كنــــ CHAT ــــدا

هاااي ياكنديين , بفضفض لكم لاني كم شهر وبكون عندكم ان شاء الله

قدمت في المرحلة التامنة وحطيت اول خيار كندا

بحثت في كل جامعات كندا عن تخصصي ولقيت بعض الجامعات فيها تخصصات افضل من اللي كنت ابغاه

وعقدت العزم على كندا بعد ماقرأت عنها كتير واعجبتني بس الله ييسر امر القبولات متخوفة منها .

بروح لكندا انا واخويا (في حال وافقت ماما و بابا وماسحب علييا اخويا )

نفسي ننقبل انا واخويا بنفس الجامعة في كندا , ونفسي كمان اخويا يتحمل الغربة ويلاقي مستقبل ناجح هناك

عشان هوا مسكين حيروح معايا عشاني وعشان اكمل دراستي وقلبي على ايدي لايجازف بمستقبله عشاني

دحين قد مااقدر جالسه ادور وظيفة معيدة عشان اسيب البعثة واخلص , يصير لو تووظفت

أحاول ااخر بعثتي اللي تابعه للوظيفة لحد مايخلص اخويا البكالوريوس هنا بالسعودية

ونروح سوا نكمل ماجستير وقتها يكون كبر شوية ويكون ماخربت مستقبله في دراسته الجامعيه بالسعودية

ويكون اهديته البعثه على طبق من ذهب , وترتاح ماما ويرتاح بابا لانهم مايبو يطلعوه دحين معايا عشان لساتهم شايفينه صغير .

وكمان عشان اثبت نفسي بوظيفة , لو رحت للبعثة باخد ماستر وبي اتش دي يعني تقريبا خمس سنوات

بقضيها برا السعودية ولمن برجع ادور وظيفة اكاديميه بلقى الجامعات امتلت , فاابغا اثبت نفسي اول واضمن وظيفتي .

الله ييسر الامور ويككتب لنا اللي فيه الخير ويساعدكم جميعا .

السلام عليكم احبتي جميعا يسعدني ويشرفني نكون عضوة في هدا المنتدى..ويطيب لي التواصل معكم..بس انا محتاجة لمساعدتكم لكل من لديه المعلومة الدقيقة يفيدني بها اانا ابحث عن جامعات كندية لاستكمال درجة الماستر في مجال تصميم الازياء ومن هنا اريد جامعات لقبول دراسة اللغة وايضا دراسة الماستر في التخصص فارجو المساعدة وخالص ودي لكم

اخواني انا بسأل عن فيكتوريا الوضع المعيشي كيف وهل يوجد بها مقاهي لان أبوي راعي شيشه

الموضوع تاريخه من ٢٠٠٨
وبين كل رد والثاني تقريبا مدة سنه هههههه

الايام تركض .. يامبتعثين افيدونا

السلام عليكم
انانا في مونتريال
و احتاج سائق لنقل اطفالي للديكير
الي عنده اي معلومات يرد علي و شكرا