واسفااه يا ملحقيتنا فى لندن

September 26th, 2008, 02:38 PM

السلام عليكم ورحمه الله وبركاته ،،،

اولا اود ان اشكر مبتعث لفضله على بعد الله فى تشجيعي على الاهتمام باكمال دراستى العليا وتوضيح ماكان خافى عنى.. ومن لا يشكر الناس لا يشكر.

يوم 25 وصلت عن طريق القطريه الساعه 7 الصبح رتبت امورى ورحت للملحقيه الساعه 9 ونص.
وهذى ملاحضاتى.

- يوجد درج بالملحقيه يمترونك فيه رايح جاي على غير سنع ( خذ احتياطاتك والبس جزمات رياضيه)
- اول ما توصل اطلب رقم ولو تاخذه بالقوه لانهم مره يقولون لك اوراقك ما تحتاج رقم وبعد كم دقيقيه يقلبون ويوزعون ارقام واذا قلت انا جاي قبل الشباب اللى عطيتوهم ارقام ينقز لك واحد غير سعودى ويذب عليك كم كلمه انت فى غنى عنها ويتهمك انك غير صادق ولو انك قايل له قبل دقيقه

- طبعا انا معى امر اركاب وادرس ماستر لذا يطلبون منك تروح للغرفه اللى على اليسار اول ما تدخل على طول .

- الغرفه بوصفها لككم كالتالي اول ما تدخل يجى قدامك على اليمين طاوله مديرهم خلف المويس ( يذكرنى ببوضاري فى عيال قريه رجال راعى واجب ويحب يخدم وكلمه رجل فيه قليله بحقه ) بعده سلطان السبيعى (شخص محترم ويحب يخدم بقوه واسلوبه اسلوب رجال ولد حموله ولا يرد احد) بعده يجى واحد اجنبى مدرى وش اسمه (ما شفت منه شى مع انهم ما يفرقون بس يمكن عشان ما صار بينى وبينه شغل) بعده يجى واحد كلب مدرى وش اسمه اعتقد فلسطينى ( اسلوبه وصخ وما خذ راحته على الاخر كلمته ورد على بطريق خايسه وحشرته بقوه وبعدها انضبط معى . مطنش العالم ويشرب مويه قدام الناس وحنا فى الشهر الفضيل)
بعده يجى عدنان (سعودى بس مريض نفسيا - احسه يحيب يخدم لكن اسلوبه ما يساعده وبعد شوى يقلب عليك بدون سبب وبعد شوى يحاول يفرك ويخلي الشغل غريبه تصرفاته واحس انه بيدخل حياته الخاصه فى الشغل وهذا غلط كبير اقدر اقول عليه مسكين و كثير عليه يكون بالارشيف موب يقابل شباب متغربين ومحتاجين الدعم والكلمه الطيبه - عموما هو سالنى سؤال وقال متى عطاك الدكتور العطيه التذاكر؟؟؟؟؟ ؟؟؟؟؟؟؟؟؟؟؟ استغربت وقلت جتنى وانا فى البيت (حسيته خاف) .

بعدها ناخذ اللفه ونروح لطاوله البنت اللى بتسوى الضمانات الماليه مكانها يسارك وانت داخل مع الباب اعتقد غير سعوديه مع ان لهجتها حجازيه ( اسلوبها زفت وطريق عملها بطيئه ونفسها شينه ولو الود ودها بتعطل كل الناس (( احس فيها حقد)) على المبتعثين والمبتعثات.

طبعا انت مرتبط بالملحق لانك لازم تروح توقع من عنه اوراق لذلك لابد اشيد بالاخ العنقري سكرتير الملحق لانه فعلا محترو ووده يخلصك بسرعه.


- المبتعثون مساكين الواحد يضرب به عرض الحائط من قبل الاجانب ولا يتكلمو وساكتين ( استغرب السلبيه)؟؟؟؟؟؟؟؟؟؟؟؟؟؟ اهم شى الكرامه

- السعوديين الموضفون واداريين كلهم محترمين جدا ويخدمونك ولو بعيونهم ما عدا ابن بلدنا عدنان ( الله يصلحه ويقدر يتوازن فى رده على الناس ويحسن اسلوبه لان كل المبتعثين اخوانه وخواته)

- الاجانب ليس كلهم ولكن اغلبهم وده يعطلك؟؟؟؟؟؟؟؟؟؟؟

- يعطونك1- ضمان مالى للمعهد لمده 12 اسبوع 2- تعريف للسكن 3- ورقه لفتح حساب بالبنك


تحياتي

• نشر عبر تويتر
• نشر عبر فيسبوك
• نشر عبر جوجل