بصراحه انا انسان اقدّر وزارة التعليم العالي لأنهم يسهرون على راحة ابنائهم الطلاب في الخارج
ويتفقدون احوالهم في الغربه حتى انك في بعض الاحيان تحس انهم يهتمون فيك اكثر من اهتمام نفسك بـ نفسكـ
موظفين الوزاره_ وش اقول فيهم عشان اوفيهم؟
عسى مايشوفهم لاحاسد ولا فاسد.. ملائكه يمشون على الارض لاااا والابتسامه ماتفارق محياهم
تجد هذا الموظف يأخذ اوراقك ويجري بها في اروقة الوزاره وبين المكاتب وموظف آخر يبادرك بالسؤال بلمسة الوزاره الابويه الحانيه:كيف اساعدك يابني؟
وموظف آخر يربت على كتفك لكي تنسى همومك ويشد من ازرك بعباراته التشجيعيه_
وموقع الوزاره هذا قصه ثانيه_اول ماتفتح الموقع تستفسر مثلا عن طلب الحاقك بالبعثه تنط بوجهك رساله ترحيبيه "اهلاً بك يابني ضع رقم سجلك هنا وابشر بما يسرك" ثم تطلعلك عبارة مبروووك<<ملونه تم الحاقك
تصدقون اني اول ماارسلت اوراقي للملحقيه مايمديني اسوي ريفرش للصفحه الا جايتني رساله على الايميل من الوزاره "لقد تم استلام طلبك ورقم جلستك هو 168 ولاتشغل بالك يابني سوف يتم الحاقك فقط اهتم بدراستك" وتحتها بعض النصائح الابويه الحانيه والسؤال عن الحال ولا تتردد في ابلاغهم بأي صعوبات تواجهك
بس عاد انا استحيت منهم وحلفت عليهم اني ابي انتظر الجلسه الجايه قلت عشان ينتهي مصروفي ويوم تجيني يصير لها طعم_...
بصراحه من كثر مااحرجوني بكرمهم احترت اول ماارجع اروح اسلم على اهلي والا اسلم عليهم اول؟
لاااا عاد لازم اروح لهم دايركت من المطار واسلم عليهم واحد واحد وااطبع قبله big kiss على روؤسهم
مالكم حق بصراحه تنتقدون وزارتنا اللي تحطها على الجرح يبرى ناس من كثر مايساعدونا مادري وين اوديهم
هههههههههههه تحيه للوزاره من باص 62