أوراقي وصلت الوزارة .. ولاكن لاوجود لإسمي في موقع الوزارة

الله يسهل الامور ولكن تأكد من ارسالها من قبل الملحقية وخلي اي احد تعرفه بالرياض يراجعها برقم المعاملة في الوزارة .. والله يكتب لجميع الطلاب الخير والتوفيق

احينا يدخلون رقم السجل المدني خطأ انا صارت معي لذلك خل واحد يروح لهم ويشوف ايش صار

انا نفس الحكاية ارسلت الملحقية اوراقي بتاريخ 27/6/1429
ووصلت الوزارة وعندي رقمها في الوزارة

ولكن محد يدري وينها ؟ لي ثلاث اسابيع اتصل كل يوم دوام ، وفي الاخير كل واحد يقول مايدري وينها

حتى الموظف اللي مسجل في الوزارة انه مستلمها يقول مايدري عنها

وفي الموقع مافي اي معلومة عن معاملتي

وربك كريم

مشكورين على ردودكم جميعاً ..

واتمنى ان الاوراق ماكان من نصيبها انها تكون سفرة أكل ولا قاعده شاهي

بعدين اتصال على الملحقية وقال ايش صار على اورقي جاكم اي شي

الملحقية كلمتهم ورسلوا الاوراق اكثر من مرة للتأكيد ..

ولكن لا أعلم وش الي حاصل لدى الوزارة !!

هل هذا طبيعي !! أم يوجد غلط في الموضوع !!

تتنظر الافادة من الاخ المستشار

كع كع لا يكون أنا و انت نفس الشخص

ياخوك نفس الحكاية، اوراقي لها شهرين في الوزارة و الملحقية ارسلتها مرتين كرسالة هاتفية

ولا الموظف اللي مستلمها يدري عنها ولا النظام في الموقع يدري عنها

شكل اوراقنا راحت للبلدية

يا جماعة خذوا العلم

بقولكم ان المعاملات التي ترسلها الملحقيه ياخذها البوفيه ويلف فيها السندويتشات

وهي لا تقدم ولا تأخر واللي يبي تخلص اموره
اللي ما معه قبول يسوي التالي
يتصل على الملحقية ويقول ارسلوها بالفاكس لواحد اسمه المويس في مكتب العطية

بعدين انت ارسل بالفاكس ورقة ببداية الدراسة او تحديد المستوى مع صورة لكرت الدخول مع رقم المعامله وتاريخها لاي احد تعرفه في الرياض وعلى طول يروح يقابل العطيه ويحاول الوصول له بإي طريقة حتى لو تطب عليه في بيته ويكون معه جميع الاوراق ويبلغه ان الملحقية ارسلت الخطاب بالفاكس للمويس وبعد يفضل تكتب خطاب يوضح اموك ومعاناتك ووتكلفه المعيشة وان الوزاره هي اللي عطتك تذاكر وغيره ( يعني معروض طراره) ومعه ورقة طلب للإنظام للبعثه
والعطيه بيكتب عليها لانهاء الإجراءات وبيعطيها واحد اسمه خالد الجماز وان شاء الله كذا بتعرض على الجلسه وإذا عرضت ورفضت
وعلى طول خلي اللي يراجعك يطمر لموقع الوازاره بحي الغدير ويدخل على الموسى وينشب فيه نشبه حتى يوافق ويفضل في هذه المرحله تدخل كبار السن عند الموسى بس انت جب اقرب شايب وخله يكلمه وكذا ان شاء الله بيطلع القرار

اما إذا كان عندك قبول جامعة فهذي بسيطه جدا اتصل على واحد اسمه احمد المسلم في الملحقيه
وقل له ابي افتح ملحف دارس على حسابه الخاص واول ما يعطيك رقم الملف على طول ارسل ورقة بداية الدراسة وكرت الدخول مع رقم الملف لإي واحد تعرفه + نموذج طلب الانظام للبعثة وخله يسلهما لواحد اسمه خالد الجماز في مبنى الوزارة على شارع المعذر البوابه الغربيه ويعطيه حميع الاوراق وكلها اسبوع ويطلع القرار

والله يوفقك الجميع

الله سيهل امورك اخوى ..
لكن لا تسكت على الموضوع ابدا.. خلى احد تعرفه فى الرياض يروح بكل اوراقك للدكتور العطيه ..وانشالله راح ينحل الموضوع على طوووول.
اتمنالك ولكل المبتعثين التوفيق باذن الله...