شباب سمعت ان اللي عليه قرض من البنك ؟؟؟؟؟

مرحبااا فيكم

كيف حالكم عساكم بخير يارب

وكيف الحياه معكم

من زمان عن هذا القسم راح الشيب اللي في راسي منه الحمد لله واشتقت للشيب ورجعت لكم

عندي استفسار واتمنى ان الكلام مهوب صحيح

استفسار ياشباب ان اي احد عليه قرض في البنك ويكون في البلاك لست يمنع من السفر يعني اذا رجعت للسعوديه وعليك قرض ماعاد تقدر تطلع منها يرجعونك في المطار

الكلام هذا سمعته امس ولا ادري عن صحتة انا ما عاد ادري عن السعوديه ولا اخبارها اعرف اخبار ليبيا اكثر منها انقطعت ماعاد ادري عن شي

هل تغير شي في الوضع ؟؟؟

هل هذااااا صحيح ؟؟؟ علشان اسحب علي السعوديه خمس سنوات << واحد يبيها من الله لووول

وشكراااااا قايز وقايزات

نفس السوال وننتظر الرد

مع اني سمعت انه لا يمنع من السفر لكن بعد انهاء المده والمقترض لم يسدد يقدم عليه دعوى قضائيه .. وما الى ذلك من الاجرائات القانونيه

ركز معي بعد انهاء المده المحدده للسداد مثلآ على 5 سنوات او 3 سنوات ... الـخ

والعلم عند الله ..............

اذا عليك مديونية اكثر من عشر الاف تمنع من السفر
بس تاكد اذا عليك تعميم ولا لا خلي احد من الشباب اذا يعرف احد بالاحوال او الجوازات يتاكد اذا مطلوب ولا لا

والله مشكله يعني ما امداني اتهنى بالبعثه ما جات الا بعد طلعت الروح والمرمطه درزن شهور وفي الاخير كذا تروح بكل بساطه :(


اذا صدق احس بنزل نص عدد المبتعثين الا ٥٠ بعد اجازة الصيف :d

ان شاء الله مافي تعميم بس اعتقد اللي يبي يسافر لغرض الدراسه او للعلاج مايمنعونه لانه رح يرجع بكل الاحوال
الله يوفقك ويسهل دربك

أنا ماعندي خبر مؤكد 100% عن قرض البنك بس اذا أنت متخوف من ذا الموضوع ومافي أحد تعرفه جاب لك الخبر الصحيح والمؤكد 100% لا ترجع الا لما تخلص مرة وحدة

المهم أنا صارت مع خويي واحنا رايحيين البحرين وقفوه الجوازات ماخلوه يطلع البحرين ولا خلوه يرجع السعودية وحولوه على الشرطة الين ماجا أبوه يكفله بس القضية كانت غير
كان كافل واحد وهالواحد ماسدد الاقساط اللي عليه
حاولنا مع الجوازات عشان نرجع السعودية وقلنا لهم بنحل القضية ، قالو لنا مانقدر نخلي سبيله الا لما تجي الشرطة لان الموظف لما يدخل رقم جوازه او بطاقته الاحوال في السيستم يبين انه وصل لنقطة الجوازات وانه مسجل كمطلوب ( على ماأعتقد تطلع في الشاشة نقطة صفرا او حمرا ) واذا تركه راح تطيح المسؤولية على موظف الجوازات لما يشيكون بالسيستم

خلك في السليم أزين لك
و اطلب العون من الله العلي القدير ثم من أهل الخير

اعرف واحد علية 120 الف من سنتين طالع وفالها ورايح جاي وامورة تمام وانضم للبعثة زي الفل وباقي سنتين ويتخرج وين بيروح مصيرة يرجع ويسدد
مع التحية ولا تشيل هم
الى اذا كان هناك قانون جديد خلال الاسابيع هذي الله واعلم
مع التحية

اتمنى انها اشاعه ":(

بس ياليت اذا احد عنده خبر مؤكد يعلمناااا

اذا بيروح دراسـه اتوقــع عاادي يقدر يقدم على إعادة جدولـة بحيث انهم ياخذوا القرض او القسط بعد عودته الى السعوديــة