كل ما طقيتها عوجا عوجا

السلام عليكم ورحمة الله وبركاته
والله ما أقول غير الله يعين
ترى ماتضيق الا تفرج أنا لي كم سنه مافيه الا دجة ودورة وظايف ولافيه والله العظيم وصل الأمر أني أسجل جندي في الأمن العام وأنا معي بكالوريوس ودخلت واسطات عشان الوظيفة ولكن صرت مقتنع بنصيبي اللي مثل نصيب الشاعر اللي يقول
الحظ لاصابه التفليس ياشيخ والله مايصحا
الناس تحجز على باريس وأنا وغازي على رفحاء

ولكن الحمد لله فرجت وهذا أنا أتجهز للسفر بعد مارفضوا بعثتي سنتين للأردن ومصر والبحرين آخر شئ وافقوا على استراليا وإن شاء الله إنك على الطريق وما أقول غير الله ييسر أمورك ويفرج همك واستعن بالله وأنا أخوك

الله يوفقك يا خوي, وشيل من راسك اليأس، وما يخالف جيب قبولين جديدين والله يسهل لك ولجميع الطلاب, والله يلحقنا بالبعثه بأقرب فرصه يا رب العالمين.

اخوي هونها وتهوون وثق انك ماتاخذ في الدنيا ذي الا اللي كتبه لك رب العباد والحمدلله مادام موضوعك كذا إن شالله امورك هينة
عادي رح للمكتب اللي جاب لك قبول وخله يغير لك بقبول معهد وجامعة ثانية واللي صبرك هالمدة كلها يصبرك الايام الجاية

وبعدين انت بتدرس إن شاءلله ماستر , يعني ماعندك مشكلة انا مريت قبل امس الملحقية في لندن وسألتهم قلت باقي فيه الحاق قالوا ايه والامور نفس اول ماصار فيها شي, التضييق والمنع كلها خاصة بمرحلة البكالوريوس فقط فهمت.
بأذن الله تتيسر امورك ويجي قبولك وتجي بريطانيا وتلحق في البعثة وتعزمنا في شارع الاجور رود وبنضحك بأذن الله سوى على هاذي الايام اللي تحس انها كئيبة

المهم / اكثر من الاستغفار والصلاة اخر الليل بأن ييسر الله عز وجل امورك_ يااخوان والله لدينا سلاح قوي وهو الدعاء ويكون بأخلاص وتضرع الى الله ولن يخيب الله املك_
وبالتوفيق ان شاءالله

السلام عليكم
شكرا على مروركم اخواني
عبدالعزيز
المليون
يورب
والله ان كلامكم له وقع في النفس الله يوفقكم دنيا واخرة
وشكرا على كلامك خريج 1428
والله انه عطاني دفعة معنوية الله يوفقك قل امين

وابشر بالمفطح في الاجود رود ان شاء الله اذا انضميت للبعثة ان شاء الله