استفسار اخواني واخواتي ساعدوني بخصوص الضمان المالي

هلا فيك اخوي
كندا يطلبون كشف حساب مش ضمان مالي وبالنسبة للمبلغ عادي لو تودعه اليوم وتطلب كشف حساب في اليوم الثاني
بالنسبة للمبلغ فوق 100.000 افضل شي ريال طبعآ
والاهم من كذا يكون بحساب ولي الامر ويكون كشف حساب متحرك
في عندي رقم شخص بالدمام ساعدني بالشهادة البنكية والحمدالله تعامله طيب بس ما ادري عن كشف الحساب
لو بغيت رقمة رد لي
موفق

برضو مافهمت

طيب الكشف المالي على قولتك لازم يكون المبلغ موجود طوال الثلاث اشهر

ولا عادي اودع واخذ كشف حساب في نفس اليوم ؟؟؟

اخوي عادي من حساب خوانك ابوك
عادي تقدر تطلع الضمان المالي

أخوي الغالي جامل زمانك


هذا خويك وش بيسوي يعني .. كيف بيساعدني ؟؟

لا تبخل علي وانا اخوك

يااخي انا حطيت مبلغ تقريباا 160 الف وطلعت ضمان مال من البنك الاهلي بخمسين ريال
واليوم الثاني سحبت المبلغ وانتهت السالفه

وحسابي اساسا داج يعني لا تشغل بالك سهالات يالحبيب

ربي يوفقك

هلا فيك اخوي
شوف الموضوع جدآ بسيط بس فية بعض ناس الله يهديهم يجيك ويخبص كل معلوماتك ويقولك شهادة بنكية وضمان مالي وكشف حساب ومدري ايش
شوف بعطيك الزبدة
بخصـــــــــوص امريكا :
*/لما تكون مبتعث الوزارة تعطيك ورقة اسمها ضمان مالي يعني الورقة هذي تقدر تقدم فيها ع الجامعات وتقدمها للسفارة
وتثبت ان الوزارة تتكفل بكل مصاريفك الدراسية .
*/ ولما تكون على حسابك الخاص تحتاج شهادة بنكية وكشف حساب اخر ست شهور والمبلغ مايقل عن 120.000
والمبلغ عادي تودعه بنفس اليوم وتسحب كشف حساب ،،طبعآ الجامعات تطلب شهادة بنكية والسفارة في الغالب تطلب كشف حساب واحتياطآ الواحد يكون معه شهادة وكشف حساب

بخصــــــــوص كندا:
*/لما تكون مبتعث ،،، زي ماتكون مبتعث لامريكا يعني منتهي وضعك
*/ولما تكون على حسابك الخاص تحتاج فقط كشف حساب اخر ست شهور بحساب ولي الامر والمبلغ اكثر من 100.000
والمبلغ تودعة وبنفس الوقت تسحب كشف حساب يعني جدآ عااادي لا تشيل هم النقطة هذي

والشخص اللي قلت لك علية مش خويي شخص تعرفت علية من هالمنتدى والحمدالله ساعدني واخذ عمولته بس ساعدني بشهادة بنكية لامريكا
ما ادري عن كشف الحساب عمومآ مثل ماقلت لك لو تبي رقمة تكلمة وتتفاهم معه رد لي خبر
واي استفسار حنا في الخدمة
مووووفق