه لا يوكل امر نفسه.

و مع هذا أسأل الله لك العون

والله مشكله
شكلك معزم انت تروح اسرائيل
شرايك لمن تروح هناك تخش الجيش وياهم
بعدين تهجم على السعوديه بسبب الفساد الي صاير فيها

ياخوي انت ما فيك صبر
عسى ان تكرهو شي هو خير لكم

اخوي الوطن الغالي
ما هكذا تورد الابل ياخوي

صح لساانك , ومابعد كلامك كلام =)

وحاب اضيف شغلة ..

اعرف طالب كويتي على حسابه الخاص , يقولي الدولة عندنا ماتعترف بفترة اللغة ..

اول مايدخل الجامعة ويخلص اول سنة تجيه البعثة .. لازم يخلص اول سنة وبعدين يقدم طلب انضمآم ..

ورواتبهم 1800 دولار , احنا زايدين عنهم بـ 40 دولار

والله حالتنا كسعودين احسن من حالة بقية الدول العربية ..

الكوريين واليابانين هنآ يجو يدرسو على حسابهم كل السنوات ولا فيه انضمام ولا اي شي .. ونفس الكلام لباقي الدوول ..

الحمدلله على النعمة اللي احنا فيها , والله يديمها من نعمة ..

مع انو فيه فساد , بس باقي فيه خير في دولتنآ ..

اللهم لك الحمد

ويارب ديمها من نعمه

نعم ,, ما هكذا تورد الابل ياخوي الوطن الغالي