الذين تم الحاقهم في الجلسة 165 ارجو الدخول... والطلاب الذين لم يلتحقوا راح تستفيدوا

أبدأها

الحمد لله

أبشركم الحق بالبعثة
.
.
.
ولا ننسى ..... اخواننا الذين لم يلتحقوا الى الآن :
طبعا اكيد إللي باقي ما إلتحقوا يحتاجون يعرفون بعض المعلومات لتشجييعهم ورفع معنوياتهم.............. فأقول:-

الحمد لله الله يسرها. كان وصولي لبريطانيا بتاريخ 28 /10/2008
وارسلت مباشرة المعهد بتاريخ 1/11/2008
وتم ارسال ملفي للوزارة بتاريخ 3/11/2008
وتم وصول ملفي الى الوزارة بتاريخ 25/11/2008
وتم ادراج اسمي في الجلسة 165 يوم الجمعة 28/11/2008
وتم صدور القرار يوم الاثنين 1/12/2008
.
يعني شهر وثلاث ايام بالضبط من وصولي لبريطانيا وحتى صدور القرار <<<< وذلك الفضل من الله ..........
.
طبعا لاانسى اقولكم اني طالب ماجستير
.
يعني وبإختصار تروها تساهيل يا جماعة توكلوا على الله وكلها تساهيل

الف مبروك لجميع الاخوان الذين تم الحاقهم من اخونا كلمة مرور الى نفسي اخركم
تم ارسال ملفي للملحقية يوم 2\9\2008 2\9\1429
تم تحويل ملفي للرياض اظن قبل اسبوعين
تم الحاقي بالبعثة يوم الاثنين 1\12\2008
وبالنسبة للاخزان اللي لم يلحقوا بالجلسة او لم يقدموا اوراقهم ان شاء الله يتم الحاقهم ولكن عليكم بالدعاء والله يوفق الجميع
انا ادرس بكالوريس في سيدني استراليا
انا تحت الخدمة

الف الف الف مبروك اخوي كلمة مرور وموفق باذن الله...
وان شاء الله انها تساهيل انا طالع استراليا على حسابي ماستر هندسة بعد شهر معي قبول المعهد والجامعه ... بس خوفي ما الحق لان معدلي الجامعي 2.5 ... انت وش رايك؟؟ انتظر ردك على احر من الجمر

ماشاء الله تبارك الله

لو معدلي زي معدلك كان اعتبر نفسي من عباقرة العالم , وكان بطالب الوزارة اني اكون مع مبتعثي المرحلة الرابعة هههههههه


والله شوف ياخوي ... موضوع المعدل والله وبالله وتالله ما له اي علاقة في الالحاق ... إلا لطلاب البكالوريوس إللي يبون يدرسون تخصصات طبية لازم تكون نسبتهم في الثانوية العامة 80% على الاقل.......


لكن انت ماجستير وتخصصك هندسة..... يعني مافيه شيء يمنعك من الالحاق....

واعرف 5 اقل من معدلك بكثير وتخصصاتهم بعضهم شريعة وجاي يدرس قانون..........

توكل على الله ولاتشيل هم المعدل الله يحفظك......

وكلمة مرور اذا قال شيء تراه متأكد منه 1000%

بالتوفيق

1000مبروك للجميع وعقبالنا يارب

الف الف مبروووووووك كلمة المرور على الالحاق وباقي الشباب الله يجعلها خير وبركه عليكم ويوفقكم بدراستكم ودعواتكم يا شباب ان الله يوفقنا ونلتحق بالبعثه .

ايوم فتحت ملف في الملحقيه والحمد لله ما طلبو مني ورقة مباشرة المعهد ويقولون شيك معنا بعد 3 ايام عشان رقم الصادر .

تتوقع يمديهم يرسلونها للوزارة قبل العيد عشان علما تكون اجازة العيد في الرياض خلصت لعلها تكون وصلتهم ؟؟

والله يوفق الجميع يا رب وتكفوون لا تنسوننا من دعواتكم .

اخوكم
بدر

شوف بدر

ترى فيه فرق بين فتح الملف وبــــــــــــــــيـــــــــــــــن طلب الحاق يعني انتبه لهذي النقطة....

يعني هذي شغلتين مختلفة .........
اي واحد يجي لازم يفتح ملف سواء مبتعث او على حسابه الخاص.....

لكن المبتعث : الملحقية ترسل اوراقه للوزارة مباشرة , وإللي على حسابه لازم هو يقولهم ابي طلب الحاق بالبعثة وهم يعطونه استمارة يعبيها....


عاد احتياطا ً ارسل للموظف اللي فتح لك ملف ايميل بورقة المباشرة في المعهد...

عشان لايكون حجة له لو تأخر في الارسال..

بالتوفيق

سؤال على الطاير واذا ماتبي تجاوب عادي ههههههه : انت ماستر وإلا بكالوريوس...؟

بالنسبة لوصول المعاملة

اسرع شيء عندهم الفاكس وعادة يوصل خلال ثلاث ايام (لاتقول ليش ما يوصل من وقته....؟! لأني باختصار ما أدري..... انا ارسلوا اوراقي فاكس وصلت بعد اسبوع)

لكن انت شيك مع الملحقية حتى تتأكد انه تم ارسالها ........... وبالتوفيق