فضفض

اتفقنا على شيء واحد وهو ان جميعنا يحمل نفس الهم

وش اقول وش افضفض والله الي فيني ما يكفيه الموقع باكمله والله فيني ضيق ما يعلم به الا رب العالمين بس وش نقول غير الله يفرجها ويكتب الابتعاث والله تعبت مدري وش اقول.....اقول والا اسكت بس اقول الله يعيني ويصبرني.... لي ثمانيه شهور على حسابي وفرحت يؤؤؤؤم شفت الاعلان عن المكرمه طرت من الفرحه والله فرحتي ما توسعها الدنيا باكملها ....... لكن نقول الله يكتب الي فيه الخير وانشاء الله يكتب المكرمه من ملكنا الله يحفظه ويطول في عمره....... واقول لكل دارس على حسابه الخاص الله يكتب المكرمه ودعواتكم بس والله يفرجها ......

اخوكم : صـــــريــــــح جــــــداً

نفضفض ليه ؟

ميت لنا احد لا سمح الله

انتهت حياتنا ؟

وش صار عشان نفضفض ونشكي ومدري وش

مريضين انتم ؟ فيكم بشي ؟

مدري وش جوه الي يجي ويحط موضوع زي هذا ويقول فضفض ومدري وش

الي يشوفك يقول كل هموم الدنيا فوق راسك

هذاك في اعظم دوله وعايش احسن من اهلها وتدرس وتفلها بعد وتسوي الي تبي وتجي تقول فضفض

ولا يعني يعني فيلم دراما ولا وش السالفه ياعالم

تعال فضفض يا الله ماجاتني البعثه !!! يعني وش انتهى العالم

إشاعه : المكرمه بعد اسبوع ,, لوووولل

إشاعه : يوم الربوع راح تنزل المكرمه .. لووووولل

إشاعه : بعد يومين ستسمع خبر يسرك بإذن الله ,, لووووولل

إشاعه : المسؤول الفلاني يعلن بقدوم مكرمه قريبه .. لوووولل

إشاعه : الرئيس الفلاني لم يصلنا خبر بالمكرمه ولكن ستأتي مكرمه عن قريب بإذن الله لوووولل يمكن بعد شهرين خخخخ

إشاعه : النصر راح يأخذ بطووووله ,,, لوووووولل

ههههههههههه

انا اقول فلها وربك يحلها
يعني لازم تكون عندي واسطه عشان تجيني البعثه طيب انا ما اعرف احد في الوزاره يعني كوخه اموت احسن
المفروض يشتغلون بعدل و اخلاص .
اذا دعتك قدرتك على ضلم الناس فتذكر قدره الله عليك ؟؟؟؟