مساعدة شباب اللي له خبره بمكاتب الدراسه بالخارج (يخش)

ووين الردود يـاا شباب ؟؟؟؟؟؟؟؟؟

هلاوالله اخوي

بعطيك اسم مكتب بيجيك مليار واحد بعدي بيقول هالمكتب نصاب وبالاخير انصدمت ان كلام الناس عكس تماما

لكن انا وثلاثه من اخوياي رحناله وجابلنا قبولات صح ممكن يتاخر لكن كل المكاتب تتاخر لان التاخير مب من عندهم

انصحك بمكتب مستقبلي تلقاه عند الممشا حق الملك عبدالله

وبشكل عام اي مكتب تروح لمه وتقول مدري اي جامعه اروح بيعطيك اي شي لان باليوم يجيه اكثر من واحد يقول مدري وين اروح ويفكرون سوا بجامعة وبامريكا الجامعات المعترف فيها توصل 4000

فتخيل اسالك سؤال واحطلك 4000 اختيار واقول اختر الاجابة الصحيحه

فانت ابحث بالمنتدى و بعد واسال فالمنتدى وحددلك ولاية معينة على اقل تقدير

واي مكتب راح يفيدك وفيه موقع الوزاره الحين تقدر تدخل عليه من الجوال وانت عند المكتب بعد

مالك بالطويله انا رحت لم مكتب مستقبلي وموجود حاليا في امركيا

وقبل اختار اي شي جلست حول الشهر وبحثت وماخليت ولاية الا وفصفصتها اذا بغيت اي استفسار اسال ولو تسمح الاداره حطيت رقمي

والله وانا اخوك خل احد يعرف انجليزي يساعدك ترا كلها تشوف وش الجامعه الي تبيها وتدخل على موقعهم وتعبي البيانات وترسلها لهم بالبريد وتراسلهم بالايميل راح توفر كثييييييييييييييييييييييييييييير صدقني راح توفر اكثر من 1000 ريال

عليكم السلام
شوف حبيبي ،
مكتب مستقبلي يجيب قبولات ،ولد اخوي وولد أختي جاب لهم وهم الحين بأمريكا ،
بس آخذ على كل واحد 3000 او 3500 ماني فاكر !
انا جبت قبول ماكلفني الا 500 ريال تقريباً !!

شوف ،روح لـ اكاديميه الفيصل الي بـ مخرج 9 قبل مطعم الناضج بالحارهـ ..
اطلع الدور الثاني واسأل عن الاستاذ سليم ..
هذا يجيب قبولات وياخذ منك 200 ريال فتح ملف وارسال الاوراق ..غير قيمه الابلكيشن ..
مافيه اي مبالغ ثانيه ..والرجل جداً حبوب وينصح وفاهم ..

الاشكاليه انو القبول يتأخر شوي ..يعني من 3 شهور وفيها ..

مكتب مستقبلي يجيب لك قبول من جامعات سهله مليانه سعودين ،،

مكتب مستقبلي ( دماري ) يجونه الناس يبون قبول في امريكا وبس ،، وطبعاً هو يستغل جهلهم بالقاره الامريكية كامله ويروح يجيب لهم قبولات في اماكن تعبانه وجامعات سهلة القبول
والسبب على شان يفتك منهم ولا يكثرون عليه مراجعات كل يوم

لكن لو تقول له ابي قبول في جامعه محدده ( قبول معهد وجامعه ) يبدا يعطيك اعذار انها ماتعطي قبول مشروط وانها وانها وانها ،، على شان يوديك على جامعه سهلة القبول ويمشيك بسرعه

يا ناس افهموا امريكا ماهي زي بعض ( 50 ولايه ) ولايضحكون عليكم اصحاب المكاتب


وبالنسبه لـ سليم اللي في اكاديمية الفيصل ،، يعطيك من الاعذار على شان تختار جامعة على هواه ،، والسبب الحقيقي انه متعاقد مع هالجامعه وياخذ 10 بالميه من تكلفة دراسة الطالب في الجامعه

انتبهوا يا جماعه ،، واعتبروا من اللي انضحك عليهم من اصحاب هالمكاتب

حدد اسم الجامعة اللي تبغى تدرس فيها والولاية وراسل ... iAdmission

بخصوص مستقبلي نفس الشي صار معاي !
اقوله طيب عطني اسامي ،ابي أعرف وش المدينه اللي بروح لها ،يقولي لو قلت لك ماجيت تدور قبول !!!!

اما سليم أعطاني عشر جامعات تقريباً ،قالي هذي ان شالله اجيب لك قبول منها ،
اما لو تبي تراسل جامعات محدده ما اضمن لك القبول لأني ماعرفهم ولا شروطهم ومدى تقبلّهم لمستويات الطلاب..

والحمدلله اخترت ثلاث جامعات وجاتني قبول فيها كلها ،

الله كرريم الله يوفق الجممممميع انشششششالله لما ااااايحب ويرضضااءء